11/2/2016 (星期四) 年初四
旅程第二天：鎌倉﹗
因為由新宿出發要坐個幾鐘頭車先到藤沢，
所以呢朝我地要7am起身~
為咗玩，我地係寧願瞓少d!! XD
禽晚去街口便利店入的貨，
多到可以帶埋上車食~
臨離開偽日式公寓前，又再四圍八下，
晨光下的房間真係同日劇場景差唔多噃~
不過窗口對出就係鐵路，玻璃窗都刻意貼晒磨砂面~
咦~原來我地瞓的碌架床房對出，仲有個大露台!
露台大到可以間一間房啦......
屋主就用來晾衫洗衫~
連洗衣塊蓋布都咁卡娃依ne.....
響Wechat同中間人J小姐傾好，
我地呢日拍下籮柚就可以走，
兩大件行李留響屋內，
由佢地親自前來親手幫我地運送番去新大久保的旅館中~
我仲要求佢運到返去要send番張行李相畀我過目!
住咗一晚的公寓，都算係個旅遊奇遇~
希望唔會再有其他旅客遇上呢d突發事件啦~
日劇實景拜拜~~
5樓尚算開揚，附近都係住宅區~
唔係意外都冇機會見識同經歷既~
小巧精致的建築，
真係唔適合肥C大隻的人住......
老實講，我唔太enjoy日本屋的地板行兩步都澎澎聲，
樓底又矮好有壓迫感，跳一跳都掂到天花板~@@
我諗隔音都未必太好，
音響應該玩唔到喇，仲諗住叫班fd來開P？XD
不過好詭異的是，由昨夜至今晨，
都冇見過隔離的鄰居住戶，又聽唔到人聲雜聲，
雖則日本人好怕自己嘈到人，
但一個社區可以用死寂來形容，
呢個世界唔啱我~
(所以我仍未憧憬響日本生活~)
叫天不應，叫地不聞，
仲冷漠過而家d公屋的鄰里關係~XD
或者係我未了解，只係我片面之詞吧，
有機會，自己來體驗體驗~
冇騙人，樓底矮到呢.....
好似住咗入小人國咁~XDDD
日頭終於睇清楚大廈全貌~
街口轉角就有間便利店，
要求唔高，住呢區唔會餓死~
好寧靜的小區，加上天氣好，
心情靚番晒~~
很地道的舊式食店，太早未開舖~
行出去搭地鐵，當漫步也不錯~
經過昨夜光顧過的松屋~
轉入小巷，盡頭就是櫻台站。
只有一個出口~
轉一兩次車，坐三四個站，
半個鐘多少少才回到新宿，
(新大久保只須一個站就到新宿呀下!
所以轉咗落腳點，行程時間都要大變動!!)
咁早起身，都要成8:45am先返到新宿，
速速去新宿西口的
Odakyu Sightseeing Service Center買往後幾日的遊玩套票~
去到已經超爆勁多人排隊，
慘~ 又冇咗d時間 (但已預咗.....)
不過好滿意個Center的服務，
櫃位內寫咗當日當值的不同語言職員，
全部都係後生仔，勁似做Part Time的學生哥~
排隊時好主動埋嚟了解你去邊，有冇排錯隊，
邊度買飛可以更快，
仲會逐批問你去邊，想買邊隻票，來自邊度，
寫定張單畀你，埋到櫃位唔駛再問長問短就買到飛~~
效率算唔錯!!
Yeah~ 鎌倉、江之島兩日一夜我地來喇~~~
買完飛要等多半小時左右，先上到車~
期間最中意睇日本的廣告板，
嵐，好紅，紅到趕走咗Smap，
有次同同事吹水，佢話我知Smap解散的內幕 (huh？)
打個比喻：
捧紅Smap的經理人係(Mani)，
但想捧紅嵐的係英X老闆(楊受X個親妹)，
阿妹唔Like Mani，咁佢捧果隊點會有得生存呢？
****嗱，比喻嚟咋，同事講架咋，我聽完分享下架咋~XD
接近11am，終於來到藤沢了，
呢晚我地會入住車站附近的酒店~
第一眼給我的感覺，好得意~(唔知點解)
冇喼一身輕，只係簡單拎咗替換的內衣及隨身物品就前來~
車站行2mins就到酒店，隔離有地下飲食街~
對面有間中華料理店~
好似好好食....XP
酒店 3pm先有得check-in，
我地放低最重的行裝畀酒店keep，
就即刻出發去鎌倉!!!
當然要搭江之電~~
江之島閘口對正就有間紀念品店，
全店都賣江之電嘜頭的產品，好卡娃依~~
就快12點喇，立即起程~~~
雖然係平日，但都有好多日本遊客前來遊玩~~
車站顯示屏設計實在有趣，好有心思~~
鎌倉高校前~~~
舊式的、小小的、在民居旁邊行走的江之電，
必定要坐坐~
托賴天朗氣清，是遊玩的好日子~~
還有日本人抱著貓咪乘江之電啊~~~
好乖好可愛!!
日本男子見我著住件貓衫，又望到佢隻貓流口水，
所以臨落車時都同我呢個終極貓奴點頭問好~XDDD
最中意呢種Vintage感的廣告牌，沒有被時代洗掉~
終於來到，鎌倉﹗
玩盡佢~~~
食盡佢~~~
未出站，都仲要影一輪電車相先捨得走~@@
站內仲有呢d紀念金幣機，
(其實日本好多景點都有﹗香港迪士尼都有....XD)
又平又輕又易帶易收藏，是極度推介的紀念品!!!
揀咗一個送畀老公~~
江之電，好靚啊~~~
整條江之電路線，共有15個站，大約45mins可以坐畢全程~
買套票，就可以來回任搭無限次~
咁第一站，就梗係去咗鎌倉先!!
站的外觀設計，十分讚!!!
站外各處風光，有狗狗籌款、小型鐘樓~
當然最吸引我的，是能吃的......
聞到勁香香腸味，梗係唔執輸整番兩條~~~
靚仔知靚太來幫襯，幾開心 XD (誤)
買咗咖哩味、辣味各一條，
自行加芥茉和茄汁，超好味~~~~~
好多口味以供選擇，有英文餐牌，
350Yen一條 (約hk$24)
食唔飽，繼續向食街進發~~~~
入到路口就見到聞名鎌倉的鴿子餅!!
呢個鴿子餅，連高木直子來玩都有買來吃，
仲響繪本內推介，我都要買啊~~~~
不過餅乾易碎又難拎，所以回程先買，
同店對面的櫃位，有好多勁香勁靚的麵包，
我即刻就買咗!!!!
哇~~~~~
琳琅滿目............唔知買得邊個....@@
好想全部都試晒佢啊~~~~~
最後揀咗3個，行人食又好，當宵夜又好啦，
唔理喇買咗先算!!! 實在太靚!!!
再直行，見到牛奶妹同牛奶仔，
旁邊就係小町通的鳥居入口，
入面好多野食，好多野買~~~~~
香港都有的，唔行啦~
把握時間，搵食!!
第一間，食魚餅，我至愛之一!!
好大一盤，想食乜就指畀佢睇~
熱騰騰，好吸引~~<3
買咗三款，有燒賣~~(香港酒樓果d好味d)
呢舊，有牛蒡在內的魚餅，幾健康~
呢塊，都已經唔係咩餅，都係果類野啦~~XD
招財喵石像，老公要吸多d財氣~
臨近中午，愈來愈多人~~
源氏庵，門口好闊綽咁擺咗各款花生豆畀人試食，
我試咗，好好食，即買!!
推介咖哩味~~~~
(手信篇一次過介紹)
又有喵石像，呢d食店唔夠時間入內用餐了~~
但直接貢咗入呢條小巷，見到法式甜品店雪乃下~
有我好like的macaron!
一口氣買咗 4粒，唔要盒，反正即食要盒來把鬼？
(用盒裝得3粒 / 5粒裝，同埋貴d)
自己揀咗 3款口味，畀老公揀 1款~XD
柚子、抹茶、紅莓、朱古力
4粒合共 1040Yen (約hk$72)，
為起18蚊一粒，平過Laduree一截~~
只能說，極之好吃~~~~
口感鬆厚輕盈，唔太甜，吃後口腔留有餘香，縈繞不散~
好香好香~~ 值!!!
(我諗離開鎌倉後，唔會再食得番 T.T)
我地就坐響店子門外呢個浪漫的角落品嚐~XP
而雪乃下2樓的Brasserie，也是長龍店，
好多人排隊等吃法國料理，
我買macaron的是1樓Patisserie，也可在內吃的~
繼續往前走，眼裏只有吃吃吃~
見到呢間，雙眼發光 @@
我要食厚肉餅!!!!
唔係薯餅，係肉餅，
全個都塞滿肉肉，爆多肉汁，嗚哇~~~~好好食呀!!!!
是日推介：第二位好食之選!!
企定定食完再行 (日本禮儀呀下!)
帽子店全場半價，八掛走去試帽，
點知唉......破財啦~
買咗頂，即買即戴 XDD
燈凳!!!
第一位好食之選：白飯魚型燒!! (<--個名我老作)
見到呢幅相，必試啦下哇？﹗
買到，唔駛等，熱辣辣~~~
Wao~~~勁多白飯魚啊~~~
好殘忍，咬斷晒 XD
必食推介，好食過豆沙餡，又鹹又香脆，
食過番尋味!!!
其實食咗唔多野吖，老豆話佢已經塞唔落 @@
我仲好有空間喎~
呢下好多人排隊買抹茶雪糕，凍到幾度都要食 XD
如果唔駛排長龍，我都食!
今次無緣了拜拜~~
走完小町通，一直行去八幡宮~
喔噢~~鳥居維修中 (但包得好靚好整齊)
人多擠擁，
洗左手，洗右手，跟住潄口~
Clean咗自己先好入宮呀下~XD
買御守~
老公二話不說買咗兩個!!
好貴，係買畀兩粒寶貝女的愛玩守!!!!
健康長壽，交通安全？XD
看到八幡宮了，但沒有行上去~
我們自己也買了御守，驅除下衰運，招下福同財 XP
回程，其實入宮沿路仲有好多小攤檔~
呢間賣冰糖士多啤梨，對面仲有間賣冰糖小蘋果~
我睇中呢間，因為好多人排隊~
紅酒鐵板燒牛？？串？
我原本以為紅酒牛扒串......
望落唔似，食落唔係，但斷估係牛的某部份？
牛舌？係呱？有冇日本達人話我知？XD
Btw，幾好味，爽口~
撐到飽，但我又想試埋呢間!!
鳥皮喎~~~~~即係雞皮啦!!!
第三位必吃之選~~
用鐵板炒，加泡菜，爽口又煙韌，
爆肥都要食架喇!!!
點解香港人視佢為垃圾，日本人可以整得咁好味!!!
今次真係飽到上頸，係時候回程~
個湖好靚~
附近仲有好多地方維修緊~
上車前，買咗好多鴿子餅做手信~~
不過，真係好難拎，除非好似老公咁買鐵盒裝兼hand carry，
我果批，大部份斷曬~XD
收到的朋友唔好意思呀下......
等江之電回去，來了一架好卡通噃~
既然套票任搭，梗係玩多幾站先~
下一站：長谷~
長谷都有小街可逛，不過我地去到都黃昏了~
其實老公係想去望下長谷寺~
中途有間音樂盒店，我諗起小樽果間~
到了，唔入場，亦冇得入~
響門口影下OK~
行番出小街，店子開始閂門嚕~~
路過呢間，超型格動物醫院!!
柴崎牛乳本店，閂咗，冇得飲~
散步回車站，經過民居，
有d好型格~
有d好古舊~
同一條街，新舊交融~
如果可以響度買地，我梗係想起間夠型架啦 XD
發夢冇咁早，但車站咁早就亮燈，
好靚 ~~~
呢個男人，為咗影相，差d冇命.....
佢竟然唔知電車埋站時，
個欄杆會響頭頂直辦落嚟 @@
佢老婆我直接望住碌鐵扑落佢頭頂，
即刻叫咗聲：睇住呀!
結果兩邊月台的人都望咗過嚟~
不過呢，原來條鐵係假野......軟趴趴的...好彩.....XD
真係嚇死人咩，個心離一離呀~
上咗車，好快又落車，
第三站：Slam Dunk
鎌倉高校前~~
離遠望到江之島~~聽日去!
日落下的江之島，好美啊~~~
有人恨到了，終於來到~
(我完全唔明點解咁興奮，雖然我有睇過Slam Dunk...)
就係呢個位.....
就係呢個景......
搞到好多麻甩仔and麻甩佬要來拍番張劇照....@@
救命~XDD
為咗影到右邊果 d dur車頭定車尾，
影一次要等幾個字!! 等架電車來先影到!!!
你估我地企咗響度幾耐吖嗱？
唔好提........對比下張相的天色咪知~XD
玩咗起碼三班車...XDD先捨得走~
Wooo，開埋燈，仲靚過求先啊~~~
玩咗一日，6點幾就返回藤沢了~
鐵路的車頭有呢堆可愛東東~
望真d，青蛙神~~ 仲有貓頭鷹~
江之電，謝謝你~~好喜歡，想再坐~
江之電模型~
車站行返酒店，都係幾分鐘內到，
沿途必經的OPA商場，平台有間小忌廉薄餅店，1個300Yen咁平？﹗﹗
(*每次見到呢d薄餅，我就諗起卡通片入面小桃開果間店)
有共鳴揮手區~~XD
勁多款色，以前新世紀廣場都有得食~
多人，但排隊都好快~
又話飽到上頸，搭程車都落咗格，食得，打孖上!!!
一鹹一甜：
吞拿魚香腸芝士、香蕉朱古力
好美味，甜味好食d，食甜既就夠喇!!!!!
即叫即製又快手，仲好好食~
原來300Yen個係佢指定果10款，
香蕉朱古力係其中一款啊!!
食完，旁邊仲擺咗商場的情人節booth~
提早預祝情人節~
接近7pm，我地先返來check-in，
服務十分好，已把我們的小行李放到房間裏~
FRESA INN
左邊是大堂任意拿取的茶包、浸浴劑，
右邊那一包是for lady的護理用品~
房間雖小但好舒適~
一晚貨仔夠滿意啦~
戴咗一日冷帽，老公一入屋就飛咗頂帽出去，
話個頭要抖下氣 hahahaha XDD
你個髮型實在太正了吧.....gel到好恆XDD
抖咗陣，又出去食飯，
趁OPA未閂門入去逛逛，
呢晚條街大概得2、3度，凍到痴筋，
所以見門口即入內嘆暖氣......
畀我響超市遇番呢盒明星撈麵!!!!!!
就響上期沖繩Resort內買過一盒，超好吃~~有美乃滋的~
即刻買咗 4盒~hehe
在架空天橋望下條街有咩食~
車站全貌，又係夜景仲靚~
酒店就響OPA右邊小街轉入行15秒~
返回酒店路口的地下食街，
哇~~~~閂鬼晒門，8pm咋喎大佬~
所謂食街，得三間食肆~@@
唔驚， 上番地面，酒店範圍仲有好多食店開到好夜~~
380Yen碗拉麵，吸引咗我眼球~~
(約hk$26!!!!) 哇~~
要落一層暗黑樓梯~~
豚骨正油，好似揼骨咁~
推門內進，幾得意吖~~~
平民格局，我中意~~~
得日文餐牌，雞同鴨講，更見地道~
有圖睇圖，冇圖睇漢字，一樣搞得掂~
是但求其啦，都係一碗拉麵 ~XDD
仲有必吃餃子~
咁平，算幾好味~
呢餐飯，千幾Yen搞掂~
就響呢個地方食到，全幢都是吃的~
返去沖個熱水涼，睇下電視，執下行李，
咪瞓住!!! 仲有宵夜~~
下午買咗三個精美麵包，
是時候做點心了~~
好味到震~~~~的芝士煙肉麻糬，
焗薯仔牛蒡法包~
最好味呢個，明太子法包!!!!!
加埋罐桃味有氣果酒，Good~~~(打嗝)
Good Night!!!
下期再續，江之島!!!!!
沒有留言:
張貼留言