22-02-2015 星期日 (年初四)
是日目的地：高山
呢日我地會執一日行李離開名古屋，
直接在高山住宿一晚玩個夠﹗
由伏見出發搭一個站地鐵到名古屋站，
然後在這個大站買車票，
連我呢個唔係路痴的人見到名古屋站頭頂的指示牌，
都覺得頭暈眼花.............@.@
首先，去找這個售票處，
我們購買的是：レール＆奥飛騨バスコース (2人用18,310yen)
越多人一齊買越著數~
慌死搭唔到車遲咗玩，
兩個豬丙早咗大半粒鐘就去搵入閘口......XD
去搵JR高山線，閘口外是可以看到電子板顯示的，
(---->特急，飛彈古川，11號閘口)
確定後仍怕入錯閘，
不妨去找閘口職員再確定一下，
反正這種票必須找票務員蓋印的，而不是用入閘機~
(買套票的話，必須與一同買票的友人一起同行才適用，
即不能一齊買，卻前後腳出發)
因為太早入閘，11號閘口的顯示還未轉換，
不用淆底，上月台等就是了~
9:39am出發，9:03am就到咗.....XD
唔緊要，月台有間便利店，我就逛咗好耐順便買埋早餐~
套票包劃位，所以兩個多小時的車程保證有位坐~
記得響月台搵番指定席的車卡等候，
如果發咗夢，架車埋站時你就要周圍搵~XD
(當然，上到架車你都可以逐卡逐卡咁搵番個啱的車廂既......)
指定席的座位十分寬敞舒適﹗
坐兩個幾鐘都唔辛苦~
睇睇剛才購買的套票，
2人份有咁多張..........@,@
除咗包括二人來回程劃位車票，
還有旅遊景點的消費優惠，
例如溫泉、特產的消費著數等~
拜拜名古屋~
請務必買定美食先好上車，
因為坐咁耐車真係會好肚餓~XD
遇正星期日，全車爆滿~
今次的旅程會花上大量時間和旅費搭車~
好多人問我點解唔自駕遊，
一來我們都沒有車牌，
二來，我無法想像連火車都要坐兩個多小時的車程，自駕去是不是花上半天？
再說，我和老公總是手機、相機不離手，
若要吉出雙手駕車，
就不能時刻拍下美景了~
最重要，是自駕不可以上車即瞓...........XDD
所以，坐JR也是個難得體驗，
相比自駕遊輸入地址就可跟著GPS去，
自己搵資料搵路買飛再搵月台搭啱車，
其實仲難!!! 太有挑戰了吧？Orz...
瞓咗場覺、食埋早餐、看看美景，
就到高山﹗
沿路看見雪堆愈來愈多、愈積愈厚，
就十分興奮!
落車第一個動作是踩踩雪，
然後來個自拍~XD
我們沒遇到落雪，純粹積雪+溶雪中~
因為沒有風，所以不算冷。
影到人人都出晒閘，
我地先慢條斯理搵方向~
一出去，就見到觀光案內所，記得拎d啱用的免費地圖~
毗鄰有個小小的飛驒牛肉包小檔，
我..............忍住先~唔食住~XD
應該急的，係去隔離的濃飛巴士買咗第三日去白川鄉的車票先!!
好容易找到售票處~
因為去白川鄉的遊客一定多，
但每日去白川鄉的巴士唔多，
一日幾班之內，大概有一半班次是for預先購票的人(網上或電話預訂，全日語)
所以對於我地呢d無法預訂的人來說，
就要即場買，同人爭~
雖然有blogger表示，
濃飛巴士會因應搭車人數而增加巴士數量，
但為穩陣起見，早d買到飛都係求個安心.........
順利買到就得啦!!
套票again，包白川鄉的合掌造民家園入場券，抵!!
買完飛，出去望下等車位置 (4號)
再望埋個發車時刻表，
咁聽朝來到就唔駛盲中中搵餐懵啦~
購票大作戰告一段落，
接下來第一件事梗係搵酒店Check-in~
老公book的Washington Hotel Plaza距離車站僅5分鐘路程~
房間唔算細，
住過最細果間係響大阪......XD
留宿一晚姐，求其啦~ 反正聽朝有節目，要4am起身@,@
btw，我覺得張被好似排朱古力咁吸引~XP
放下行李休息一回，
我們再度出門，向高山古街進發!!!
酒店望落去就係車站~
第一次見到咁污糟的雪~
一出酒店門口就有幾家食店，好方便~
街口就見到濃飛巴士站~
轉右直行十來分鐘就可直達古街~(古老的街道...)
酒店樓下就有手信店買野...........好方便~
星期日，店舖唔營業？
朝日軒，竟然係間理髮店!
好Vintage的招牌，正啊~~~~
雖然是條普通的街道(未到景點)，但我已經好中意~~
呢間食著名飛驒牛的，睇下門口個餐牌咩價先~
完全唔貴!!! 2000-4000yen已有個Set!
唔駛急，我地自有target想去的食店~XD
呢條普通的路，都影咗唔少相.....
賣燒餅的小店，勁昭和feel啊.........
屋頂的積雪很厚，好美~
空氣好清新，少少冷，好舒服~
開始見到貌似旅遊點的小店~
好多人掃街啊~~~好吸引~
但一心想去食咗lunch先的我，竟然冇幫襯，十級後悔!!!!!
(之後解釋點解後悔....)
過幾條河就見到古街，但並唔係入口~
勁肚餓的為食鬼，梗係專心一意搵食先!!!
見fb有朋友推介壽樂久的飛驒牛超好食，
我就即刻GO GO GO~
飛驒牛及朴葉，都是當地知名美食~
牛牛牛牛牛...............(雙眼發光)
這是間小小店，進店時只看到一枱兩位日本人在吃~
大愛~~~(只要不再遇到香港人和大陸人就是bonus)
膠袋包著的熱辣辣抹手毛巾仔~
裝修很正吧~
我就是愛舊舊的感覺~
美食來了~~~
這個是我點的：飛驒牛朴葉麵豉乜乜乜定食~ 3200yen
好豐富!!!!
牛肉上枱時是生的，要自己動手燒~
還有很多菇~
柚子汁(我估)刺身沙律，
有肥美帶子、甜蝦、魚生等等~
這是老公點的：飛驒牛乜乜燒定食.....(恕我唔識打日文XD)
Grill好的，牛扒樣，
也包括刺身(這個沒有汁)、沙律、前菜、麵豉湯各樣~
牛肉的份量比我那份多一點，
但我們一致公認，我的即燒牛最好吃!!!!!
後來發現，這家飛驒牛是5級的，
是最高的級數，難怪好味到爆晒燈~~~~(好回味....)
同老公食日本菜好著數，
佢唔食生野，
兩個餐，四隻勁大甜蝦，全歸我所有wohohohoho~~~~
食啦你!!!虛擬下補番數~XD
食飽飽，出發行古街：上三之町
這裏是高山市內最古樸的地區，由一之町、二之町和三之町三條小街組成，
上三之町最古雅和熱鬧~
雖然也是一條商業街，
但兩旁的古式店舖和木建築，至少都有300年歷史~
四周被濃濃的古舊氣息包圍，很有江戶時代感~
這家賣香薰的店子(不是精油，好似蚊香那種)
來回經過兩次也被門外點著的香氣吸引，
但家裏有貓不能點所以沒進去，
免得看中買不了，仲咬牙~XD
你有看錯是凹凸堂嗎？XD
好期待內裏賣什麼，原來是賣精品首飾的~
屋頂的厚雪很美，但其實非常危險!!!
因為正在溶雪，所以掉下來是可以奪命的......
我們拍照時就試過旁邊塌下一大塊，
巨嚮就似冧樓.....@,@
商店內庭院景致，白茫茫一片~~
好想買的護膚品~~
老公話似我的公仔...XP
逛了一小段古街，就往外圍探索，
順道看看古街以外的更多景點~
慢慢逛的話，一天也逛不完~
好愛這裏的景色!
好Vintage的眼鏡店招牌啊~~~~
下一站：高山陣屋
300年前，這裏是當地政治權力中心，
是日本至今唯一僅存的江戶幕府時代官方辦事處遺跡，
日本指定國家級古跡，好巴閉!
這裏要付入場費，我們也因時間有限所以沒進去~
如果想看看當年政府的糧倉、拷問囚犯的刑房或藩主的房間，
都可以入去睇下既~
抓緊時間，繼續回頭行古街!!
高山的木板畫印刷非常有名，
小店用木板畫印刷的布縫製成各樣玩偶，
12生肖一應俱全，一見愛上!!
還有用紙製成的玩具，每一面都印上精彩畫作~
好忍手地我只買了兩件....
想知係乜要睇到最後~~XD
單係睇旅遊書的介紹，
我已鐵定愛上這裏，因為夠舊!!
手工精品布藝香薰等等之餘，
當然不缺我最愛的美食~~~
但真心一句，愛吃之人最好見一間食一間，
別理是否會走回頭，都要食咗先算，
因為高山的居民真係日出而作日入而息得好緊要，
即製美食賣晒就收檔，5pm啦，你就掃唔到街架喇.....T.T
好彩，食到個勁爆好味的飛驒牛肉包!!!!!
9.5粒星!!!
我都係求其入一間，見到即買~
刻咗字成個包高級咗~XD
搣開真係熱辣辣出晒煙~~~足料!!
呢間門口有雪糕？唔食住，我已有另一目標! keke~
不過響度買咗柚子蜜和藍莓蜜~
即燒煎餅，興趣不大...(竟然)
因為喉嚨痛中....XD
其實出發前兩公婆輪流病到tree gun，
我頭三日仲帶住藥食咳到甩肺.....
唔理喇，咳到甩膶都要試呢個100%生乳雪糕~
茶乃芽是高山唯一一家堅持用純生乳整雪糕的店子，
抹茶亦用上最高級的抹茶製成，
抹茶控唔試失職!!
(不過呢，我覺得Citysuper果間的抹茶味的好濃，濃過呢度)XD
猴寶寶，望慣咗都OK cute~
由街尾行番出街頭~
好灰，諗住掃餐勁，點知d舖4、5點就打烊 @,@
冒著微雨去下個景點：高山昭和館
好失策，冇留意開放時間，
搭正5點來到遇著人地收檔..................
聽聞入面有兩層高，要畀入場費，
有昭和時期的舊課室、民家擺設睇，
好中意啊~~~唯有寄望有機會再來hehe~
幸好，臨近關門都畀我地響閘口外面影下相，
呢度唔駛收費，仲有間微型零食店~
堅係有舊懷零食買喎~~
門外亦擺放好多古董玩具任人欣賞~
喜愛夜蒲的香港人最好有心理準備，
呢度d人舖頭真係5、6點就收~
但仍有好多食肆是晚上營業的~
飛驒太
飛驒佬
美麗的宮川，川流澎湃~
逛到累，也下著毛毛雨，打算先回酒店放下戰利品，
稍作休息再去晚飯~
在宮川附近遇到這家賣五平餅的小店，
比起商店附設的counter，這種自家小店更得我歡心~
整個氣氛都很有味道，
買了一支小丸子串支持支持~
只是80yen，十分好吃!! (醬油味、口感軟糯)
回酒店途中只是晚上七時多，
看看冷清的街道，以為是十一點......@,@
晚飯時間，再度出擊!!
毫無頭緒下選了一家在旅遊書推介的：松喜壽司~
先看看門外營業時間的牌子，
確定開到11時就推門內進~
入座不是太順利，
因為只懂日語的他們嘰哩咕嚕很焦急的樣子，
我們幾乎以為店家不做我們生意要收舖了~XD
原來，他們說只有SET Dinner可選，
不能散叫order了~
對有選擇困難症的我來說，冇問題啦~
三選二，就算了一和三~
份量最大的壽司套餐，以及飛驒牛!!
壽司店由兩父子經營，
店子在祖父年代時是間賣魚店，
所以現在仍會每天直送新鮮貨，刺身和壽司必吃!!
我想話呢塊超級肥美的拖羅，
真係入口即化..........化到只溶喺口.....Woo...
(老公唔食生野我又可獨享hoho)
張紙一滴油的冇沾上的炸天婦羅，非常有功架!
放了好久也很脆很好吃~~~
最愛的茶碗蒸，有帶子和大蝦在內!!
還有蟹腳麵豉湯，好豐富~
老公點的飛驒牛，是和午餐不同的吃法，鐵板~
若說神戶牛入口即溶，
飛驒牛就是入口即爆!! 爆到一口肉汁~
yummy!!!
仍在咳的我，點了杯柚子雞尾酒~
去居酒屋唔係唔飲呀......XP
老公點了暖清酒，甜甜的原來幾好飲!!!
大滿足了吧？
偶然發現這裏的牙簽盒好精緻! 好想買一個~XD
連茶杯都是自家設計，有埋電話號碼!
已經諗住著鞋埋單走，
好健談的(疑似)老板立刻留著我們，
說還有雪糕未來~ :D
他知道我們來自香港，就笑著說了：好食!
最後更送我們出去，看似想目送我們離開一樣~
餐飯，值晒~
晚飯後也沒去處，慢步回酒店~
轉個彎，就是有千年建築歷史的國分寺~
是日本重要文化財產之一，
晚上看更莊嚴宏偉!
和七時多的街道沒兩樣，仍是人影唔多隻~@,@
是日手信：
飛驒牛肉乾、沙樂美腸~ (十級好食!)
蜂蜜，柚子味是王牌，喝過喜歡才買的~
手藝一流的木板印刷小綿羊~
老公買的是貓咪~
相比首飾、擺設，我更愛手工藝品~
印出來的圖案，好美好可愛，
女孩如我？還有貓!!
飛驒牛薯條，佩服....! 堅係有濃濃牛味喎~
飛驒牛乳酪.........還以為是牛奶，
但一樣美味~
便利店一大堆的零食，和明天的杯麵早餐~
芝士咖哩杯麵味道超濃郁，好好吃，
香港也有賣，但貴好多!
令我想起了堂島卷的蛋卷，
賣相9.5成似~
味道與堂島卷有得揮，
只是少了一點奶味，
價錢卻差一大截，起碼便宜一半!
宵夜吃完了，
Day 3要凌晨四點起身，
究竟為乜？？
我也好期待快點寫好 Day 3啊~~~
Day 3要凌晨四點起身，
究竟為乜？？
我也好期待快點寫好 Day 3啊~~~
沒有留言:
張貼留言