11/4/2015 (星期六)
返回博多的第一個早上，
行程只有一個!!!
重搥出擊：貓島~~~
喂，你瞓醒未呀？快d嚟探我地啦~(喵，呵欠~~)
出發前，記得記得要盡量食飽!!
因為去一轉貓島會消耗極大體能~XD
這個早上，我地5:30am就彈起身，
同去朝市一樣咁神心!
6:30準時落樓下食早餐 (人地都係剛剛開門咋...XP)
哇~~每人只係畀多60蚊港紙....抵到爆!!!
中、西、日料理都有齊，仲有中華燒賣~
最喜歡這個小角落~屋企有一個就正.....
選擇太多，今次只吃最愛的厚多士~
Woo.....頂籠食兩轉就飽@,@
我又飲奶了...太好喝~
就係住呢間，距博多站僅5分鐘路程~
去相島交通不難，
博多駅 > JR鹿兒島本線(往門司港方向) > 福工大前駅 >
循環巴士(相らんど) > 相島渡船場 > 往相島渡輪
食唔切早餐或想試下站內食拉麵，
JR入閘後都有得食!
博多駅 > 福工大前駅，大約半小時~
出閘後搭扶手電梯落一層，
就會見到循環巴士站幢正響你面前~
落到去會見到右手邊有間便利店~
就算冇食早餐或想補給，呢度可以幫到你~
有心去相島探喵星人的話，
出發前一定要做足功課，
因為轉乘次數較多 (自駕遊都去唔到)，
必須Match晒所有交通公具行駛時間~
呢日我地搭8:19車 (趕唔切就要等到10:04架喇~)
由JR福工大前駅上車 (<--我硬係睇錯大福餅前駅....XDD)
搭五個站就到，
相島渡船場下車~
上車入錢~
大約10分鐘到站，好快~
司機叔叔好好人，
我地個樣擺明係遊客，
所以即時響車上拎咗本行車時刻表畀我地回程時用~
今日天氣非常好，連個天都好鍾意我 XD
萬分期待~~~~
出面就係碼頭了~
8:30到渡船場，但要等到9:20才有船，
所以點都要等一等，
吹下海風又好去下廁所又好啦~
但留意下面提供的時間表，
每天開往相島的渡輪，只得三班架咋!!
(你仲要計劃幾點坐船出番來喎~XD)
我地的行程：
8:19 (相らんど循環巴士) 約10分鐘車程
9:20 (往相島渡輪) 約20-30分鐘船程
13:50 (回新宮渡輪)
總之10am前去到相島，都仲有3小時50分鐘慢慢玩~~~XD
不論陰天晴天，都有個候船室畀你坐住等~
呢個時候可以慢慢買船飛~
460Yen一程~
雖然呢日好早起身，眼瞓到癲，
但看著暖暖陽光灑落地上，
就十分渴望與喵星人會面~~
還特地穿了貓褲相襯一下~XDDD
9:05，提早15分鐘給人上船準備~
也要走一小段路~
到了，第一次在日本坐渡輪~
其實唔係好難je，自由行又一突破~XDD
簡直係豪華版飛翼船!
精神飽滿!! 元氣元氣ne~~
粼光閃閃十分美~
不過會暈船的人，記得先吃止暈丸~*0*
我呢d坐海盜船當食生菜的人，絕無問題~
不過途中都畀隻船拋窒，
呢個堅要忠告給大家，不是說笑~
去程好狂野，回程冇乜野，就係我切身體會~
睇其他台灣Blogger的經驗，佢地都話大概坐半小時，
我地呢班，20分鐘就到!!
好彩冇嘔~XDD
到了到了~~~
果然一落船就見到喵星人~~YEAH!!
福岡縣有兩大貓島：1)藍島(北九州市小倉北區)
2)相島(糟屋群新宮町)
前者以漁業為主，島上人口約300人；
後者除漁業之外，島上還有珍珠養殖場，人口約500。
島上每個角落都有喵星人蹤影，貓奴錯過必會飲恨~
Hello喵喵~~<3
又伸懶腰，又擺S Post....XD
可愛~~~
這位女士見我地是同道中人，
就一輪咀跟我們搭訕，
其實我好欣賞日本人明知你唔識聽都係咁暢所欲言，
係幾好笑~
RRR....
嗨，小黑~
黑白配，男仔女仔配....
純粹停留響起點，都影咗10分鐘，
其他同船日本人已經散晒去唔知邊度，
睇番個地圖，環島遊一圈大概要花兩小時，
我地的時間夠有突~
行唔夠兩步，我地又融化了~~
成群來襲~XD
萌爆，任摸任玩仲狂嗲人~~
島上有商店、食店，但當日是星期六，
很多也關門休息~@,@
RRR....
黏到實~
好像依依不捨啊~~
貓之外，小島上求其拍一張都好有feel~~
若是在香港，定會被龍友與0靚模攻陷...
小虎與小花 (我老作)果然捨不得我們，
跟到貼一貼~
係咁走埋嚟親近，冧死我.......
哈哈哈.....你養的嗎？
小虎一個貓步跳咗上船偷魚食!!! XDD
畀小花逮個正著~XP
怎能不喜歡你？
另一隻新相識的，好熟絡地睡在我腳下~
仲竟然出絕招：典典典!!!......我融咗喇....
又一枚靚仔~~
典典小B實在太可愛~~~
啊~又一位PR~
哇呀...........點解隻隻都咁萌架~~!!
我已不知道細菌跳蚤為何物~
忍唔住喇....XDD
借我對腳來擋太陽，嘿~
嗚哇.......電力爆錶...
嗯嗯，呢隻有霸氣~
喔.....舒服到反肚~
又典!!!
小QQ一隻~
由碼頭一路走來，其實不到400米，
我地已經花咗將近一小時.........XDD
玩到急，搵廁所，
門口又有隻~
好醒目，一見人就起身喵喵喵~
討吃吧~
下圖是一位韓國男生在餵貓~
他說要趕搭10:50的船離開，
所以急忙地把餘下的貓糧都送給我們~~太謝謝了~
幸好事前商量好，決定把整個早上花在這裏，
不然我們也會玩到到喉唔到肺~
這半天就拍了大量喵特寫，好爽~
想遇到親人的喵，實在不難~
自己個女都冇咁黐身~~XD
絕對領域：粉紅肉肉球....
瞓住曬太陽，爽到呢......
喵：拜託你們不要走，跟我玩~~~XDDDD
好帥氣的禮服喵~~
也會用絕招~~
哇呢隻.....冧到爸爸呢....
點捨得走？？
感謝天公造美，讓我們享受風和日麗~~
還有一群療癒系喵星人~~
還近距離看到大麻鷹!!
另一隻壯壯的禮服喵~
很有大哥風範~
呢幾隻係佢跟班~
呢隻是性格巨喵~
這裏的生活太悠閒了吧~~~
這裏的放養貓好像很幸福，
可以隨意走到街上跑跳，
島上的居民也都愛錫牠們，會餵東西給牠們吃~
很有愛的小島~~~
又跟著~
來這裏歇歇，很能散心和吸取正能量~~
坐在路旁談天的大叔，
也在逗喵喵玩~
日本人不說：喵喵，是說：ne ne (呢呢)
大概因為貓喵的日語叫ねこ（neko）吧~XD
看完貓回一回氣，出去看一看海~
扭轉頭，哎唷~~禮服大哥喵跟著我們~XD
很是搞笑，就為了睡給我們看？
還有牠的跟班小弟~~
太太太可愛喇!!!!!!!
嗚哇.....好想擄一隻回家養~
但相信一定把牠們悶瘋~XP
好啦給你們吃的~
望下鏡頭吖~~哈~
離遠那一間，是相島小學~
今天都放假呢~
開得燦爛的小花，和喵喵作伴~
但喵喵把牠們當作沙盤.......HAHAHA...
(在呠呠)
這種生活.......多寫意~
要繼續前行了~
沿小學後的山路走~
時值12時正，烈日當空!!!!
開始沒貓蹤了~
但有櫻吹雪的殘骸~也很美~
拍婚照不錯~XD
沒有喵星人，再走下去也沒意思~
什麼積石塚也看不上眼~XD
其實時間也沒多，倒不如折返~
又遇見禮服哥與跟班們~
很相親相愛呢~
相島上有旅館，這家不知是否仍在運作？
路旁種蔥~
你就叫聰聰？圓臉聰~XD
聰聰接棒做導遊~~
再度重遇喵，開心晒~~~
小惡妹~~
唔叫都幾斯文~
一叫成個八妹仔咁~
做咩咁惡唧~~~XD
小惡妹O嘴~
開始遇見其他遊人了~
老外也懂得來!
熊本熊無處不在~
另一家旅館，呢間似未荒廢d~
呢日何止天氣好，簡直是曬貓好日子~
你這樣看我......電死人咩~
英氣~~
靚到呢~~
哇，世風日下道德淪亡呀~~~~
咁猴禽架你........BB都搞 *0*
部長=護身符~
保闔家平安~
是時候買定船飛了~
島民的畫作~
小學的環保活動~
好精靈的小豬~~<3
好喜歡你們，這個早上的時間過得太快太快了~~~
希望有機會再去探訪更多喵星人~~~
走過碼頭另一端看看~
海水清澈到不得了~~
路旁有家小廟宇~
冬天來比較舒適，
這天就是清涼氣溫+暖暖太陽，好棒!!
回程了~~~
落船後坐循環巴士回去搭JR~
咪講笑，餓到發瘟，
速速隊條巨腸先!!
加多盒壽司頂肚~~Gur晒~~
呢日未完啊，下午返博多繼續玩!!!
下集再續~~
沒有留言:
張貼留言