7/4/2015 (星期二)
第三天，全日留在由布院遊玩~
上次在名古屋的高山錯過了昭和館，
原來呢度都有，
所以必去!!!
這個早上，我晨早七點就起身，
吸一口新鮮清涼的空氣，
然後就去露台浸溫泉，浸呀浸~~~~回佢本! XD
等老公都起埋身浸一輪，就落樓食早餐~~
非常豐富的樣子，
師奶看了就心寒.......平均一個人要洗幾多隻器皿,..XD
好假的煎蛋，真係好似櫥窗果d~
佢畀乜我地食乜，
老公唔食魚，我發達喇~~~~~~食雙份!!(大笑)
食到尾仲有飯，熱辣辣香噴噴，
入口鬆化又柔軟，飽到癲我都隊咗兩碗!
早餐食咗成粒鐘，又係我地最遲走~
點解其他人可以食得咁快架？
仲好，清晒場可以任影~XD
又是星星蹤影~
經過門口，見到呢個鞋陣~
響樓下四處八，原來有個小庭園，
昨晚太夜睇唔到~
走廊盡頭轉右直入就是家庭溫泉，可以預早Book定包場~
(因為有d房係冇獨立溫泉既~)
上樓換衫，出發今天的行程!!!
終於睇清楚間旅館外貌了，不過我地果幢響後排再上d~
又是徒步落山的時候，
食飽當運動也不錯，當欣賞風景啦~
行咗一小段就覺得中招，
愈行愈凍，望下今日所著的衫，
唔係薄就係短~XDD
(原來呢日跌到得十度左右，但電視冇講呢頭的天氣......)
唔折返了，幾薑!
我覺得行快兩步跑多幾步就會唔凍囉~XP
有間屋仔，唔知係咪狗屋呢？
沿住昨日拖喼行上來條路落山~
回頭望上去，都咪話唔甘.....@,@
人影都冇隻，度假可以，生活會唔會好悶呢？
但的確好寫意啊~~~間屋仲好大......
櫻吹雪，十分美~
上圖呢幢就係路口間病院，還有對面的綠田，
認路就靠建築物冇難度~
由布岳溫泉就在不遠處嗎？
呢個設在病院前車站的手寫地圖，花過心思呀下!
河川加綠草，怎樣看都美極了~
繼續向車站進發~
目的就係提早去換翌日離開的車票，
Mark實由布院之森，果然冇滿座，即刻劃到位!
由布院(乘由布院之森往)---->久留米
久留米(轉新幹線往)---->熊本
去呢個閘口換就ok~
搞掂，順便響車站拎番張觀光地圖~
拎日語版，對名稱時會易明過中文版~(我地覺得)
由布岳一直被大霧籠罩著呢~
臨行前，見到車站旁邊的辻馬車準備起行呢!
可愛的馬兒啊~~~
為什麼九州名產有馬肉份啊？T.T
另一種代步觀光的交通工具，係古董老爺車~
馬仔出發了~~
拜拜你條尾~~~ 我地選擇自己行，
辛苦你了~
時間充裕梗係揀自己行啦，咁多嘢睇!!
由車站出口向前直走，
已經有不少手信店和食肆、Coffee Shop，
但先別著急，因為重點要玩的是：湯之坪街道~
我想，車站走到湯之坪入口，
大概不過20分鐘左右，
但我們磨了將近一小時，因為沿途有太多吸引的東西看~
只能看，不能買~
又係影咗當買咗......
離遠望到對面馬路間漢堡包店，
吖~~~唔係呢間，我係想去隔離果間!!!
手工藝、小手作，係我杯茶~
原來呢度有寵物似顏繪及雕刻服務，
我當場立刻響電話狂搵兩粒寶貝的女靚相出來~~~~
目的當然係想畫師幫我畫幅靚畫啦~~
成部電話交咗畀佢對住畫，
好緊張，好期待啊~~~
想起上次到吉祥寺的井之頭公園，
我倆為咗一幅似顏繪而甘願把打後的行程大為縮減，
當時等咗畫咗超過一小時啊~~
兩個女，成形喇......
呢間手作小店好多關於貓貓狗狗的圖畫，
但礙於作品不能攝影，所以我只拍了畫師畫我幅畫的過程~
保護產權，十分重要，支持!!!
哇~~睇到成品喇，好靚呀好靚呀~~~~
只係等咗20分鐘左右，畫得超快!!!!
猶如看了一場表演，是日大收穫~~
睇番我地幅似顏繪，
終於有全家幅啦Wakakaka.....
為咗答謝畫師，我首次送出咗帶去日本的貼紙，
請佢食雞蛋仔同燒賣haha~
畫師very nice，才華洋溢，
有寵物的你，去到由布院就搵佢畫幅畫啦，
獨一無二的至佳手信!!!!
就係呢間，響漢堡包店隔離，行入湯之坪時一定經過~
除咗幅畫，我地仲買咗雕刻紀念品，文末分享~
小區的溫馨，就是連附近的垃圾桶也有畫師的作品~XD
搞咗一輪終於行到湯之坪入口~XD
見到呢間傳說中必食的蛋卷店B Speak就冇錯，右邊直入就係~
來到梗係要朝聖，
雖然賣飛佛係有一大pat Cream響中間的堂島卷，
又試下你有幾好食先.....
如旅遊書及blogger所說，一晏咗，細盒裝就賣晒~
兩條友，夾硬死都買左大盒裝，
今晚要食晒佢~@,@
如今只係這一日的開端，所以點都要買埋個冷藏袋裝住佢~
好多大陸人，搶搶搶......
沿途遇見喵~
中途有個公園，
公園盡頭有列火車，日光日白睇都覺得陰森...
入夜後，呢個半荒廢feel的遊樂場一定好猛....................風 XDD
人力車，貴婦先坐~
Yeah~~今日有乜食乜，小食當飯食!!
豐後牛薯餅，咖哩牛肉炸包~
好熱呀~~~好食呀~~~
轉個彎遇見櫻~
行前d，原來湯布院迷宮館就響呢度!
其實，呢度究竟叫由布院，定湯布院？
我有疑惑，你應該都有疑惑! (呱)
解答：
聞說1955年日本自治體從中央到地方都進行大合併，
九州當然不能幸免，
當時的湯平村與由布院町，被劃為合併的重點項目，
各自取了「湯」平村與由「布院」合併為「湯布院」。
(資訊取自網絡)
聽聞好多日本人都唔識答呢條問題，
如果你有日本朋友，不妨問下佢~XD
好中意Trick Art，但一直冇畀錢入場睇任何Trick Art，
今次行程唔夠時間睇了~
下次啦~希望會再來!
門外櫻花盛放中，應該算係行程上最靚幾棵!
折返湯之坪街道，喜歡慢遊慢看的你一定愛死這裏~
薯餅，又係我大愛的薯餅!!!!
(題外笑話一則：話說有日小息落街買薯餅，
新加坡番妹同事響我耳邊唱起She Bangs....She Bangs....)
堅爛但我笑咗....
個胃要少少時間歇一歇，
所以睇咗當食咗...@,@
下面支柚子美奶滋....真係好想買~ 但太重唔想拎XD
天色雖然陰沉沉，
但其實又涼爽又舒服，唔曬仲合我意~
行行下，見到呢間杉養蜂園，
真係開心都彈起，
上回去名古屋高山買過支柚子蜂蜜，
返香港就hurhur聲飲晒，好飲度爆標!!!!!
以為有排都冇得飲喇......點知，由布院都有分店!!!!
就係呢款，當然幾重都要添一支，
係呀....拎多支我都唔想呀.....T.T
響高山果次店員幫我開咗張會員卡，
估唔到真係有用，但我梗係冇帶佢響身，
結果我問店員可否用email check番，
佢的回應係(日語)：阿lee屹多! 大丈夫! Discount for you!
(check都冇check XDDDD)
試食時間，行過下面呢間店，
冷不防個伯伯超熱情地隊咗粒冰jelly畀我試，
試完一粒又一粒，柚子、葡萄、芝士、Tiramisu....
乜味都有得你試，
最後當然試到我唔好意思唔買啦......
最後買咗兩大包，佢仲送咗一小包，
好重啊~~~~~~~十分極之超級愚蠢拎餐懵@,@
食完甜野，要食鹹野，
經過呢間你估我見到乜？
係拳頭咁大粒燒八爪魚丸啊~~~~!!
好吸引好吸引~~~~買喇買喇!!
日本人做野慢條斯理，
等咗九萬年終於到手，Yeah~
成個盒咁大粒，呢兜野一定要有人一齊Share，
唔係乜都唔駛再食了~
食完繼續行，呢間爆谷店好靚啊~~~~但我竟然冇興趣買XD
轉頭一望，見到Snoopy甜品店!!
我即刻諗起一個好喜歡Snoopy的朋友仔，
第一時間send張相畀佢尖叫下先~XDD
(希望你有睇呢個blog，睇完會想去由布院朝聖啦hehe)
小小地買咗呢杯抹茶蕨餅~
口感Q彈，唔漏唔太甜，抹茶味濃，
超級好食，一定要食!!!
(聞說日本老字號甜品店「中村藤吉」登陸本港都有這個吃)
15/5/2015開幕
要$88/六粒 @,@
這小杯都有5、6粒，厚切，390Yen only，
港幣$25左右....XD
(聞說日本老字號甜品店「中村藤吉」登陸本港都有這個吃)
15/5/2015開幕
要$88/六粒 @,@
這小杯都有5、6粒，厚切，390Yen only，
港幣$25左右....XD
中途有個小休站的確不錯~
好悠閒，又寫意，但周遭的香港人同大陸人真係鼻哥窿擔遮....
歇後語：鼻毛可避 (爆XD)
甜品店隔籬係精品店，再隔籬係Cafe，
全部都係Snoopy主題!!
Snoopy粉絲，由布院是你的選擇~
其實行咁耐，我地的最終目的地都未到~
但我就好開心喇，因為食得好過癮~
又有獵物!! 呢碌野究竟有乜餡？
原來係飯!!! 竟然係飯!!!
咪即係肉片飯手提版？! XDDD
食完行上d，我又見到久遺了的魚餅串!!!
上回在有馬溫泉區食過，念念不忘~~
一買就打孖上，就快去到爆胃極限~~
食下行下坐下~
人生一樂也~
兜兜下，見到呢個各方推介的布甸銅鑼燒，
咦，原來唔係即食架？仲好!!
不過要雪，咁就順便放埋入裝B Speak蛋卷個保溫袋啦!!
但今晚係咪真係食得晒架.............(滴汗中)
響呢間買既，花麴菊家~
行到下午1點幾，終於放晴了~~
非常漂亮獨特的玻璃屋：月點波心
很多手製玻璃、瓷器、皮革、木材飾品等小物~
實在太美，仲好貴，
幸好揀到手信給爸爸~
繼續行，見到左手邊有家超大的犬家敷，
第一時間，望埋附近有冇貓家敷啦!!!
哈哈哈....真係有，就在對面，
不過係叫貓屋敷~~~~
只在門外拍了照，不知道內裏拍行不行~
貓奴必去，貓產品多到癲~~
又是She Bangs.....嘿，吃不下啦!
就快走到湯之坪盡頭，
終於到咗今日最大目的地!!!
呢間唔係，只係間蜂蜜店，有蜂蜜雪糕食~~
佢對面呢間先真~
愛懷舊者，必去湯布院昭和館!!!
淨係個門口都大把野睇大把野影~
大人入場費：500Yen，抵啦!!!
由課室開始.....
相片超多，慢慢欣賞~
館內面積不算很大，但設有不同主題的場景，
食店、溫泉旅館、民居起居室、廚房、醫院、髮廊、
照相館、酒吧、零食店..........全部都帶你回到過去~
點解以前d洗碗盤階磚咁鬼靚?!!!!
呢d feel的碗好似我幼稚園年代用過~
兩條友掛住喪影，真係任你影到飽~
上面呢張溫泉旅館按摩椅，
有次睇旅遊特輯見過，應該仲有機會玩到!
上面呢間便所，原來堅係便所，可以使用的~~
(因為聽到沖廁聲，心諗，乜咁逼真既？)XDD
照相館，入面好多黑白照，令人心寒~~XP
一直以為呢隻小笨象同文具有關，
原來佢係藥局、醫院的代表~
超奢華的酒吧，椅子花布好美!!
地板也好美~
我的商標：零食XDD
好懷舊啊~~~~單係望下都勁回味~
相信有很多你我熟悉的東西玩意~
看似曾飽歷滄桑的刨冰機~
入面條街就係咁款~
以前細個，就係玩呢類積木大~
成牆火柴盒，有祼女!
對鞋的鞋盒，設計好精美~
哇，火之鳥~~~我唔識，老公識~
睇番相片時間紀錄，
我地足足逗留咗1小時18分~
全程似係我地包晒場~@,@
門口旁邊就有一間懷舊零食店，
我竟然一樣野都冇買!
因為好多我已經見過食過....XDD
不再瘋狂~
下一站：金鱗湖~
途中遇見.............買杯雪糕食下先~
抹茶味不足，條抹茶Kit Kat又雪得太硬@,@
經過Yufuin Floral Village，今日唔去，聽日先去~
又經過自動車歷史館，都係聽日先去~
行落停車場果邊轉左，
就係去金鱗湖的方向，勁多韓國遊客啊~~
呢頭都有超靚溫泉旅館~
d襪仔的設計好盞鬼，真係睇到笑出來XD
哈佬吉蒂粉絲必去，入面的和風小包包全部係Kitty圖案....
到喇!!!
旅遊書建議，要睇金鱗湖最美一刻，
係清晨氣溫最低的時候~
湖面會霧氣瀰漫，侊如仙景~
去到我膝頭咁高的大肥鵝~~
近距離看小白鷺，伸手可掂咁滯!!
呢間位於湖邊的餐廳，無緣去吃了~
個湖又真係幾靚~
折返湯之坪街道，又經過個Village~
入去望兩望，見到貓頭鷹!!
我行去邊，佢個頭就擰去邊，畀佢望實其實幾恐怖....@,@
有咩咩咩~~~睇下小妹妹幾開心~
仲有小松鼠，可愛爆燈!!!
剛才食肉片飯手提版條街，
亮了燈，好有味道啊~~
呢間芝士狂熱份子店，我竟然冇入到.....
準備回程了~
路過恐怖荒廢火車公園，見到個流浪貓糧盒，
咁精美!
回到B Speak了~
時值下午16:40左右，
我們選擇行新路返旅館~
睇住GPS，沿住呢條小溪走就可以~
風景優美~~~
行到尾，竟然係掘頭路??????Orz....
唔係要折返呀ma？冇奶油錯既!
望下溪邊，原來有幾舊石可以駁過去~
哇.....好似好危險喎，
我老公雞手鴨腳~XDDD (我也淆底驚跌落水)
好彩冇落雨，水流唔太急.....
膽戰心驚咁半行半跳咗過去，巧刺激呀~~~
後來見到阿婆阿伯都係咁過.....仲從容不迫，嘿~
屋頂有隻牛~
又是櫻吹雪~ 跌晒落地lu~
17:13pm，安全返回旅館，行咗半小時多d~
休息一回，又要落去食晚飯了~
今次調咗位，旁邊幾張枱的人都不同了，
看來只有我們連住兩晚~
晚飯幾乎是一樣的菜式~
今晚也來喝兩杯吧~
幸好食物好吃，所以再來一次也好享受~
被拍到的是旅館的女服務員，
招呼很好，又幫我們拍照，
對她有良好印象~
飯後回房間，毛巾更換過了，又是星星啊~~
是日戰利品一覽：
在寵物似顏繪小檔買的其他小物~
前後都繪上不同貓咪圖案，很有心機和心思~
在貓屋敷買給女兒的木棒~
在jelly店旁邊攤檔買的燒元貝和魷魚絲 (jelly伯個老婆負責)
就是這堆jelly，拎到我半死......
在玻璃屋月點波心買的按摩器，
和爸爸一人一個~
非常超級便宜又好看的日本製防UV帽子和圍巾~
買給女兒的的小食和玩意~
買了頸繩一條，純粹PP痕，影完相就收起來，
我不愛為貓增添束縛~XD
買了一堆貓咪相冊~
一定比香港誠品買平很多!
扭蛋貓~
扭蛋貓掛飾
又係扭蛋，床單iPhone套......扭完先知係5用，唓...
晚上，宵夜時間，落咗樓下汽水機買飲料，
老公請，佢竟然請! XD (零食類一向我負責嘛~)
二人挑戰一條蛋卷!!
沒提供匙羹，亦冇叉用，吓？？
最後用手食，真係夠原始....XD
其實有匙羹架，下面呢d，
又係響貓咪似顏繪小檔買的，老公所買~
靚到呢............
店主仲幫我地即場刻上女兒的名字!!
好可愛呢~~
最後，食埋呢個布甸銅鑼燒~
我覺得好味過B Speak~
其實想食B Speak小量裝，去坐由布院之森都可以食到~
火車小賣部有售!
飽到休息咗好耐好耐........先夠膽去浸溫泉~
好特別的設計，度門反映咗洗手盤對上盞燈的影子，
竟然變出個巨型星星圖案，超級靚!!!
只有坐響度浸溫泉的角度先睇得到~~(神奇)
溫泉與床只是一門之隔，
真係瞓醒就可除衫跳落水~~XD
今晚又浸到好夜，望住室內同戶外的星星發呆，爽極了~~
好想知，要收集星星物品放滿旅館角落，
需要花多少心思和時間呢~~
呢個堅持同極至，我欣賞到不行，
至少我一世都不會忘記這個星星之旅~~
去埋廁所，同貓咪講早抖了~
瞓飽飽，繼續餘下精彩旅程!!!!
沒有留言:
張貼留言