9/4/2015 (星期四)
九州之旅過咗一半，
第五天繼續熊本一日遊~
這天天氣超級好!!!!!
熊本市電的設計架架不同，好喜歡~
離遠就見到人龍排隊，很有秩序~
所以來這個守禮之國旅遊，人都輕鬆d.....
唔駛爭，慢慢來，一定等埋你~
太陽實在很猛烈~@,@
咁曬，梗係去車站搵個早餐醫肚先~
熊本熊出沒注意~
因為太早出發，好多食肆都未營業 (通常11am啦~)
所以去咗呢度，食摩斯漢堡~
呢一盤，二人份架喇~~
老公食Rice Burger、麵豉湯及咖啡(<---有夠九唔搭八....)
我揀咗腿蛋治加橙汁，巧食冇伏!!
食飽花點時間逛車站商場~
商場上下兩層細細地，都會買到出血架....
淨係成排扭蛋機就夠晒殺傷力.....
離遠見到呢幅部長畫~
行近d睇，哇......原來係用相砌出來，
仲要每張相都係粉絲同熊本熊的合照，強!!!
朋友介紹呢度有間小書店，好好逛的~
我最愛逛書店，熊本熊精品殺你一個片甲不留....
唔敢再睇，行過對面雜貨店~
大鑊，仲大鑊!!!
呢間的貨冇得頂，呢次熊本遊買得最多熊本熊精品，
呢間係其中之一!!!
落返樓下，仲有間未行!!
冇眼睇了......有人比我更沉淪XD
哇啊.......好想要一支......
哇呀......真係好靚.......
嗯嗯......看來好好吃.....
的確，老公比我買得更多，始料不及~XD
戰利品文末分享~
買到兩手拎唔晒，決定先返酒店放低再出發~
咁早去邊呢？
仍然係搭A車，今次市役所前下車~
落車就有馬路過對面~
入口~
係行去熊本城的入口~
有排未到，睇下風景先啦~
行到盡頭要過呢條行幸橋~
好美好美~~
沿路一直往上走~
向上行就是熊本城入口~
向左望是櫻之馬場城彩苑，陣間去~
呢個伯伯本來跟響我地後面...
結果佢超越咗我地，仲越行越快.....XD
有氣有力!
曬到癲，熱到傻，終於撐到上來~~
自己買入場券~
想一睹熊本城風彩，
500Yen，點都要畀~
有印仔蓋，記得自備小本子~
繼大阪城、名古屋城後，終於睇埋熊本城了!!
現場有忍者和你合照....XD
咦，對面間和菓子店更吸引喎......
唔駛諗，梗係食咗先~
裏面包住番薯同紅薯？
實在食完都唔知係乜東東，
雖然甜食我麻麻，但都ok，點都有老公執口水尾XD
但舊野又甜又乾，食完例必口渴要買飲料~
.......一切都是藉口，入一入去，銀紙不回頭........
買完，出發~~
捐過山窿，呢個先係熊本城正面~
有家小茶室可以喝喝茶~
瞓身影!
有表演~~
好多遊人捧場~
時間關係，又一場來到，
求其入去兜個圈算~
入口呢個井，極奇恐怖~~~~
我冇畏高都唔敢望.....深到好驚心>w<
熊本市長真貌，似熊貓 XP
名城內好多位唔影得相，
空間也明顯比名古屋城細好多好多倍.....
不過景觀非常好~
一粒粒蟻....
遠遠望到呢幢熊本熊大廈~
細到連紀念品部都冇啊~
好快可以睇完~
樓梯一邊上一邊落，而且十分窄~
全座城冇電梯搭，
如果老人家.....點上去呢？
名城拜拜~~~下一站：城彩苑.....入面的櫻之小路!!!!
入口~
區域內包括了城彩苑和櫻之小路，
前者是個講熊本歷史的展覽館，需要收入場費；
後者先係我地Target，食街嚟!! XD
午餐唔駛煩，就呢度解決啦!!!!
冷靜d.....冷靜d.....睇定係乜先好試~
呢件麻婆豆腐春卷，不得不試!!!!!
估唔到呢個餡咁match呢種食法~~~
呢間~全部賣炸物~~
吖，又係佢~
佢隔離，賣呢個!!!
無法冷靜，拿出你的錢包吧.....XD
不便宜，但好大個~
網球咁大個!!! 熱辣辣~~
小心吃，還是爆到一面都係....XDD
畀海膽炸肉餅顏se....很想要吧？*0*
呢間，海膽主題美食店!!
全個範圍大約分咗幾條小小食街，
有和食餐廳、甜品店、西餐廳等等~
還有雜貨店、手信店，
看到阿蘇牛奶，即買!!
冰凍的，好喝~~
隔離有手信店~~
嗚.......
哇.....有成座熊本城都砌到出來的零食禮盒!!!!
熊本熊產品多不勝數......
影咗都放唔晒，自己去買啦...XD
響由布院冇買彼得兔蓋章給女兒是對的，
因為呢度竟然搵到兩個女的小名牌!!!!
Miku & Nana，棒!!!!爸爸即買~=D
熊本熊桶裝紫菜， 好貴~ 個膠罐嚟姐.....XD
嗯，呢個先至咪講笑，
見到就流口水......
好大隻!!!! 極級滋味!!!! 不吃後悔!!!
(只吃一隻也好後悔....)XP
呢間~純粹雜貨店，估佢唔到~
西瓜汁，樽好靚~
轉個彎，見到呢間!!
話說老公都幾想試九州名物：馬肉 (驚驚)
菅乃屋，正是馬肉專門店.....
我聽見就唔開胃，但唔介意完成老公心願~
反正佢夠膽試.....@,@
馬肉腸、馬肉薯餅~
我最愛的薯餅加了馬肉後......我實在冇晒食慾了..XD
不過最後我都每樣試咗一口，
答案是：味超濃，食落口果下我腦內奏起了跑馬首主題曲.....@,@
咁多野好食，點解要食馬.....我覺得同食狗冇分別~
頂唔字，過咗去鄰舖買果汁沖一沖個口~XD
好好飲!!!!!
入來時經過一間茶屋，有這杯雪糕賣，
當時冇買揀咗飲奶，
然後一直對佢念念不忘......
因為我記得上次去高山(名古屋Trip)時見過!!!
我知，我今次唔食一定唔心息!!XD
相比其他賣300-400Yen一杯，
呢杯賣500Yen算好貴~
但係!!! 佢係我食過最最最令人魂牽夢縈的超美味雪糕!!!
雪糕筒吃下去就是白之戀人的味道啊~~~
而雪糕實在香滑得緊要，若用和牛級數作比喻，
我會評它為A5級!!!!
(海港城間Cha Cha綠茶雪糕跌落我第二最愛，A3啦，
Godiva，Sorry我只給A2) XDDD
個人口味比較而已~
店內沒設雪糕專櫃，
只要入內跟職員說要雪糕，她就會替你落Order了~
吃得我好開心的食街，櫻之小路!!!!
不容錯過的覓食地點~~
假如去了熊本城，順道就來一趟吧~
名城附近綠草如茵，連飛鳥也那麼親近人~
河邊 / 路邊的小佛像，保交通平安~
伴著的小花看得出花過心思~~
熊本城稻荷神社，沒有內進，門外看看罷了~
認得這幢大廈嗎？
剛才不就在熊本城樓上離遠望到!!!
昨夜來到已打烊的Parco，今日再戰~
是老公指定要來的地方~
是他帶我來買送給他的禮物~XDD
輪到我~~
也是第一次光顧，好平，比Uniqlo低一檔次吧？(目測，沒研究)
昨晚逛過下通町，今晚去了上通町~
又見書店，例牌入去望下~
太累了，我坐在書店外設的位子等老公~@,@
河童好寂寞？
出書店後行兩步，
就見到呢間必吃名物~
蜂樂饅頭，即製，新鮮熱辣~~
仲要只係100Yen一個!!!!!
平到癲~~
買完坐響門口吃，
點知老闆請我們內進~~~
很有昭和年代feel的格局，大愛~~
嬸嬸還拿來綠茶給我們喝，免費供應~~~(很易感動)
自己也買多支Ginger Ale~(唔夾味，還是綠茶好)
饅頭有兩款口味：紅豆、蜂蜜~
兩隻也好吃!! 必需要即場吃~
店內放了鮮花，滿室芳香~~
懷舊地磚~~好看!
即場吃才好吃，
兩人買兩個，少吃多滋味=P
繼續走，見到呢個!!!
童年小食現在還有賣~~~
呢個朱古力餅，我娘家還藏有這堆貼紙啊!!!!
超巨型熊本熊背包，賣不賣？
逛到腳斷，回程前還是要來個晚飯~@,@
不太餓的情況下，老公選了這家吃博多拉麵的~
原來是有60年歷史的小店~
光看裝潢已很享受，很是我杯茶~~~
莫名地喜歡Vintage的東西~~
美食來了~~~
原本不餓，但看見就好想吃!!!
色、香、味俱全~~~大塊肉又厚又軟，
湯底掂!!! 餃子仲好夠脆!!
呢間，元祖熊本拉麵，吉野家毗鄰~ 上通町呀~
食飽行番去下通町，
見到Mister Donuts出新野，入去睇下......哇好甜...
睇見就漏，冇買XD
下通町盡頭轉右，是繁華街~
但唔覺好繁華，不過有間藥房賣的東西係世紀最平!!!!
(起碼係我響日本見過最平)
條街有食店、卡拉OK、機舖，唔係好啱我行~
反而呢類橫街好吸引我~ 仲多野食!
經過昨夜搭不上尾班車而行咗3公里返酒店後，
今晚我地8pm就走.....XD
咁早，因為真係攰到爆~~
返到熊本車站，亦可以繼續逛的啦~~
返歸前，買杯熱飲先~~呢間未試過~
哇..........好靚啊.....但食唔落啊.....
出奇地想喝咖啡，還買了杯抹茶奶~
仲買咗條雪條，貪佢包裝夠盞鬼~~
但酒店個雪櫃，唔夠力冷藏支雪條.....
結果，融咗，要用飲管飲 XDDD
好彩係可樂味HAHA~
是日戰利品一覽：
飯素、辣蓮藕、一堆健康茶和柚子茶~
馬油面膜，唔潤但保濕~
鬼馬Memo Pad，我捨得用的~
在車站商場雜貨店買的，一大籮~~
實在好平~~
熊本熊扮杯緣子小姐.....XD
手工精細，買來純粹作留念~
買吃的，反而不多，喼太細，放不下了~
咁早返酒店，Hea住休息飲飲食食~
下午飲完阿蘇牛奶唔夠喉，繼續喝奶~
是夜宵夜，薯片薯片薯片~~~
晚安，
聽日返博多喇~~~~
沒有留言:
張貼留言