(下集) 靚太生日搵啖食

生日唔好畀佢停﹗

第一個約我食飯的，就係細我3日的Aries Babe~

記得當年我仲係個小記者，搵佢幫手做大學生見工形象指導，

就係一個訪問令大家做咗好朋友，

見住佢努力開拓個人事業，

如今，這位女強人已經係La Vivana老闆兼形象總監﹗

擁有大將之風的老闆娘，

呢日帶我去嘆海景Lunch，

跟佢出去食飯仲有個大bonus，

就係可以跟佢學禮儀﹗

因為佢成日同城中勁人crossover開形象指導班架﹗

餐廳：<Wooloomooloo Prime> The One 21樓

這裏的Set Lunch份量足，餐廳環境寬敞又寧靜，

平日下午多數商務客或闊太居多~

Set Lunch價錢由$188-$258不等，

包頭盤、主菜、甜品、餐飲，

我選的大蝦意粉好味爆燈，淨係見到呢幾隻蝦已經物有所值了吧？

甜品選了朱古力布甸、Gelato同Sorbet之類，

都好好味~

生日飯，純粹搵個藉口見面聚舊，

餐飯食足3粒鐘，我地就雞啄唔斷3粒鐘，

次次都傾到意猶未盡﹗

白羊座，就係同任何人都可以有說不完的話題，

更何況是白羊踫上白羊？﹗XD

謝謝你，很榮幸有你這個好朋友~

我也祝你事業蒸蒸日上，生活永遠幸福快樂﹗一齊加油~

----------------

生日對我來說，並不是個特別需要慶祝的日子，

我寧願每天平凡地快樂，而不是全年只有一天特別快樂。

所以，只要有最要好的朋友和我吃吃飯，

就是最好的禮物~

這次，金蘭豉油.......丫唔係，係金蘭姊妹帶我去打邊邊XDD

餐廳：<小寶哥一人小鍋> 新蒲崗衍慶街2-23號新蒲崗大廈地下

好耐冇食過一人邊，因為會長食過，靠得住﹗

等上菜時，餓到飛天，會長竟然送上生日奶茶鬆餅每人兩個﹗

呢個moment真係好爭扎，想食又唔想食.......

等咗一陣，終於開飯﹗

我跟會長選了「椰子海底椰竹絲雞湯底」，有烏雞又有椰絲食﹗

其他選擇還有「猴頭菇鯊魚骨湯」、「正宗潮州湯」、

「胡椒豬肚湯」、「雞煲」同皮蛋芫茜呀番茄呀等湯底，

真係........諗起都想再去食.....@,@

超中意呢度點菜可以揀一碟或一份，

前者份量多d啱大班人叫，

後者每碟4至5件，變相四條友去都可以叫勁多樣餸﹗﹗

無法統計我地四姊妹叫了多少，

總之就係好飽好滿足，兼且食物全部都好好味﹗

真係「好味呀、好味呀~」之聲此起彼落，

會長果然冇介紹錯﹗

呢餐食得好開心~

----------------

飯後食多轉甜品是常識吧？

這一家，是我們的指定特選甜品店﹗

餐廳：<嚐樂> 九龍城打鼓嶺道86號

佢的甜品就係有種魔力，

令你揀中一個之後，永遠都會叫番果個.......XD

 多謝你地送我快樂生日~

「瞓醒先開，賺夠即收」，幾型，

希望我的好朋友有朝一日可以開番間畀我打dun....XD

----------------

慶祝食乜野，我中意自己話事，
老公唔駛煩之餘，
亦唔駛白費心機後我又覺得冇驚喜XP

我冇安排佢同我去半島做SPA，
唔需要食米芝蓮，
只想在這個假日悠閒咁食個Tea，
所以我揀咗呢間~

餐廳：<Feast> 太古城東隅1樓

Tea Buffet 3-5:30pm，
上去一坐低，先隊碟沙律﹗

包餐飲，例牌凍檸茶易消化.....

食物選擇不會太多，
起初覺得太少吧？然而每樣質素都好OK~

自己喜歡的美食，可以吃多幾轉~

Macaron得喎，味道當然不及Laduree，
但口感鬆化煙韌，甜度適中，好食﹗

凱撒沙律係我飛佛，我足足食咗至少4轉..............回晒本﹗
批同三文治都超好食，肥？食得Buffet就咪怕肥啦下哇？

雪糕唔知咩brand，但唔錯，每樣一球，
Toppings自己加，有筒選擇~

沙律源源不絕供應，醬料自家配搭~

菜之外，還有其他特色沙律選擇~

好多精緻三文治，識得揀，梗係唔好食咁多XD

我試咗一舊咋，真係好食，但驚易飽:P

反而呢d，我好有興趣，我食咗兩件~

雪糕吧，有專人幫你搞，
我好想好想with雪糕筒，但食到最尾已撐唔落....

D盤係咪好熟口面呢？

蛋糕我麻麻，望見就飽冇乜點試~

但d一pat pat的布甸我就好like~

如果個Puff細d更好~

環境幾開揚，雖然係望樓景，但可曬日光浴都算不錯~

最後忍唔住食多碟即製pancake，好好味﹗

食唔落，都影下啦，present得好靚啊~

豹紋cake都有，卡娃依~~

其實呢次Tea Buffet的主題係Cath Kidston，
每位女生都會送番支Hand Cream同Coupon做禮物~

如果平日一至五來，享用的是三層架Tea Set，價錢平少少~

星期六、日來，就係Tea Buffet喇~

但無論邊場，真係抵到你唔信........

埋單後，仲有8折@,@

呢d抵食、就腳、有野送、有環境同質素唔差的，

就係我心水之選﹗

食飽行番出去，見到呢個勁靚蛋糕櫃，
個胃冇位，但睇見都開心，我當切咗蛋糕喇.....
仲唔駛堅食，肥少d，正﹗XD
----------------

正日食完buffet，夜晚餐飯完全食唔落，
老公話翌日再接再厲，繼續食大佢@,@
鍾意据扒的我，揀咗間近近地，
口碑又唔錯的隱世扒房~

餐廳：<侯斯頓西餐廳> 新蒲崗仁愛街50號

諗唔到呢d工業區會有靚扒房，幾得意丫~

地方唔大，感覺Cozy，
最重要係服務十級好，
老公話係近期會響服務上打10粒星畀佢的一間店﹗

例牌Set Dinner唔駛煩，
加了餐前小吃，炸魷魚圈+水牛城雞翼，
雞翼超級好食，仲好辣﹗

我的主菜揀肉眼扒，老公揀千層肉醬麵~

最後仲有個朱古力雪糕，有OREO碎~

論美味，講真冇驚喜，
這個價錢可以一試，但我大概唔會再試，
因為我都仍然情繫安娜.&蘇珊娜.....XD

不過小區內有這類小店，我認為值得支持，
都係果句，服務挽回不少分數，生日仲有折~

去年生日後翌日，
我和老公領養的貓咪第一日大駕光臨﹗
一年後的今天，變咗兩隻肥貓豬XD

之後每一年，呢日都係大日子﹗

睇下一年前，佢地幾細粒，好搞笑啊~~~~
只要一家平安健康，唔駛慶祝都好快樂﹗