27-11-2014 (星期四)
來沖繩不打算自駕遊，卻又想以最短時間玩最多景點，
最划算方法莫過於參加當地Local Tour~
感謝老公一有時間就走去咪書刨資料~XD
最後，我們選了那霸巴士C團。
當地有辦這種觀光巴士團的，
分別有沖繩巴士公司和那霸巴士公司，
每間約有三、四種Tour選擇，
遊客可揀選最貼近自己喜好的行程，
例如有人較愛看古蹟文物，有人必須要買土產等。
靚太選的C團，
特色在於Chur爆你，一日去足五個地方仲包埋午餐，
晨早8:45am出發，一直玩到晚上6時多才回到旭橋。
但景點多，逗留時間相對較短，
要自己衡量啊~
那霸C團路線：
琉球村、萬座毛、御菓子御殿、海洋博公園、名護菠蘿園。
(連景點入場券單人全數費用 7160yen)
昨晚買的早餐，兩款都好好吃!
這個奶黃包更是餡多又鬆軟~~仲要超便宜!!!
酒店過條馬路就到那霸巴士總站，
想去哪裏都在這邊出發，
酒店選得近，就不用提早轉車來~
雖說集合時間是8:45am，
但我們也預早很多很多來到，方便點名及畀錢~
(你可選擇在來沖繩前就做好網上登記，
或是直接來看看你想join的團還有沒有位~)
看到這個定期觀光乜乜乜的牌子就對了。
團費包括海洋博水族館入場券，
要Keep好，到時自己入場去~~
觀光所的職員一秒就分辨到你不是日本人，
所以會光速分配你去和台灣職員溝員，
她們國語流利，你用不著擔心所有講解~
辦妥手續就可坐在局內等待，
夠鐘就有導遊叫你上車，
其實ABCD團都是相隔15分鐘出發，
要留意自己的團啊!
局內亦有洗手間和飲品販賣機，最好買定支水去~
出發了~~~~~
呢團人除了香港和日本人外，
還有韓國人和上海人~@,@
留意報名後，職員都會預先編配好你的座位，
跟著號碼坐就不會亂了~
不過我地一上車就hurhur聲湧咗去後排XD
後來見導遊好似疑惑點解吉咗前排兩個位，
先醒起可能我地冇跟住坐，
就以為未齊人.......
坐番去前排，與導遊小姐近距離接觸~XD
唔理你明唔明，佢全程都好盡責咁用日語講解~
仲唱埋沖繩老歌......正吖~~
第一站：琉球村。
由旭橋過來都要成個小時~
有Blog友話覺得呢度唔好玩，好無聊，好鬼悶，
我有一刻都考慮係咪要去，
但搵資料宜睇多幾個經驗之談，
更別盡信他人所言，
而家係你玩，唔親身試過點會有答案呢？
未去過的，我都會期待，
琉球村重現番沖繩人舊時的生活實況，
齋聽我都覺得幾有趣，應該唔悶吖？
團費唔包琉球村入場券，
去到要自費，
但遊玩只限一小時，超級趕~
唔畀錢入場的話，大概可以響呢度行行企企呱？
山長水遠來到梗係要入!
買咗飛就喳喳淋出發喇，唔駛等團友架~~~XD
過條橋，跟住人行就啱架喇~
以前讀歷史的我，出門外遊前幾乎唔會刨定個景點有乜歷史，
睇到乜就乜啦，去玩又唔係去考試~XDD
好大塊魚牆~~
呢位嬸嬸級香港人團友，全程得自己一個，
拎住自拍神棍玩到邊影到邊，
你話佢Lonely？佢不知幾enjoy!
茫無頭緒咁跟住人行，睇下周圍d古舊建築~
幾得意吖~~~
其實條村入面都安排咗好多表演者埋伏四周~
夾正時間就睇到大型表演項目~
睇下個地圖，地方唔算好大，
如果唔enjoy，你可以好快行晒~
但我覺得幾好玩喎，
睇下，有羊咩咩~~~~~~~~
不過畀人綁住條頸冇得走，好慘啊~
行過d，原來表演已經開始咗~
相信都係傳統琉球民族表演~
睇唔明，但好熱鬧，
同場有好多團體，當地中小學生乜都有~
但冇強國人喎~XD
琉球織布機？
有雪糕屋!! 不過我冇食~
因為時間實在太趕，
至少我想行足一圈知道仲有咩睇先~
傳統民族服飾~
其實我由細到大都好驚呢d人形公仔.....XD
呢d細粒d，好好多~
呢隻巨獅仲恐怖XDDD
睇過下就加快步伐繼續行!
轉角處見到有手信賣~~~
幾精緻的風獅爺雕刻，
買咗個畀老豆，仲響背面刻埋名字和日期~~
往前走，有手工地帶~
跟鴨仔團來唔駛旨意有得玩~XP
好靚好Cute啊~ 整唔到但可以買到，
不過好貴呢~~
買得起都唔敢拎，全日流流長實會打爛啊.....
苦瓜筷子座好得意呀~~~~~
1127，結婚兩週年正日!
佢畀埋個日期牌我地影相留念~XDD
阿牛哥，堅係真牛嚟!
展現舊時生活面貌？
見到手信街，就知行程去到尾聲~
呢度仲有食堂和舞台，
不過一小時實在太短，想買杯野飲都唔夠時間~
去個廁所都要極速九秒九，趕到呢.....
上車前，右邊呢位哥仔會拿著一疊團體照，
是剛到步時他為大家拍下的，
佢真係Show一Show就算，完全冇迫我地買，
仲以為佢會上車sale~
點知，上齊人架車就走咗...........
結果買唔切來留念XD
第二站：萬座毛。
上車坐咗陣就到~
落車後，我淨係知有無數個團一齊湧去~~~
呢個景點限時15分鐘，下？
其實15分鐘真係夠......跟住導遊行就到~
終於見到聞名不如一見的象鼻~
最好笑是，不論搵日本人定韓國人幫我地影相，
張相都係影唔到人+景.....
究竟佢地識唔識影相......定係玩野啊@,@
睇幾分鐘就走，兜一個圈，
離遠見到我地將會住的Resort!!! 好期待啊~~~
乜鬼都冇得睇，又超級大風，
搞到我雞咁腳上番車等，連側邊d攤檔都冇乜點睇~
第三站：御菓子御殿。
上車坐咗陣，就來到這裏吃午飯!
國際通都有呢間手信店，
所以打後會去的話，現在就別心急去買東西了~
樓下賣御菓子，樓上是餐廳~
上到去，已見到一盤盤定食鋪滿一枱~
搵番自己報團個名就可以坐喇~
唔駛爭~
開飯喇~~~~XD
坐我隔離的女生係韓國人，
話說佢落車時真係勁冇禮貌爭先恐後，
我仲以為佢係大陸人，嘿~
個樣係咪有d似王菀之 XDD
哇~~~好豐富呀!!!
但係超級餓的同時，我淨係搵到一舊肉! 東坡肉 XD
唔怪之沖繩人特別長命，日日食得咁健康，
我直情激瘦添呀......
食飯都好似得一小時左右，食得快，就可以玩多d~
走lu~~~~hurhur聲食完就周圍行下，
響樓下試食御菓子，買下手信，
出面仲有個靚沙灘啊~~~
呢度出名的紅芋批，即製~
好可愛的毛巾，我買咗四條......
門口好浮誇~
咁啱撞晒色~XDD
近停車場那邊有條小路落沙灘~
幾靚啊~~~不過唔夠時間冇去了嗚嗚~
臨上車前把握機會同導遊影番個合照先~~
相片太多，
待續...........XD
沒有留言:
張貼留言