26-11-2014 (星期三)
結婚兩週年，今年大家都請了幾天假，
打算來個沖繩小島Relaxxxx之旅!!
不過習慣chur爆爛玩的我地......
原來去到沖繩一樣hea唔到@,@
5日4夜no car自由行究竟會點玩？XD
回顧去年冇假放即日來回馬交遊：
今年轉了工，放假冇以前咁難，
去到機場，就見到自己公司間舖，好威威喎~
無論幾點出發，我都會去翠華食個B餐，
有脆豬，有炒蛋，仲有沙牛麵~ 過癮~
出遊必拍位置點都要畀個面~XD
等上機時見到架超靚機，不過唔係我坐果架~
來回兩程時間算不過不失，雖然唔係早機，
但睡到飽再慢條斯理去機場，感覺冇咁趕~
食飽上機的結果：你會覺得飛機餐真係好難食......
仲要畀舊嘉頓我....
去沖繩的好處是，
最適合我呢類超唔中意坐飛機的旅遊愛好者!!
個幾兩個鐘就可以落地，
真係帶埋一家老幼去都唔會好辛苦。
眨個眼就到，好多農田，好有小島樸素風味~~
落機第一件事去廁所，然後補水XD
沖繩機場細到嘔，雖然機程短，但冷不防等行李等咗半個鐘都有............
急躁如我的港人去到要有心理準備沖繩人做野真係好慢好慢。
如一早Plan好未來幾日會點搭車，
落機後記得去觀光案內所拎番本詳細地圖先好走，
連巴士坐幾多個站都show到畀你睇，
no car人士搭車唔駛怕~
----------------------------------------------
因為沖繩細，所以搭單軌列車由機場出市區，
都只係6至12分鐘，
我們的酒店位置在旭橋站，
堅係搭咗十來分鐘就落車，方便到不行!!
(諗起第一次去東京拖住行李轉地鐵再撞正放工的人流，沖繩簡直是天堂>.<)
做會計的老公算過度過plan過的行程實冇死錯人，
呢方面我絕對唔會過問同插手，投100%信任票XD
佢揀咗間離旭橋站只須10分鐘腳程的超新酒店：
Hotel Tokyu Bizfort Naha
出閘後沿著天橋走即可直達，店仔細細但十分舒適，
房間Size比東京、大阪的都要大，
幾百蚊晚，乾淨企理，值得推介!
仲要響正沖繩巴士總站隔離，想去邊都一定搵到車搭!!
5日4夜，我們只在這裏住三天，最後一天住Resort，
Check-in時竟然有禮物送，
住一晚可選三件，即係我可以選九件XD
梗係揀晒呢d旅行必備護膚品啦!!!!同埋一條綁髮橡筋~
(另外有浴帽、牙刷、牙線、mask等等畀你揀)
放下行李都已入黑，回個氣，換件衫，
就出發去國際通朝聖!!
由於初來步到唔識路，我建議別浪費時間，
搭3個站單軌列車直接去牧志，然後沿住國際通行番去旭橋。
睇旅遊書介紹國際通，影d相都好鬼核突，
我仲以為國際通係條又舊又老土的街，
親身來到後先知原來咁熱鬧新潮~
無目的無Planning咁走走逛逛，
率先就見到間寵物stuff小店，
入去走一圈，即刻要出血，
老公買了首份沖繩手信給兩個寶貝女 :)))
國際通基本也是平路，不過都有d暗斜上落位，
由牧志行番轉頭都幾舒服，
順便望下打後幾日我地要行的目標商店!!
作為卡樂B忠實粉絲的我，
再見到專門店已冇之前咁興奮，不過稍後都一定會來掃貨的!!
大前題是，我們肚子超級餓了，
所以當下目標係要去搵公設市場食晚飯~~
呢個街市的位置都幾蹺腳，
要行入商店街先搵到，但唔難找。
四邊四面都有入口，求其都貢到入去架~
睇咗不下數個沖繩旅遊特輯，有提過去到要食乜，
不過兩條友究竟食到乜？
仲要我老公係"唔熟唔食"果type....XD
去到其實已經唔早，好多檔口都準備收市~
人流甚少。
終於見到呢個必食推介：夜光貝，
不過......我地冇食XD
來到沖繩唔會溝通唔到，因為周圍都有大量疑似台灣人，
廣東話、國語都一樣行~
即使想買海鮮都冇難度，
呢度興樓下買完，再上樓上搵店家幫你煮埋食~
時間緊急關係，我地雞咁腳直接上二樓搵食!
點解日本的街市可以咁有特色咁可愛？？
不錯的攝影場景，但我已餓到冇mood喪影~ XD
食野為先，好多人好多人~~~~
見到合眼緣的店就好去等位喇!!
對我來說，未去過的店也是值得試，
求其一間都OK啦!
呢度係出名的遊客必去搵食地帶，
所以Menu乜文都有，唔怕唔識睇@,@
侍應都係乜話都識講的台灣人~
望住個餐牌同價錢，真係平到笑甩牙骹............
第一餐當然要揀沖繩傳統美食!!!!
刺身盛合......我地估唔到份量，叫咗個中，
都只係700yen!!!! (約港幣40幾咋嗚哇~~~~)
聞說去沖繩都必定要飲呢個牌子的啤酒~~
又係唔知一支有幾大，結果豪叫咗兩支@,@
街市食飯多數都要搭枱，不過幾好玩，
全部日本人包圍住你，
又可以八下佢地食乜XP
兩位阿姐竟然係叫中華料理，不過堅係香味樸鼻......
日本人先習慣的屈腳坐area，幾有風味~
店子超爆棚，好多客，
但上菜好快，唔駛點等~
燈凳，700yen刺身船包含咗五款刺身，每款足4片!!!!!!
港幣40幾蚊，實在太抵了吧??!!!!
好彩唔食生野的老公都幫我手食咗好多..........
唔係點食得晒啊？
沖繩特產豬腳麵線，超超超級好食!!!!!
隻豬腳軟滑到入口即化，令我至今回味~~~
麵線，留畀老公啦梗係XD
角煮，即係日本東坡肉 XD
又係超淋超入味~~
不過好肥，堅肥，如果冇其他餸，可以叫碗白飯送~
來到沖繩唔食苦瓜點能叫做來過呢？
我本身已超愛吃苦瓜，真係日日都要吃~
越吃越開心!!!!!
這個是苦瓜炒豬肚~
沖繩豆腐，點解炒得咁好食架................>0<
兩個人乜都想食，好彩每碟份量細細，
但都要出盡力先食得完~好飽啊~~~~~
呢餐飯，平到叫，
港紙200幾蚊咋~~~
我就係食呢間!
相信食飯高峰期，呢度都幾多人排隊下~
貢下個街市，仲要有咁多文具精品賣添!
竟然仲有相展!!!
古物展覽都有!
公設市場營業至晚上九時，
想食想逛要趁早!!!
行番落一樓離開，
沿路再睇下人地d舖頭，幾有趣~
任影唔嬲~
見到個大蛇餅，我個fd至驚!!! XD
望到呢堆商品，我第一秒就諗，
呢堆野係咪假既？淨係得個盒？
還是日本街市治安好得咁緊要，收舖都就咁擺響度？？
SO sad的港人思想~
離開了，商店街已冇晒人影~XD
還有好些未關門的店子可以掃貨，
豬頭小食，買個包裝都夠盞鬼，
我覺得幾好食XD 豬味蝦餅hahahaha....
沖繩的椰林樹影，之後幾日就會看到水清沙幼~
苦瓜健康拖鞋，本來真有想過買一對，
但唔平，同唔想拎~xp
呢兩款面膜我都有買來做手信呢!!
一盒有五包，每包有7片，抵~
國際通滿街大型食店，
但走過小街不難發現隱藏了小店，看似好好吃~想試!!
噢....真係唔識睇@,@
第一晚，我們都好忍得手，
冇乜點買野，但已瞄準目標~
飽到癲的我，唯獨不能抗拒雪糕雪糕雪糕!!!!!
恨食咗好耐的兩款味道，即刻試晒佢~~~
不用多說，好味到極點!!!!!! 不試後悔!!
苦瓜的確有瓜肉，甘甜無苦好清涼，
鹽味超爽好過癮，越食越停不了口，
十個推介~~~
就係呢間，響國際通旭橋果邊入口，
唔係連鎖大品牌，但比好出名果間更好食~~~
今次來沖繩，我幾乎冇去過藥妝店掃貨，
因為焦點已被當地小店吸引過去，
冇時間再睇d東京大阪都有既野，
別浪費時間為妙~XD
由國際通沿路行番酒店，要大約15分鐘，
當飯後散步~
11月尾已經充滿濃厚聖誕氣氛~~
女兒的手信，直至一個月後仍然未著XDD
回程時在酒店樓下的LAWSON買埋明日早餐~
DAY 2將會更精彩~~
密切期待Local Tour有幾chur~ XD
沒有留言:
張貼留言