6/4/2015 (星期一)
九州遊第二天：離開博多，向由布院進發!!
住兩晚由布岳溫泉旅館，
對，要換酒店，拖喼走~
早上出門，先到博多站的JR Rail Pass Counter換車票~
要有心理準備勁多人排隊!
記得呢套Day 1響機場買定的Rail Pass嗎？
拎定出來畀佢睇，
因為買的時候職員已在內頁寫上使用者的詳細資料，
如姓名、護照號碼等，
冇得轉售或借人用架~
謹慎的老公事前已睇定搭邊班車，
博多 Hakata -----> 由布院 Yufuin (下圖第一個表)
一日有六班車，
當中第二、三及五班係特別號：由布院之森~
想坐有特色的列車就要夾定時間!!
可是，我們萬料不到星期一也如此爆，
原定坐9:24am出發，
結果full咗，連10:25am都full埋......
唯有坐14:36pm最後一班~@,@
建議想坐由布院之森列車，
最好早一晚就去Counter換定票!!!!
大拿拿成個朝早冇預算，
唯有去車站上蓋的阪急百貨行街街~
兩個喼，當然拖番去酒店寄存響lobby....
(好彩距離車站僅5分鐘路程)
提提你：車站都有大型收費locker寄存，
(只係我地個喼太大放唔入XD)
星期一早上，阪急人影都唔多隻，
求其行咗轉男裝部，又八下童裝部有幾fashion，
行埋個超爆細地下街，堅係冇野想買，
直至上到頂層見到間寵物店同書店，
個人先有番d喜色! XDD
掛住買野冇影相，女兒又增添手信~~
我都買咗8本書......全部係貓咪相集! (開心~~)
經過日本ABC cooking studio，
好多闊太，好後生....
好羡慕，人地返工，佢地學煮餸~XD
夠鐘搵食!!! 搵食前去咗轉Washroom，
哇~~~好靚ar.......
百貨頂樓再上一層就係美食區，
環境好雅致~~
等Lift時見到電視影住自己~XDD
美食分咗兩層，勁多國際美食，
咁靚的地方.....我唔識形容喇......睇相罷啦XD
有天井、有花園，連等食都有靚梳化畀你坐~!!
估不到最長龍果間竟然係........一風堂@,@
花紋街磚地、木地板.......
好似去咗G.O.D. x franc franc咁...靚~
九州名物：馬肉
ar................諗下都反胃，不必了~
睇時間食飯，長龍店一定唔揀，
但呢間咁長龍究竟食乜？原來係食炭燒牛舌~~
我地去咗佢對面的源次郎，
食殘忍到爆親子丼~XD
(雞肉+雞蛋=兩仔乸......我真係驚有人聽唔明個爛GAG..XP)
排左一陣就有位，
以為冇人食，點知坐低就排長龍，因為搭正一點放lunch~
先來了兩杯雞湯？？還有任添菜甫~
好懷舊的玻璃屏風，好鍾意啊~~
看餐牌點菜!! 真係好便宜~~~
主打雞肉同雞蛋料理，
少少地來個必食厚燒玉子，凍食既~
這款叫......醬酒蛋黃免治雞肉？好好吃!!!
主菜也是招牌菜：親子丼 (可加大)
雞肉剛熟軟嫩有致，滑蛋鬆化香滑味濃~ 讚!!
埋單約 hkd 165~
食飽飽還有時間，上了天台看，
原來有個小花園~
曾經在日本旅遊節目中介紹過的小火車，
原來就在這裏!!!!!
好想坐的不過沒開~
也許下著毛毛雨，停駛吧？
有點大風，幾行鯉魚旗都吹歪了~
有蓋小地方供人休息閒聊~
天台另一端還有條超微型食街~
看到櫻花呢~~
小小鳥居後，有吃、有手信~
是我最喜愛的懷舊零食店~
有蒸包小點心~
突然有小朋友把零食架都打翻了，
職員不但沒黑面沒責罵，
還先關注她是否有受傷，
小朋友的媽媽也沒有打罵，但也沒有幫忙，
只連忙說了聲對不起~
有個小攤位賣著九州不同地方特色手信~
再往前走看到這些~
很可愛~
原來有個小廟宇？
九州鐵道建設之恩人：十河信二
折返零食店，當然有點小收穫~
打算回程了，看到小火車開工!!!!
沒時間坐了，就看看別人坐~ XD
親子遊好玩意! 目測一次大概走三圈~
好搞笑啊~~~
在這裏買票，用自動販賣機買就可以~
200yen玩一轉，ok la..
行駛時間~
車程表可供參考~
時候不早，返酒店拎行李出發!!!
響JR入閘口睇清楚列車埋站的月台位置，
對住車票指示去番啱的乘車口同車廂~
其實佢指示得好清晰，
不過數字真係多到眼花 @,@
再唔係，咪問下d靚女服務員lor~
列車將近埋站時，月台氣氛都變得好緊張，
因為好多遊客都好期待呢~~~
到站了，
我想話個門口都唔係對正我企個位，
排咗九年仲排響第一個，
最後d人都係亂咁上車 (日本人嚟喎)
仲遇正隊韓國crew響度拍旅遊特輯~
響正我地附近，勁爆多人，
究竟乜水呢？唔識啊~~~
如果係滋味行的成恩同秀珍，我即刻撲埋去影相! XDD
擾攘一輪終於坐低咗，
第一時間望下餐牌先~~
哇~~好多超精美火車便當，
但我實在食唔落~
上車前買咗支水，
小孖星好好好fancy，明顯買包裝~XP
車廂，其實也不甚特別吧？
坐位闊落，但要放行李就好迫了~
側邊果行有三個日本大媽，
佢地將其中一邊雙排坐椅成行掉轉，
椅背就有空間放行李雜物了，還可以三姐妹打對面傾偈~
開車不久，我地就去參觀列車~
呢種火車行駛時都幾搖架~
我諗呢度走落一兩級的位置係可以畀人放行李，
但基於安全問題我都係放番響自己個位~
餐卡是這樣的~
買唔買野食都可以坐，最好別霸佔坐位啦!
真係有人坐響度瞓....@,@
餐卡有蓋章可以作留念~
記得蓋番個啊~
兩本精美又有心思的小本，都係餐牌同介紹列車的~
小賣部只位一小卡的空間，
排六個人已經迫爆~
太多人了，先向前看看車頭~
真的不知道怎麼才坐到第一卡的頭等位了，
也許要預早Book跟指明要坐吧？
折返時小賣部的人都散了，
急急拍張相兼買些吃的喝的~
買了芝士蛋糕和Lemonade~
象徵式體驗一下。
真的好寫意~~
14:36開車，預定16:44到達由布院~
快點遠離大城市吧!!!
買點心時偷偷買了這個雜錦列車電話繩送給老公~
吃完返去睡個覺，
差不多到站前，美女服務員 (真的每個都好美!!!)
會逐卡車廂幫遊客拍照留念~
有帽子和牌做道具，Good~ XD
期待已久，終於到達!
月台有足溫泉但要收費~
攝製隊殺到~~~
有人認識這位韓國藝人嗎？
月台好美~~
人頭湧湧，站外一片混亂~XD
右手邊位置是的士站，有牌子清楚列明收費，可租車遊覽~
很簡單的由布院地圖~
啊~~~又是攝製隊啊，真辛苦呢~
最新後記：
有朋友看了此Blog後告訴我其中一位藝人叫鄭麗媛，
稍經打聽後，得知攝製隊在拍韓國訪談節目《Healing Camp》，
兩位女藝人/女歌手：鄭麗媛(下圖左)、成宥利(下圖右)
原來鄭麗媛拍過我係金三順，完全唔認得~
車站對正由布岳，美麗的山頭，
但這天霧很大~
道路兩旁已是商店食肆，吃喝玩樂很方便~
拖著行李的我們開始玩命，
沒Call車也不搭的士，
決定由車站徒步上山去是晚目的地：
望之宿 美星 溫泉旅館!!!
車站轉右的小路開始，
這時候已是五時多了~~
冇花假，17:04 XDD
藍點是車站，紅點是旅館，
預計時間19分鐘?!!! 冇可能~
冇行李都唔得ar.....XDD
我地未豪到夠膽搭的士，
好想知道搭的士會花多少錢@,@
我諗四個人啦，就應該會捨得搭~
唯有邊走邊欣賞風景，
還好有鐵腳底.....
下圖中間個山頭下面，就係我地間旅館 XD
紅色這座也是溫泉旅館~
係咪就快入夜，成條街人車都唔多呢？
灰懞懞的天色，著實有點淆底，
希望不會走到黑夜吧.....
但走路的優點，是走一次就會清楚自己身處的方向 (我咋下)
下圖三角型屋頂，這座是醫院~
照著GPS一直走，醫院對面是綠田~
走上一點轉右，見到一條小徑，
下圖小屋與大樹的中間位置~
直入，剷上去，斜坡，大鑊~@,@
一直上一直上，過一條小馬路~
沿著鳴子谷川往上走~
睇張相似乎冇特別，
其實斜度驚人...........
回望，睇下老公身後的斜坡，
我暈了....
慢行都扯蝦，真係好鬼甘，
斜坡頂點再過馬路轉左，繼續行~
大概行多5至10分鐘，終於見到美星個牌!!!
望番轉頭，嗚.............壯舉~
未到啊，仲要上斜，拖住喼實在攞命 Orz...
吸引我視線的係後面棵大樹，好高好壯觀~~
到了!!!
唔想再落山喇我.........XD
兩個人爆晒汗咁Check-in，
可能已經嚇親老闆，
老闆英語唔太得，但佢好努力講，
仲帶我地入房介紹晒全房設施~~
上圖：支樹枝係門瑣扣，有趣，還有別緻香薰爐~
燈凳~~~非常寬敞舒適的和式套房~~~
落地窗外的就是溫泉位置~~
上圖，門內是洗手間，真的只有馬桶，
我以為有淋浴間的~
露台的洗手台~
望出去，是一片山頭美景，非常寧靜，空氣清新~~
被大霧遮蓋的由布岳~~
淋浴間和溫泉也在這裏，
啊~~~未試過在露台洗澡呢~
毛巾很美，很有家的感覺~
不細心看，也不知道這是時鐘~
枱上有小本子，介紹了美星設施~
很有心機和心思~
猜猜這是什麼洞？
是洗手盆去水位......XD
到著旅館已將近5:45，走了大半小時!!!
入住包晚飯及早餐，開飯時間：6pm
真的放下行李去個廁所洗個面，就要落樓@,@
我們的房間~
門外、走廊，二樓就只有三間~
樓梯佈置很有氣氛~
連燈掣開關也很用心~
Check-in櫃台旁邊有小賣部，
沒人看管，任意取，自動自覺付款吧~
一直走到盡頭就是用餐的地方~
人家住溫泉旅館都是在房裏用餐吧？
我倒沒想過會有餐廳用餐，其實也很方便~
入座前已被安排好坐哪一桌~
這一晚有五枱客人~
美星之內，到處都看見星星蹤影~
安坐好就可以用餐，
老公背後那一枱是日本夫婦，
都已換好衣服來呢~
以為晚餐就是吃眼前這些，原來只是頭盤~!!
十分花心思的擺盤，很好吃的美點~
下圖：芝士白汁焗海鮮長通粉~
鮮魚什菜鍋~
好口渴，每人都叫了凍飲，冰酒!!
老公的~
這個沙律超超超級美味!!!!
那幾塊魚生不知是什麼魚，加上醬油好吃到不行!!!!
還配上爽口的蔬菜絲和脆卜卜的薄脆，
只吃這個我也願了.........
天婦羅，新鮮炸好~
晚餐和早餐，都是我們邊吃他們邊做的~
櫻花豆腐~ 我以為是巨型火腿 @,@
煮物，肥美東坡肉~
下圖，小杯的是餐內附送，
蘋果口味的酒，太太太好喝，
問了也聽不明，就問店方有沒有一杯賣，
立刻加單叫了一杯!!!!
已經吃到很撐了，還有飯，但好味到不能不吃~
紅蓋子是麵豉湯~
原來我的杯子有圖案，盞鬼~
終於到最後的甜品，布甸~
連小匙也有星星~!
吃飽四處看，繼續見到星蹤~
星!
星!
星!!
回到房間看到夜景，
星閃閃(來自民居的)太美了~~~
望著發呆，是賞心樂事......
在房間內四處八，
看到小櫃裏有多不勝數的飲品供應~
即磨咖啡 (咁都有？)、中國茶、果茶、花茶、奶茶.....
還有綠茶~
面膜梳子護膚品一應俱全~
太飽關係，要小休一輪才能下水~
但已急不及待~~
沖涼一刻看到這三瓶包裝一色一樣的沐浴用品..........
實在要研究一番 @,@
幸好還懂看少少片假名....
在露台剝光豬倒是第一次，
很有露體狂的感覺~
但實在是不會被人看見的，反正也有竹蓆子略遮一下~
浸完溫泉爽YY，PP痕去弄即磨咖啡!!
白痴到磨完唔知點開蓋，結果要whatsapp問咖啡達人~XD
大概沖了兩杯洗杯水出來kakaka......
香薰燃點~~ 太濃，最後撲熄咗 XP
整晚都是hea hea的........好舒暢啊~~~
這樣才叫度假吧!!!!
打開雪櫃，看見兩杯welcome Desserts...真貼心~
攤軟在椅子上看看電視，好舒服啊~~~~~
Day 2 辛勞過後有樂享~
下一集：玩盡食盡由布院!!!
沒有留言:
張貼留言