夏日高茶會

書展買了港女老婆本High Tea錦囊來看，

每看一篇介紹都會加劇想去吃High Tea的渴求﹗

然而選擇太多，加上有圖有真相，

反令師奶格價癮出晒來.......

吞拿魚三文治？鮮果撻？春卷？青檸梳打？

Sorry，我無法接受收我幾百蚊一set但食d咁既野﹗

不是說港女老婆介紹的不好，

只是有太多餐廳都求其夾雜d cheap野落去扮上菜，

真係有錢都駛得唔Gur~

不如咁，我地試下自己整丫﹗﹗

 人嘻會就咁就約咗個星期六，

選址豪門來個高茶聚，

重點是，一人負責整一Part，

然後砌埋佢﹗

太好了，反正我個38蚊三層架買咗咁耐都未開齋.....XD

 中意鹹多過甜的我，當然搶咗個鹹食位來做，

但當日帶埋罐至愛粟米去，

順手整埋個煙三文魚粟米白汁雞肉沙律杯~

 住響九龍城的會員T，

樓下有九萬間Cake Shop，

試新野的重任就交畀佢，呢d精美手指餅自己做唔到喇~

 貴為整餅達人的會長，

當然要焗定d撚手Cake過來壓一壓場啦﹗

呢件野響出面d名店賣成十幾廿蚊件，

係咪好味到飛天我唔知，

但會長整呢件真係好味到可以拎去賣﹗﹗

 繼續係我的傑作，飽肚之選，

我想話出面d Set都係畀呢d你咋撞鬼，

自己整d餡仲靚~

煙三文魚白汁蛋沙律包，新鮮軟熟又好味﹗

 出面整多士？我都有，用餅乾做低，

加片火腿、蛋沙律、軟芝士、小番茄，

一樣咁好食﹗

 燈凳~~~~會員A負責整牛奶布甸，

我地d女人仔儲埋呢d杯係有原因架﹗

哇，個布甸又係好味到可以拎去賣，

有冇搞錯，點解我地自己唔開檔呀？

會長話呢個堆頭開價300-400蚊一Set都得XDDD

 今次自製的超級High Tea大成功，

好玩又好味，

最重要係有極私人的空間，仲播放埋古典音樂，

傾偈傾到幾嘈都冇問題，

係欠咗個執事幫我地斟茶倒水唧﹗

由1點幾食到6點，呢d環境邊度搵啊？XDD

事後呢，一齊執野囉﹗做埋運動簡直係BONUS kakaka.....

----------------------------------------

緊接著的星期日，

老公又嚷著想試下High Tea滋味 (反眼)

難得天氣好又沒事忙，

便相約到尖沙咀覓食，

原本想試酒店高茶的我卻沒有做任何訂枱動作，

反而隨意逛街時卻想到Mira Mall這一家，

怕嘈的人一定識得來這裏避靜，

呢個靜到拍烏蠅的商場簡直是自由行地獄中的一片樂土........

 位於商場2樓死角位的Caffe A La Mode By Holly Brown，

唔駛訂位冇人排隊即入即食，

打開Menu一看都敲定了吃High Tea(因為老公想試)

其實散點的意粉、三文治和特飲都幾吸引~

 朝早同fd去完會展d咩咩展覽，睇佢心情幾靚~XD

 人唔多但都等咗幾耐，先來兩杯附送的飲品，

老公選了吸不千奴，我選了檸檬薑茶~

兩者皆好喝﹗

環看四周，真係Shopping的遊客都唔多個，

星期日喎﹗下晝嚟喎﹗

所以坐響度真係好可hea到恰眼瞓，

可惜餐廳指明入坐時候最多90分鐘，

即係擺明畀人hea的地方卻限制人地hea，

扭曲的城市........ 

終於等到主腳了，

老公第一句話：個Size同張相都好大出入喎~

(咪同d港女一樣囉，包括我.......)XD 

 上層：馬卡龍、魚籽醬牛油多士

前者甜到爆但好鬆化，後者冇乜特別，魚籽醬份量也放得不平均(噗)

 中層：冬甩兩個(我只吃了其中一個的1/4個，爆甜)、

疑似木糠蛋糕兩件(好甜但幾好食)、

布朗尼兩件(好甜但幾好食)、

泡芙(好實餡又唔夠唔好食)

都話我唔Like甜野架啦.......

 下層：薯粒杯(好食但冇茄汁)、

原味及朱古力味牛角酥(好一般)、

會長都整到的蛋糕(會長果件好食5倍)

迷你漢堡包(兩個Size唔同，一個較厚有鵝肝及牛肉，

另一個較薄得片牛肉同微型番茄及超微型酸瓜，咁都買到......)

總括來說，物非所值。 

難怪望晒四周有8成客都揀散點主菜啦.............笨咗~

 不過呢，

High Tea野真係8成食環境，

老公響呢方面比我看得開，

因為佢都唔識食﹗﹗嘿....

算係還咗佢心願喇，

以後再食High Tea，真係要精挑細選先敢再試XP

-------------------------------------

食到4點幾，兜咗轉The One，

平安冇出血，

為的是想等到5點去吃名古屋名物山哥雞翅膀﹗

之前去東京大阪都見過呢間野，

只是老公不好翼所以提出都無謂，

點知昨夜看見友人吃了，

原來香港都有得食﹗﹗

事隔一晚已急不及待狗衝去試~~~~~

 冇響日本食過冇得比較，

極速上網看一看食評，

原來新店早於4月就響金馬倫道開業，

日日響尖東返工的我咁都唔知真係一個恥辱呀呀呀~~~~

都好，人潮散晒我先去，

第一pair殺入場﹗

 就響Snoopy毗鄰，要落地底，

但門口雞乸咁大個招牌冇可能走漏眼~

一進店，就見到有日本人面孔，

仲有日本歌播放，周圍d海報都係日文，

就當自己去咗日本啦喂﹗

 正常格局，唔算好多枱，但位子闊落好坐，

亦係限時食90分鐘 (尖沙咀d店間間都限時真掃慶﹗)

不過除咗成班人吹水外，又確係好難坐到幾粒鐘呱？

 有個角落販賣品牌的紀念品﹗

 

 

 好欣賞食店有自己標誌的餐具，

每個位的牆上都貼有店子的小報導，

還預備了小痰罐畀你lur骨~

 上半場食滯咗，晚飯變得更簡約，

選了鐵板麻婆豆腐，好好味﹗

 同老公食雞翼我最著數，

因為佢一隻都唔食，仲正﹗我擦晒﹗﹗Yeah~~~~

山哥雞翼果然好味，吃起來好容易骨肉分離，

唔辣，偏乾身，好熱氣~

但未至於同夢幻扯得上關係......

(呢碟叫夢幻雞翼)

 味噌豬肉串，偏鹹，醬汁都好味但未夠惹味`

炒飯，尚算好味，偏油，但令我想起深夜食堂，

因為當中夾雜了日本香腸啊~~

 

 對我們來說，這一餐份量唔算多，

但剛剛好，

如果有機會再來，我覺得只吃雞翼加啤酒就夠了﹗

 假如你係重口味之人，呢度好啱你﹗

最後我地忍唔住叫咗杯櫻桃荔枝特飲，

好味但好淡，唔值38蚊。

 雖然今日彈多過讚，

但人生總要不斷嘗試﹗

呢餐除咗至愛雞翼，還拿到可愛紙扇~

 臨走前也走去看看紀念品有什麼好買，

有零食，靚太點會唔出手？﹗

小試牛刀買咗山哥燒餅~XD

 呢種feel真係好似去咗日本，好欣賞呀~~~~

 仲有賣日本懷舊玩具~

(我唔知係咪for人買，因為見老闆拆咗件送畀個細路客)

見到有招牌糖果，職員好welcome我地拎去食~

就拿了幾顆~ 

 臨走前，呢位日本叔叔(店長？)想送咗小禮物畀我地﹗

去到門口我邀請佢同我Selfie~

佢可愛到畀個V字手勢﹗

呢種超級親切的日式款待真係加分加到彭彭聲﹗

 前DNA商場對面，係香港人都一定識去啦﹗

 會有雞翅迷約我再來嗎？

就是送了我們這雙清酒瓶了﹗

還說可以用來插花，很搞笑，怎麼這樣好運啊？

(可能見我地影相影太兇，似遊客.....？)

還是越簡單的甜品越得我歡心，

印呢餐廳呢d，4件夠打一盤，都只係30蚊......

師奶啊我始終是~~~~~XD