2014大阪民宿之旅Day2---有馬溫泉、六甲山、神戶三宮

榻榻米比屋企張床更好睡，睡到唔想起身@,@

第二天，星期六，安排去有馬溫泉，

再上六甲山看夜景，

點解星期六去好？陣間揭盅~

早一晚買定早餐，瞓醒開眼有得食﹗

超期待再食炒麵麵包，我就係覺得match得好好食，

可恨香港d日式麵包店竟然唔賣，嘿~

去到車站首先要買張有馬六甲周遊券，

可以無限乘搭區內交通工具，

更內附好多景點優惠券，筍~

但要全日都響果度玩先抵喎~

 因為民宿距離難波都要最少25分鐘車程，

呢幾日去任何景點都要響難波、大阪、梅田等轉車，

變相花多咗乘車時間，其實都幾甘~

呢一朝，我地用咗3小時先來到有馬溫泉站.......

呢個只係體力大考驗的開始﹗

 去到都已經係午飯時候，

一出站就有好多餐廳、手信舖，

但唔駛心急，行下好喇~

 吉高屋好多過癮精品，行過就冇，

你想拎住玩一日就買咗先啦......XD

 不到幾分鐘腳程，已經見到有馬川，

老公指明要去，究竟有乜特別呢？

 似係條靚的大坑渠XP

 

 咁諗就畀人笑喇，因為呢個親水廣場真係好出名，

好多人會落嚟坐響岸邊談情說笑~

一d臭味都冇，風光怡人~

 

 

 

條川咁靚，因為有佢睇住，
呢度佢地頭XD

來到咁耐想搵啖食，點知d餐廳未開工，
好多都開5點鐘，
唔緊要，我寧願掃街，呢d先係正野，
魚餅棒棒400yen串，我買咗3串﹗

好巨型，十萬個好食﹗﹗﹗

果頭咬緊魚餅，呢邊見到饅頭，
買呀~~~~~~  70yen一個~

原來係紅豆包，香軟新鮮熱辣辣~

食完甜野又食番d串，
芝心棒呀好味到咇出嚟~~~XD

求其篤幾款都咁好食，
食足一條街，已經夠填肚......

咪住，仲有檔賣緊櫻花雪糕，
唔係唔食呀？﹗

喂呀~~真係有櫻花花瓣架............好想食十杯﹗﹗

邊食邊欣賞馬騮仔街頭表演，
雖然唔知講乜，但氣氛超好~

隻馬騮的Body Language一流，
佢扮嬲，mit緊手指.....XDDD

老公睇咗好耐，差d畀我食晒杯雪糕XP
不過個表演真係令人好歡欣，
小動物真可愛~~

睇咗陣，繼續向山上進發，
唔駛1分鐘來到金之湯~

時間緊迫冇諗住泡溫泉，
但就想試呢個免費足浴，哈~

就咁響街邊排隊，我地幾乎唔駛等就有位~
二話不說立即除鞋﹗

腳一浸，哇~~熱到跳起，
我開頭幾分鐘都淨係浸到腳趾咋.......

好多互不相識的人坐埋一齊浸腳，十分過癮~

妹妹好野﹗睇下佢已經淥熟咗對腳都依然浸得Happy~

其實真係好舒服既~
幸好呢日天氣清涼，唔會浸到成頭大汗，
一上水吹吹風對腳爽晒，我覺得爽過浸晒成個人囉~

我一上水，老公就畀人圍XD
雖然多人但沒有街市的嘈吵，仲添幾分悠閒~

哇唔怪之啦，超過42度水溫，
真係乜蛋都淥得熟@,@
有機會一定要去浸啊﹗﹗

繼續往上爬，諗住邊行邊去山頂纜車站~

然而係行錯方向既，不過錯有錯著，
買到正宗神戶和牛薯餅，呵~

入口竟然係甜的？係薯仔的香甜啊~~~~

認住呢個商標，就係賣正宗神戶和牛的保證~

就係呢間喇，我地食完就有咁多人排隊﹗

行行下，遇見貓~

連d貓都成個日本樣~

好掛住兩個女啊~~XD

見口渴，走去買咗支必飲汽水~

有咩特別？設計懷舊囉~XD
成個有馬溫泉周街都見到，飲咗就冇錯啦~
又係幾好飲，我連個樽都帶埋返港.......

別緻的招牌~

上完山又落山，再上第二個山......

搵呀搵呀搵廁所呀~

沿途遇見櫻？

其實溫泉洗手間都可外借的，
有需要就去咗先喇~

時候不早，我地依然搵唔到條正確的路去纜車站，
直至去返入口旅遊詢問處，
大使話行15分鐘到，are u SURE？﹗
(我連個山頂都望唔到喎.....)

成條馬路都冇人行，
唔通得我地搭纜車？
唔駛驚，原來真係要行車路的......

終於望見家鄉喇~~~係呢個站喇﹗

我認實你，你累我行到索晒氣......
喜愛行山的，玩呢條路綫一舉兩得~

索晒氣另一原因，係怕趕唔到尾班車....

睇下我老公，行到狗寶條脷伸....XD

文章開頭說過揀星期六來，
因為要夾番六甲山的登山纜車同巴士車程，
假日係會延長至晚上9點左右，
平日5點幾就閂，
如果學我地咁行完有馬先去，咁你送車尾喇~

行到索晒氣，綿羊歡迎你~

熊人都歡迎你~
請你繼續等下一班吊車。

呢架係吊車，唔係纜車~
由有馬上六甲山的，
你亦可選擇由六甲山坐過來玩~

買咗周遊券，就要畀車站叔叔記低日期XD

有印仔，蓋個先~

缺水到爆，買咗呢支，
我想話一落機就見到大排廣告，已經想買，
哇哇哇，九萬個好飲﹗﹗
係橙味的水啊~~~~~之後仲飲咗蘋果味 XD

吊車叔叔同你一齊出發，
沿途仲有詳細講解，但表情欠奉~
佢都攰喇....=p

掛住影相遲咗步，畀日本情侶霸咗個靚位，
如果你地坐，記得揀車尾，會看到有馬風景~

車廂好大，好坐過360~
但風景，都係香港好。

同對面架車d人揮緊手~~

眨下眼，到站喇﹗

出咗站，會有巴士夾準時間載你去六甲山，
我地盲中中又去廁所又要著衫，
出到嚟冇晒人，下？尾班車走咗？﹗

唔好自己嚇自己，都話星期六去到夜晚9點幾咯~

上車不到5分鐘就到，其實行都行到去~

山上氣溫極低，
一落車，凍到痴筋........記得著衫﹗﹗﹗

唔夠衫，唔駛行，好彩我帶齊頸巾同件衫有帽咋.....

呢度風景實在太美，
仲有少少似千頌e同都min津c咀咀果場氣的小王子場景﹗

咪講笑，再三強調真係好似入咗雪櫃，
睇我老公咁怕整亂個頭都肯自動笠番頂帽，
就知風勢有幾嚴峻XDDDD

凍到要搵防風洞，即刻剎入呢間精品店﹗

入到去，我雙眼發光~~

賣的都是手工精品、食品﹗

對眼好忙，銀包好危~

有人嘻眼象鼻敷眼包﹗

有有機朱古力~

兩層高，連樓梯都充滿希臘風，I Like!!!!

包裝超美的零食，是我死穴吧~

咁多都咁靚，買得幾多啊？

冷靜d，時值6點幾喇，掃完一輪貨即刻起程去食晚飯﹗

六甲山有幾間餐廳同cafe，
揀呢度，因為睇中佢有成排玻璃窗可以看到阪神風景~

入去前見到有神戶和牛就扑搥，
真係連食咩菜都唔知....

原來係食燒烤，哇~
叫杯啤酒先~

叫咗兩個Set，一個最平加一個最貴~
其實冇詳細考究，因為食完仲要趕去影夜景﹗XD

呢個係平Set，約3,000yen~

個爐未埋位就著咗，肉一上即刻可燒~
下面呢個係貴Set，就係去神戶唔食必定後悔的和牛﹗

為免唔識食的老公牛趙和牛，
我燒咗一片cheap野同一片貴野畀佢送飯，
食完佢話：唔~我終於知道你成日講住果句「入口即溶」係咩意思喇﹗

全個Trip美味之選第一位：神戶和牛﹗﹗﹗

坐響餐廳望住入黑，已經急不及待想出去影相﹗

但侍應提醒我地仲有個菠蘿雪皅未食XD
好大個，好好食﹗(我係得呢句咋=p)

星期六，都淨係坐滿窗口果排，究竟佢地點維生？

細心是，門口有除臭噴霧畀你喪噴，
即刻安心晒~

7點幾，入夜後外面仲凍﹗﹗

急步飛奔去附近的精品店避下風頭先~

店外有個露台都可以看到夜景~

呢度睇唔夠靚，要上燈塔﹗

上到燈塔向後望，就係我地剛才的餐廳喇~
仲見到個發光布丁~XD

嗱，鍾意影相的，記得喪影呀﹗
全個阪神夜景靚到無話可說，
現場睇，仲係閃下閃下﹗拍片應該更good~

玩到8點幾就要走了，尾班車呀﹗
為保險，我地搭尾班前一架~

等車期間入埋隔離間店望兩眼~I really LOVE Kobe﹗
下次要去神戶港~~再食和牛﹗

周遊券搭多程纜車同巴士，就功成身退~

搭巴士來到纜車站等候尾班纜車~

好有古老風~

睇下條樓梯，幾斜~

咁樣望落去，有冇d腳軟感覺？XD

我地揀咗最低一卡左手邊，冇窗阻隔，方便食風~

其他人都揀有窗位坐~

呢一卡就好刺激~
望落去，深不見底~

為影相，你可以去到幾盡？

衝啊~~~~~食風吧﹗

其實車速唔算好快，冇想像中咁凍~

我地包晒成卡 kakaka.....

準備捐山窿喇~~~~

好玩過香港個山頂纜車，好快又到站了~

真係好斜~

站都閂門了~~

急急趕去搭巴士落山~

轉車期間，去神戶三宮行咗個圈~

都係大概10點左右，似旺角~

掃街小食神身痕出動﹗

炸雞咩，呢度有﹗

260yen咋，廿蚊左右吧？
係咪炸粉問題，點解硬係好食過香港果d？

我地行咗入紅燈區，
原來路邊炸雞只係掩飾，轉個彎真係有雞叫.....XD

但點解中途又會有咁優雅的Cake Shop呢？

個禮盒包裝靚到好似愛馬仕咁.....
我就買咗一件蛋糕試=p

回程用了個幾鐘，身心皆疲啊~
返家路上看到明月，感覺好靜好舒服。

宵夜時間，甜品﹗

芝士蛋糕杯~
唔太甜，色香味俱全﹗

是日戰利品一覽：
老公買，送我一個，送奶奶一個，
士多啤梨茶+爆靚茶葉罐﹗

我也買了玫瑰花茶做手信~

風乾洋蔥片，好甜好脆好特別﹗

買滿幾千yen有得抽獎，
我同老公各抽一次，安慰獎都好開心，
因為包裝有心思~

買了海洋之深藍石手鍊，我一條、奶奶一條，
老豆的是磁石健康鍊~

和式包裝米餅送同事的~

響神戶三宮另一餅店，仲畀我發現咗呢個靚盒﹗
1,000yen不到﹗

入面有兩包甜餅餅，
但我看中的是這個盒，太美了吧？﹗

第二日，係咪睇相都覺得我地好奔波？
呢d Trip，鐵人去的......
Day 3待續~