孖住做阿茂

追溯返去9月21日週末天，我跟老公參加了整蛋糕班~ :)

其實結婚前都同朋友拉大隊整過一次，果次一人一cake好好玩!

今次見香港群貓會同Happy Moment合作搞貓蛋卷班，

作為響該會領養貓咪的父母，梗係要支持!

因為蛋糕班的收費扣除成本開支係用來幫番流浪貓^^

 上堂地點在觀塘，十分近我們~

 究竟卡通蛋卷點整？我一直好好奇...

 原來要先用過底紙畫咗個圖樣，再反轉放落盤度做模~

 吱顏料前要先髹一層油，免黐底~

 用吱吱袋做筆~

 扭埋，微型版XD

 落筆前，試下個手感先~

 沿著線條畫就得，呢Part由老婆負責~

 綑完邊，開始上色~

 老公係整餅初哥，平時煮個麵都唔曉，但玩佢就好有興趣XD

 都吱得幾掂喎~ 導師三番四次叫我地要有幾大Pat落幾大Pat @,@

 完成!! 事實上個過程玩咗好耐......個個都好認真去畫~

 一輪激戰後的殘局~

 貓樣搞掂，就開始打蛋糕漿，去上堂最方便的是乜都有人安排好~

數學白痴的我最怕做量度份量的工序，仲要必須勁準確喎~

 係時候推老公出去做下野~

 睇佢玩得幾不亦樂乎~XD 

我都係，因為佢搞成點，d清洗工作都唔駛我善後丫ma....kaka

 蛋漿要打到企身，easy job~

 溝埋色，重要的時刻來喇~~~就係要將隻貓封頂~

 鋪呀鋪，大力d都驚整爛隻貓XD

 可以拎去焗了~原來等十幾分鐘就得!

 一路等，一路聞到滿室蛋糕香，係整餅最大樂趣~

 要極速將蛋糕翻身~

 看到成果了~~~~掛住影相手腳慢，黐咗少少底，即係甩色XD

 又要再翻轉，準備搽Cream~

 慌死蝕底的我起勢咁搽，搽到勁大Pat，因為導師話搽得太少，卷起來太幼就見唔到隻貓，我要肥貓!!!

 老公幫手搽下，佢真係好enjoy~

 卷呢個動作梗係由我做番好d....XD

 導師讚卷得靚，側面睇到清楚圈圈~

 製成品!!! 好開心啊~~~

我地揀了二人一Cake，原來都夠玩，

如果一人一Cake就影唔到相了XD

 有埋靚靚蛋糕盒同墊底紙畀你帶番屋企~

 返到去，女兒s都話想食，打開個盒直情興奮到癲咗!!

Nana(左邊)勁古惑，典下典下扮晒野，點知響家姐Miku伸手偷襲後即刻一個翻身想偷食，嘿!!

結果梗係冇份食XD

個蛋糕當晚就畀我地KO晒，2/3個由老公包辦:P

導師特登將減度降低，真係唔漏又好食~

幾小時由整到食，好似發咗場夢咁，係個好好的拍拖小節目~