話咁快又一年﹗
上年安排同老公去半島SPA慶祝生日，
都仲好似係前兩日的事.......
去年回顧：密謀老公生日大計
今年老公生日撞正星期一，
而星期日佢有佢去馬交睇賽車，
我有我同姊妹High Tea做Gym做facial，
唯有提前兩日先來個Pre Bday Dinner~
呢餐book咗9pm，因為得6pm同9pm場，我地趕唔切早場~
未夠鐘，響K11同太空人合照，
啱晒佢勁迷<星際啟示錄>何車....XD
想試呢間新彊菜好耐，就今次試啦~
因為，有表演睇，
當係老公的Bday娛樂節目 (噗~)
情調唔錯，暗暗地，裝修佈置都ok，
因為有訂枱，被安排坐在一角，
睇晒成個場~
張枱好靚，有個假兜裝飾，
老公話埋位果下睇錯咗以為用來打邊爐......
其實佢到呢刻都冇頭緒呢度係食乜既~咁先好玩啊~
坐下不久，送來一客新彊小饟包，
好彈牙，好好吃，
配上鵝肝醬，好味到爆﹗
另外個橄欖醬幾香，但吃不出味道~
我的芒果乳酪乜乜乜，唔記得，幾好飲~
老公的藍莓乳酪乜乜乜，唔記得，更加好飲﹗
點了菜，未有野食就有野睇﹗
睇唔睇到啊？係現場表演肚皮舞啊~~~
頭頂仲要頂蠟燭﹗
表演者左右包抄，跳得好精彩，
我的焦點都放了在她的肚皮上@,@
氣氛超好，佢地仲會隨時拉人起身跳，
好彩冇拉我出去......XD
我估佢晚飯分了6pm同9pm場，
都係為咗令任何客人都冇錯過呢個精彩表演~
欣賞期間已上了小食和串燒~
酥皮特選：包括芝士菠菜春卷、果乾牛尾角和吞拿魚角，
後兩者超好吃﹗
本想吃兩款串燒，但為了留胃試更多，
只叫了羊肉燒烤，呢個老公讚了無限次.....
因老公不愛骨，就捨棄了必吃的烤羊架呀呀呀呀....XD
駝峰肉炒露筍：其實覺得好殘忍，唔想試，
但上網check過功效奇佳能醫百病，
又是招牌菜，就此一次啦....
口感好爽脆，真係好好食，味道很似豬頸肉~
(呢度仲有兔肉同馬肉食.....很變態，唔駛預我~)
無飯不歡的老公，選了一客羊肉手抓飯，
食第一碗冇乜特別，
原來要整到佢變出好多飯焦，先係最好食，
但總括來說唔夠重口味，好清淡下~
以為睇咗一場已完，食食下飯又跳多場﹗抵晒~XD
中意影相的老公好buy~
門口的佈置已經好有feel，
一出電梯就好濃濃大漠氣氛~
剛才入座前，侍應會斟三次水同你洗手，
依足儀式咁幾好玩~
有興趣可以一試~
帕莎 Al Pasha
地址：尖沙咀K11 401
------------------------------------------------------
來到正日生日，大家都要上班，
唔緊要，夜晚繼續慶祝唔好畀佢停﹗
老公今日心情大靚，
係咁分享佢響公司收到的驚喜，
佢班同事又確係幾好玩，又好感情，
我地都一齊去過澳門兼約過出來食飯，
後生仔女好青春啊~~~
開心重溫：豪食窮住馬交遊
老公一見門口見到黑忟忟，就讚有情調~XD
其實當我早一個月前book好枱後，
有日lunch食飯時同事竟然帶我嚟咗呢度.......
都好，試食過冇中伏，仲好想試呢度的青口﹗
白酒煮青口，係我夢寐以求好想試的一道菜~
除咗影相影到凍咗之外，
味道好ok，青口超肥美﹗
唔掂海鮮的老公被我邀請試咗一隻即刻腥到佢冏面，
好彩點咗個佢至愛的雜菜湯清清個口XD
繼續無飯不歡的老公，點了呢個：
珍寶虎蝦黑松露醬意大利飯，
隻蝦歸我，我好滿足啊啊啊啊~~~~~
講真，我唔中意食爛飯，但老公話好食，
黑松露醬如果可以再香d就好~
主菜還有鵝肝牛柳，
一般般，冇乜驚喜，但鵝肝連牛食又幾香咁囉~
最後侍應捧咗個甜品出來，
響我老公耳邊講咗聲生日快樂，
個焦糖布甸係佢自己揀的~
d字好核突XDDD
(Btw，間餐廳係我響openrice book的，
可以寫埋你的要求上去，
我就寫咗話到時點甜品時叫佢寫上呢句說話，
去到都冇再提佢地都ok交到貨畀我~)
對我來說，呢d把戲真係小兒科到爆，
但老公已經十分滿意同滿足~
晚飯嚟講，呢度幾靜幾好坐，
但食物冇預期中咁好食，
反而食lunch ok dd，唔散叫食套餐平好多，
份量看似好少但食落好飽，
飽得嚟卻又好似唔係好滿足(到我)~
book咗位會打來double confirm值得一讚，
但侍應好幼嫩，好稚氣，
虛有好grand的環境卻跟服務個level唔match~
幫我地影完合照的後生仔仲忍唔住撩我老公傾相機經XD
最後不禁講一句：壽星今日果然特別靚仔﹗
老公I LOVE YOU FOREVER~~~~<3
期待出年有更好玩搞作﹗
OKAPI
地址：尖沙咀赫德道8號地下B
沒有留言:
張貼留言