5/4/2015 星期日 (My Birthday~)
距離上回名古屋之旅不到兩個月，
我們又出發日本去：靚太生日之旅~XD
8天7夜Start!!
今次11:20航班，Delay至12:00，
又有藉口吃個午餐才上機~
繼續去有點餐服務的翠華，
終於對C餐生厭，來吃個蝦子雲吞麵吧!
曾經訪問翠華，
印象最深的是品牌很受大陸人歡迎、
員工沒有免費膳食或折扣優惠、
以及傳說中這幅最長且細說了香港故事的壁畫，
機場獨有咁話~
1號閘口，唔駛坐無人駕駛，
多咗時間慢Hea書店~
在Page One看到這些很有本土味的貼紙，
立刻每款購入一套!!! 超精美吧？
因為我忽發奇想，
覺得可以拿去日本做個文化交流，
若然旅程上遇到有緣人，
我定會送對方一個作留念~
去程KA、回程CX，
我絕對認為KA的飛機餐是比較好吃的，
因為KA總會包括哈根斯雪糕!! XD
還有餐牌這麼講究(而不環保....)
我選了香辣燴雞配薯菜，還有冷麵，不錯~
老公獲配香蕉忌廉口味，他那個實在好好吃!!!
咖啡味也好啦~
3點幾去到，當地時間快一個鐘，
今朝又提早兩小時到機場，
所以去一轉日本至少也折騰6小時......
(還是去沖繩最最最划算!!)XD
閘口已充斥著大批香港人、大陸人，和旅行團......
今次會去熊本，
一到著就四處熊本熊了~~
吱吱咗咗又去廁所又要影相，
仲未走得，因為要響機場買埋車票~~
依旅遊書指示去咗九唔搭八的
Cell Phone Rental/ Money Exchange櫃位，
買了打後去由布院的Pass~
9000幾yen用咗5日，必須要買!!
接著再到隔離Highway Bus Ticket Center，
買埋稍後要用的福岡悠遊卡~
用果日先開始計，
到時要在該日刮去銀色部份，要小心保管好呢~
磨到成17:00先離開機場，
呢度要搭架巴士接駁出去地鐵站，有點花時間~
不過好易搵到方向~
落到地鐵又要買車票，真係好鬼煩...XD
但咁好彩遇著優惠日，
每張票無啦啦平咗100yen，
我地呢d跟足旅遊書指示的人睇到個車費價目唔啱，
又要諗下有冇買錯，
你知我內心諗乜嗎？
(買買買.........買咗咁多張飛都未返到酒店未有得去玩我冇耐性喇!!!!!!)
旅遊就是如此，充滿挑戰和未知之數~
但算是和伴侶一起的有趣經歷。
好彩，坐地鐵去酒店只係兩個站，
福岡空港----->博多
曾經有朋友去名古屋，
話響地圖搵唔到酒店方位，
這才發現自己每次去旅行，
都是到達地鐵站才慢慢找出口的......
我們也不是日本達人呀哈哈~
上到地面試下撞下一定找到~
天還未黑，Good~
九州之旅第一、六、七晚都在這家酒店住，
博多 Hakata Forza Hotel~
床好大，地方幾闊落~
住咁多間日本酒店，
呢家的沐浴用品真係Very GOOD!!!
竟然有薰衣草洗髮護髮，杏仁油Bath~
還有這個超棒按摩器!!!!!
只要在這裏住的晚上也會用它一整晚~
仲有埋說明書教你用，
真係按乜都得，按到我睡得超級好!!!
實在好想買一個在家用啊~~
生日天，
我拿了朝日新聞剪了報頭來留念....(無聊爆)XD
小休一回，出發去玩~
第一站：Canal City 博多運河城
餓到大爆炸，梗係去食晚飯先~~~
生日飯，究竟老公帶我去食乜呢？
兩個牛魔王，見到呢間有鹿兒島黑毛和牛，
已經九成九敲定了......XD
餐牌有介紹牛的不同位置怎麼好吃，
當然看不懂~@,@
就點了兩個貴餐，冇死吧？XD
來杯啤酒飲飲勝!!
美食來到了，好香好香，好惹味的香氣~~~~
點了也不知自己在吃什麼部位，
總之好好吃 XDD
我那個入口軟綿綿，送飯一流!!!
下面那板老公的，勝在份量多，也充滿牛味~
就是這家泰元牛，
吃的時候很多人在門外排隊，
吃完了人流也散了吧~
商場最低層全是好吃的食店，
不過很多日本菜是香港也有的，例如勝博殿~
洋食選擇反而幾新奇~
飽餐後，來看看運河城美景~
整個商場大到有東南西北座，
根本沒有時間慢逛，也不會在這裏久留~
但我們去了東座3樓的Muji，
原來是全九州最大的旗艦店，
有Cafe、有自家書店，真的好好逛~
速速買了正在做特價的背心和外套，
實在超平!!!!! 旅客還有折~
離開商場，出發去看夜櫻~
往地鐵站途中偶遇川端通，
不過裏面的店子幾乎都打烊了~
麵包超人你好!!
好可愛的階磚，還有其他同伴啊~
關了的店門，卡通也很過癮~
商店街盡頭就是地鐵站入口，很方便~
下一站：舞鶴公園/ 大濠公園
趕得切在水尾看看櫻花吧~
其實已掉得七零八落了~
不知何解有點怕這種城牆，還要打上鬼魅綠燈...@,@
盲中中周圍找夜櫻，
結果看到一個閘口有人賣票，
4月5日是最後一夜!!
時值9:45pm，本來閘口員已截停不讓人們進，
我們就在門外這個海報前研究內容，
後來閘口員出來說可以讓我們進去~
當然要收費吧，10pm關門，
餘下15分鐘，也進去看看吧!!
不然老公應該不死心.......XD
好美.......好美.........燈光打得真美!
其實我是在看夜櫻嗎？我也不知道~
像在看燈光匯演吧XD
但的確是嗅到櫻花餘香.....
還未夠喉，兩隻夜鬼決定繼續行程!
第三站：屋台食宵夜~
天神站的地下街，天花很美，但好難拍~
屋台只在晚上才出現，就是香港人說的打冷檔~
下著毛雨在街上尋尋覓覓，
終於!!!! 見到了~~~
就是這些隱藏在街角的小店，好得意!
往前再走，連續一排的美食檔口~~
每一間都擠滿本地人，
老公說看看也滿足，
我回他一句：唔係嘛？一場嚟到唔食？!!!
老實講，我都唔敢奢望，
因為好多Blogger經驗說，店子小，座位少，
6pm來到還有機會擠進去，
不然要輪候好久~
又好好彩，下一秒就畀我地見到某間有人走，
即刻衝入去啦喂!!!!
食乜？唔知呀，坐低先算啦!! XDD
十分走運，這間不是純吃拉麵的屋台，
是有大量小食選擇呢!!! (星星眼閃亮中)
有台灣Blogger打趣說，幫襯屋台的以日本人居多，
問老闆有沒有英文Menu，
店家說沒有，然後給他們遞上中文Menu! XDD
我們也是看中文Menu點菜啦~
有圖有字，繁體字!!!
又飲番杯~
老公要清酒，我要個透心涼橙汁~
若果不是二人世界的話，
應該好難食到呢d~
隨身物也最好不要太多，沒位放的~
等吃中，看師父表演廚藝~
美食來了﹗和牛雜，十粒星!!!!
烤雞腎、烤雞皮，十粒星!!!!!
奶油魷魚足，十粒星!!!!!!
我鮮有地不停添湯喝~~
餃子，十粒星!!!!!
實在不得不讚好吃，就是什麼都超級好吃!!!!!!
但呢餐唔算平，都食咗3000yen~
我夠膽說是我在日本吃過最最最難忘的美食~~~
不去後悔呀下!!
我就是吃這家~
小插曲：埋單前我已預先算好多少錢，
大概屋台也要收稅吧？
所以老闆娘說了一個數目要附加，
就在我努力翻譯她那個日文數字時邊找著散紙，
在我附近的一位日本西裝友就替我找了數，
啊~~~他還示意由佢啦別客氣!
出路遇貴人吧？我忘了送他一張貼紙留念嗚嗚~~
事後，我還在思考究竟要我畀多幾錢？聽不懂 XDD
回程例牌去便利店買早餐!!
Day 2：由布院見!!!
沒有留言:
張貼留言