2015日本中部之旅 Day1：名古屋

21-02-2015 星期六 (年初三)

去完沖繩小休兩個月，

2015農曆新年再度出擊：日本中部之旅!!!!

今次行程極為緊湊，六日五夜實質玩得五日~

而且未出發就遇到令人發茅的事件，

就係做唔到網上登機!!

有朋友試過這種情況，叫我有心理準備要被迫坐另一班機，

提議我到時早d到機場搞搞...

結果，坐10:30am機，我地6:30am未夠就去到機場@,@

幸好順利劃到位，唔駛轉機亦冇得Upgrade~

算係叫做冇應節鬧人XD

早四個鐘可以做乜？梗係食早餐!!!

通常上機前我都會響入閘後去翠華食B餐，

今次時間多的是，就去咗呢間要畀10%服務費的機場分店嘆慢板~

唔駛霸位，唔駛自己托盤，坐得舒服d，也不錯~

7am先營業，已大排長龍。 

時至今日，我因為隔離枱order，

先知A同C餐可以加兩蚊轉脆脆豬........ 

炒蛋同脆豬真係冇得頂，奶茶都係~

雖則我公司樓下就有間，但未試過響機場以外地方食佢XD 

新年有桃花，幾有氣氛~

流離浪蕩咗幾粒鐘真係好累人......

咦，有李小龍展覽，都叫有d娛樂~ 

 行咗九萬幾間免稅店、書店、名店，

終於捱到上機......

但我想話，香港機場呢個購物天堂對旅客來說真係好危險，

因為連我都差d失手想買支香水走...XP

 

國泰飛機餐，真係可以好好好難食的。信我~

港龍應該好味d。 

呢朝4:45am起身的我，上機睇咗套<The Maze Runner>，

半套<男人唔可以窮> (<---之前睇咗小說XD) 就落機了~

日本中部國際機場到著!! 

10:30am機，3小時機程，過埋關拎埋行李，

再計埋日本快香港一小時，

出閘果刻都已是下午3時多了~ 

 機場竟有哈佬吉蒂爆谷機，如果我有細路真係會玩XD

好漂亮~~ 

 今次幾個旅遊點都在昇龍道之上~

 

 離開機場，就是另一場交通大作戰之始，

去名古屋已不算難，無須轉車已可到達名古屋大站~

但我們選址伏見的Hilton Nagoya Hotel作基地，

所以還要轉一程車。

將近一小時車程，就來到酒店~ 算很快了~

但相比東京、大阪、沖繩等地的地鐵站，

名古屋的幾乎是「欠缺」電梯或升降機配套!!!

要拖住吉喼上落大量長長短短的樓梯，實在十分吃力!!

來這裏玩要有這個心理準備~

 酒店房景Very GOOD，好美好美~~~

 床十分大且軟硬適中，晚晚都睡得超級好!!!!

要再讚的，是Hilton的服務態度相當好，

從未試過Check-in後上房會有職員跟埋開門，

再入房介紹各樣設備，同你吹水~

我還很喜歡這個和式設計的大窗，很有特色吧？

再者，酒店位置距離地鐵站僅兩個街口，5分鐘路程，

樓下有兩間便利店和大量食肆，

老公選得好，推推推介!!!!

安頓好兼稍作休息後，

才正式開始是日之旅，時間不多，

所以我們也只Plan去名古屋站附近走走~

名古屋站是當地大站，集JR、近鐵、名鐵及地下鐵等路線，

總之你要去邊，都會必經這個大站搭車，

認住呢個金之時計，功能就如尖沙咀碼頭五支旗桿一樣~

最佳等人位置。

飯都未食，就陪太子衝去佢的樂土Big Camera~~

佢已經有張清單要買買買XD 

我深深明白男人陪女人去睇衫睇化妝品行超市係件幾咁折磨的事~XD 

 

 會計人，乜都要篤住計數機，

萬事有周詳規劃，事前會仔細搜集資料...........

除咗做跟得夫人、拍低佢鳩嗚的體驗，

我仲有咩好做？XD

 最窩心的一刻，是見到張說明紙係寫繁體.....

經過一小時激戰，有人終於滿載油雞，

可以去食飯喇!!!!!!

Big Camera大門對出就係ESCA地下街入口，

入面有時裝、小店、玩具店等，

但能吸引我的就只有這裏的美食~~呵呵~

撞正星期六，人人都出來吃飯Gathering，

呢一刻我覺得名古屋除咗車站似香港外，

連食肆都似，都係迫死咁多人.....Dislike~

呢間我想食的<備長>鰻魚飯三吃店，

我見到條龍就怕怕......拜拜~~ 

 去次選，<山本屋本店>吃味噌烏冬，

噢~~~一樣長龍不見尾T.T

最後，轉個彎見到呢間<ふらんす亭>係食老公至愛漢堡扒，

就去寫低個名排隊!!!

去到日本唔識日文唔緊要，

遇到日本人唔識英文都唔緊要，

只要望下其他人點做，跟住佢做就得~

後來發現排我後面幾個日本人仲豬過我，

竟然唔知要寫咗名先排隊，結果就白排一場，

然後轉身走XP

記住去玩都要醒水呀，名古屋好多食肆都要咁做@,@

(去東京、大阪、沖繩反而未試過)

 等咗唔太耐就有位，不過間野係畀人食煙的@,@

而且d鐵板的油煙味好勁~ 

冇英文Menu，侍應亦連簡單至極的英語都唔曉。

 唔駛驚，睇住圖指指指咪得XD

 

上：老公的漢堡扒+牛扒

下：我的每日限量黑毛和牛 

老老實實，我覺得唔好食，

Pepper Lunch好食十倍!!

而且份量實在少得可憐，我根本唔飽XDD 

 食完見到對面間鰻魚長龍店已經冇人排，

望下求先畀人遮住的牌，

哇，好彩冇食，貴得緊要..........@,@

 晚飯吃到九時多，地下街的商店已九成收舖，
而食肆通常收10-10:30pm，
last order多數是收舖前半小時，
如果唔係餓到想打人，建議行埋街Chur盡佢先返轉頭食飯，
條隊都應該短d甚至唔駛排~
呢次蠢咗，但我餓到冇mood行所以都係要食咗先講~XD

唔飽的人去到邊都想覓食，

名古屋最知名的山哥雞翼，名古屋站就有一間!

不過佢將近打烊，門口又排咗條長龍(嬲，Dislike名古屋again!)

而令我揮袖而去的原因，

係d職員問我想要乜，我指完佢話No No No，

然後叫我去隊尾Waiting，

咁乜都冇叫我Waiting for WHAT先大佬？ 

冇翼食，仍然有便利店彌補我受傷小心靈XD

買了明日早餐及飲品，

加多份碎蛋三文治，呢個治.............

好味到令我日日都想食一份!!!!

之前至愛的炒麵麵包我今個Trip眼尾都冇望過XDDD 

美麗而人多到爆的名古屋，

第一晚係咁先~

最好玩的在後頭!!!!!!!