28/11/2015 (星期六)
入住Hotel Nikko Alivila第二天。
有見去年響ANA住得一晚實在太太太笨!!
所以今次決定住Resort一定要住多.....一晚! XD
呢日兩公婆係響Alivila喪Hea既~
究竟全日留響Resort會唔會悶？
去片!
起身行出露台，望到大海的確身心舒暢~
呢個位真係坐足一日都唔會悶，
我甚至影足早午晚同深夜的景色，
懷緬下不同時間的特別氣氛~
話明Hea，呢日我地都瞓到起碼 8am，
9am左右就落去食早餐~~
去餐廳的路經過了小小的朝市，
同ANA對比，真係細好多啊~~
(重溫：ANA個朝市好多嘢買!)
唔緊要，我期待的還是早餐~
由於今次住兩晚，包兩天早餐，
但Resort有3間食肆供應早餐，間間都想試過，點呢!!
包括：Verdemar (西日式)、
佐和 (日式)，及Hana Hana(西式)。
之前睇過台灣Blogger分享，
佢地推介呢間：Verdemar(西日式)
*係媽媽Blogger，帶埋細路去的~
西日式，口味各一半，梗係好啦!!
環境好靚好Grand，枱椅之間夠闊偌，的確唔錯。
離開坐位取食物時放低張「在席中」卡仔，
職員就會知你未走架喇~
行出去拎碟，哇~~~~
莫講話細路，連大人睇到呢d碟都心花怒放啦!!
唔知點解日本酒店多數都有Miffy同麵包超人呢？
我都有明目張膽咁用咗下面呢隻Miffy碟拎野食! XD
呢朝早，我喪食咗下面呢堆美食.......幾可怕 XP
沖繩的果汁冇得頂，尤其菠蘿汁!!
麵包好鬆軟，沙律好清新，
連個奄列都係即場現製!!又香又軟~~~
下面呢盤右上角果件好似麵包布甸的多士，
好味到想鯨吞一盤啊~~~~~~
咁靚的餐廳加上咁正的美食，
我寧願瞓少陣都要特登起身食!! XD
餐廳好夠大，兩個Area的設計佈局都有不同的優雅~
食飽飽，同老公響Resort認真地逛一圈先~
老公揀得好，Alivia真係好靚~~
裏裏外外的裝潢都令你感到無限Relax~~
又經過朝市了，就快收檔，
快手買下手信先!!!
d生果我就冇買了，唔知點處置，
但呢堆豬耳就令老公為之瘋狂，
係，佢又要大手入貨......XD
超好味，送禮自奉佳品~
日光灑落走廊間，都係一句：好Relax~~
天氣咁好，出外走走吧~
泳池望上去，就係我地間房的面向喇~
三邊房間包圍住個泳池景，再望出去就係沙灘同大海~
兩次來也是11月冬天，沒有下水禮，
但溫度卻是舒舒服服的，有點涼又不太熱~
去年遇著沖繩下微雨甚至勁大雨，
今年，實在好幸運!!!
每天都陽光盛放~~~
唔游水都可以搵張沙灘椅梳乎下既~~
簡直攤到我唔願走啊~~~
你睇佢幾爽~~
但冇三典色影噃~XD
好愛好愛這一刻~~
嘆到咁上下，是時候再moving~
落去行下沙灘先!
去到中午，頭頂開始曬到出煙喇~
持續藍天白雲~~
見到沙灘椅喇~~~
Alivia沙灘地標，兩舊石~
又搵張沙灘椅坐下先，仲有太陽傘~
這裏也有很多日籍遊客呢，
且多數也是年青夫婦加小朋友的親子遊~~
咁大個沙灘，畫番個記號先~
希望有機會響夏天來一次沖繩!
雖然沙灘唔夠ANA大，但一樣有水上遊玩設施供應~
不過個碼頭都幾簡陋，打風會唔會吹走架？
每次去沙灘見到呢d細石，
我一定赤腳做天然磨砂~~XD
沙灘盡量有條小路，去探險吧!
有小樓梯通去哪裏呢？
已經離開Resort有點遠了啊~
原來上面有個大草原~~
很多自駕遊遊客地來這裏放狗呢!
感覺同萬座毛果頭都幾似啊~
竟然還有人在野餐!!
真係只有她們兩人啊~(有點冷清嘛)
往回走，走行人路很快已回到Resort~
遇見漂亮的白色教堂~~
真的好美，我明白為何港女都愛來這裏行禮了~@@
周圍沒什麼人，
我們倆也漫無目的悠閒地晃，好舒服~~
我也推介這間呢，Alivia~
走入一點，見到另一家教堂，比較小型~
若不介意房間是否看到泳池景的話，
背面這排也會看到這小教堂的，
不然就是看草地吧，房價大概會便宜一點~
返入室內抖一抖，再隨意逛逛看看~
在手信店大有收獲，
順便買了兩包唧唧果汁，回房間稍息一會~
下午的日光也灑到房間裏了~
繼續走出露台看風景~~
金光閃閃的大海，
予人寧靜的感覺~
好，洗個面放低手信坐一陣，又落去!
今次要去買翌日離開時的機場巴士車票~
就響Check-in旁邊的櫃位買到~
三點三下午茶時間，嘻~
最喜歡，去到哪裏也沒什麼人~
獲安排了五人梳化卡座~
小茶几設計好可愛~
先來兩杯熱咖啡，日式咖啡實在好喝~
這裏有一人High Tea Set，多好啊!!!!
所以另一個Set就選了三文治~
款式不少，有鹹有甜~
伯爵茶鬆餅真是太太太好吃了~~~
紅芋芝士蛋糕也很美味!!
其實我覺得個Tea Set主角是這盤麵包醬!!
Creamy Creamy的十分滋味~
(這個在今早吃早餐的餐廳就有供應，無限享用)
簡單的芝士火腿飛碟三文治，也是冇得輸~
你還可以單點各式甜品呢~
我們就是點這兩Set~
Afternoon Tea Set：1,950yen (約HKD$127)
Hot Sandwich Set：2,100yen (約HKD$137)
這種下午茶時光難能可貴，
讓小夫妻可以坐下來閒談享受，
是比金錢的付出更奢侈吧~
Tea都食埋，再行下消化，
睇到海報，今晚有節目!!
酒店內也有小展覽介紹沖繩名物~
這個我也玩過呢~
還有手作坊，明顯主打親子遊客吧~
就在這裏可以玩~
又出咗泳池，呢個山洞裏面有間餐廳~
坐在裏面吃東西應該很有氣氛!
先行探路，看看打算明早吃早餐的餐廳Hana Hana~
旁邊的是沖繩料理餐廳 佐和，
原本打算這晚在這家吃頓和牛之類的日式晚餐~
就快玩到日落西山了~
你睇，咁就Hea咗一日，點會悶啊？
已經好唔捨得沖繩了~~
返上房休息，準備晚上去吃飯，
露台外突然傳來陣陣歌聲~~
zoom近d，好似有幾個bar tender響度唱歌既？
剛才在便利店買了益力多士多啤梨乳酪，
yummy~~~
仲買咗呢盒日式炒麵連美乃滋，
最後盒麵拎咗番香港慢慢嘆，
好味過日清出果隻好多好多!!!!!!!!!!!!!
嗯，露台控又要去賞景~
點解周圍都冇人出露台睇日落既？？
我同老公實行坐到盡，睇景睇到盡~~
接近黃昏，酒店的燈飾亮起了~
房間的燈光加上窗外日落景，都好有氣氛!!!!
提早6pm，我地就落去食晚飯，
原本想去的佐和竟然畀人包咗場搞宴會(哭)
今次真係錯有錯著去番山洞食飯了~XD
呢間主打琉球料理，都係食正宗沖繩菜~
同Resort內其他餐廳相比，佢仲好便宜~
甜品也是沖繩特產的黑糖刨冰、菠蘿雪糕~
哇~~~山洞入面的佈置好得呀!!!!
三、四人座位自成一角，好夠私隱度~
成間店小一眼望晒~~
老公至愛：醋豬耳，600yen (約HKD$39)
沖繩麵，1,200yen (約HKD$78)
初頭我睇menu張相以為呢舊係豬手，
原來係布包年糕，超好食!!!!
特盛沖繩麵，包咗11樣餸，3,300yen (約HKD$216)
石垣和牛味噌豆腐，又係老公至愛，900yen (約HKD$59)
沖繩風飯，400yen (約HKD$26)
食飯之外，餐廳仲有琉球三線表演，
不過係得一丁友自彈自唱~XD
其實我同老公好buy呢d，
有得食有得睇表演~
沖繩歌，聽到而家我隨時識得哼~XD
入座前，最好睇定時間表，咁就可以霸靚位!
開心飽足的一晚~
臨走，見到有樽蛇酒~@@
美麗的三線~
推介山洞餐廳 (誤)，
但我都唔識打番個名出來呀~~認住張相啦XD
咁早去食飯，因為8pm有大型戶外節目!!
我諗7:30pm已經有人響度霸位等~
雖然入夜後泳池邊勁凍~
咦，又係果兩個bar tender噃~
原來個表演的賣點，
係搵來酒店內不同崗位的職員出來載歌載舞!!
哈哈堅有趣呀~~~
所以佢地係著住自己做野時的制服出來表演架!!
堅員工嚟~~
我真係見到呢兩日招待過我地的服務員!!
唔知點解我確實興奮到想同佢地say hi~XD
佢地表現非常落力同投入，
我心諗，個show逢星期六都會表演，
咁咪好鬼辛苦囉! 咁要幾時排舞練舞呢？
跳足半個鐘，仲有encore!!
我真係好欣賞佢地咁敬業樂業啊~~
睇完好hyper，又好感動!!
呢個Show真係成間酒店的大賣點!!!
無得彈，未看，要夾正星期六來!!
但落雨或天氣差就會取消喇~
熱鬧完，佢地仲要自行收拾同清理現場，
仲好快手~@@
員工不易做~
對Alivia大大加分呀下!!
返上房間，對這個旅程更是不捨啊~~
睇下戰利品，明日要同個細喼大作戰.......XD
Hea咗一日，又其實好精彩好疲累，
沖完涼浸完浴，當然要啤一啤~
房間內呢張貴妃椅，我喜歡到想買張返屋企!!!
呢幾日我都勁坐~XD
11月的沖繩夜晚都算幾凍，
但敵不過超讚的露台同月色，
兩公婆著多件衫就出去吹風談心!
超多星星都未夠，飲埋呢罐星空之Porter，
妙絕~~
一年起碼要有一次呢d Relax Time啦...........
如果可以的話 T0T
凌晨12點，燈飾關掉了~
沖繩晚安~
I LOVE OKINAWA!!!!
明日旅程再續~
沒有留言:
張貼留言