2015日本中部之旅 Day3：宮川朝市、白川鄉、名古屋

23-02-2015 星期一 (年初五)

來到第三天，行程一樣緊湊，
瞓得三兩個鐘，我凌晨四點就彈咗起身梳洗預備~
好凍好凍，高山市的清晨大概是零度以下吧。
究竟搞乜？陣間揭盅~

先來個頭盤：撥著大霧默默地在覓我的去路......

很寧靜的早上，六時多吧~
人影都冇隻，空氣其實好清新~

向市內進發，途經昨天經過的國分寺門前。

門外巴士站......你看見那張長凳嗎？

階磚地圖永遠吸引~

來到路口了，好澎湃的川流~

是守護神吧？

其實.....幾驚嚇 >.<

對面也有一隻~

這是昨天來過的宮川，
沒記起可回 Day 2再看一次 XD

怕熱的我好耐冇試過凍到爆住粗衝入便利店買暖包，
全年呢日我著得最多衫，戴完冷帽再笠埋羽絨頂帽......@,@

究竟咁早起身仲要咁凍，係去邊度？
就係呢個：宮川朝市~~

所謂朝市，即是早上營業的市集，

高山市內最出名的朝市就有兩個：

1) 宮川朝市 (規模較大)

2) 陣屋朝市 (規模較小)

我們先來了宮川朝市，就位於宮川旁邊，

被譽為日本三大朝市之一，

所以出發去白川鄉前都要先來看看~

因為睇資料睇漏眼，朝市攤檔在冬天時會在7am開始，

4月起才回復6am開始，

幸好出門前老公響酒店上網望多次，

先冇早咗一小時出門食風咁豬.....XP

聞說早在幾百年前的江戶時代已見宮川朝市的雛形，

來到今天，攤檔商販有數十家，

售賣的包括自家手作、農產品和食品，

有的更已經營了四、五十年!! (即是朝朝都要六點開檔？@,@)

可惜這天也許天氣太冷，

小街還比較冷清，相信八時過後應該會好熱鬧!!

好喜歡這裏，賣的都以自家製居多，

比起上三之町的商店街，這才是我杯茶~

考慮了一陣子，也是沒買下這株可愛的猴寶寶桃花擺設，

不知怎樣帶回去.....怕弄斷~

鋪著雪的宮川，優美而具氣勢~

將個trip所有禦寒衣物也穿了上身~

行過這家賣木製品的小攤檔，已駐足不想離開~

寫這Blog時翻看資料，

才知這家“一位一刀彫”是飛驒地區出名的木工品，

主要生產地正是高山市!!

所有木工品都是用上紫杉製成 (日文學名：一位or櫟)，

內裏的年輪非常細緻~~

師父會利用木材原有的色調、特性，製成各種花紋的工藝品，

每一件都沒有添加顏色染料，可謂純天然製作~

製品全一體成形，甚考手彫功架!

難怪我當時已一見傾心，

選了一樣又一樣.....

光在這個小攤檔，我就花了6,000多yen~

支持支持自家創作!! (戰利品文末揭盅)

天愈亮，愈多朝市販子駕車前來開檔，
而街道另一旁，也是一些精品手信店和食肆~
因為外面太冷，這家店的老闆特地請我們喝熱茶，
我們也順道入內看看，
最後看中一個猴寶寶皮革散銀包，老公爽快買了送給我~:D

人生，有多少個清晨會咁神心同你的另一半逛朝市？

其實旅行得到的、學到的，
都會令你意想不到~

趁有氣有力、能夠負擔，

兼能騰出屬於自己的時間，

就好去多d旅行，增廣見聞~

但最重要的，是後生細仔不要跟團，
除非你喜歡走馬看花、不愛探索和冒險，
而且覺得畀貼士導遊不肉赤~XD
當然，想輕輕鬆鬆唔駛煩有人照顧三餐plan好行程同你翻譯或有老有嫩去旅行，
我還是建議別自找麻煩，跟團好了~

不然，你定會錯過很多美景、很多時刻、
很多屬於你和旅伴的美好回憶~

又回到昨天熱熱鬧鬧的古街上三之町，
所有店舖還未營業，
若然預算要來這裏，緊記把握黃金吃喝玩樂買的時段﹗
10am-4pm，包冇錯，
一定可以大掃街!!!!

穿過古街，走過河川，
我們向另一個朝市進發﹗

範模比宮川朝市較小的：陣屋朝市~

這邊佔九成攤檔都賣吃的東西，
自家種的水果、蔬菜，
自己醃的漬物，還有用高山蘋果鮮搾的果汁等~

可惜旅程中的我們未能買到什麼輕便的東西~

但能夠在這個古老朝市遊走一下，
已覺得很榮幸，很不錯~

真的很愛這種既地道、又平民的感覺~

逛完兩個朝市還不到九點，
但我們要回酒店Check-Out，向下一個重頭戲進發!!
沿途竟然見到自己~XDD
她的名字叫：飛驒山娘~
卡娃依ne....

計劃乘坐9:50am那一程，

趁還有時間先去便利店買三文治，

去到車站只是9:10am左右，已經排了小小人龍~

記得早一天好記低發車時間表，

看清楚哪一班是預約制或非預約制~

不然走了車要等上最少一小時!!

坐了上車可大覺瞓，

由高山到白川鄉約需一小時車程~

由明淨的景物，變成大霧紛飛，甚有闖入另一國度的興奮~

到下車時，又出大太陽~

天氣真好，好感恩!!

眼前第一座合掌屋，是這個~

手信店吧，但我沒內進，這不是行程重點XD

梗係去咗睇合掌村先，就在車站旁邊~

合掌造り民家園，
內裏一共保存了25間完整的合掌屋，
是把已經廢棄的村落重新整頓，
將幾個村落的合掌屋整個遷移到此，
開放給遊客參觀~

入口~

陽光灑落在雪地上，光線很美很美~~

這個景點是要收入場費，

但我們買的套票已包括在內~

在售票處換來兩張優惠券，

看了英文才知道是吃的，合我何車~~

日光高照，完全不覺冷，

手套都脫下了~

牽手踏在雪地上，還是第一次~

軟綿綿像雪花冰，好好玩~

愛玩的我玩個不亦樂乎!!
但小心忘形了會凍傷手~XD

怎樣拍都美~

很多合掌屋都幾乎開放給你進內參觀~

這個模型清晰展示了合掌屋的建築結構~

還是回到雪地開心~

幾次旅行都發現頸上掛著相機，
就很易引得日本人向你搭訕，
這兩位日本Uncle就主動前來打招呼，
就此打開話匣子~
知道我們從香港來，立即說了一句：Happy New Year~:D

又進了另一家房子，這次要脫鞋~

呈現了以往大戶人家的大客廳~

上二樓好像有難度XD

我又點會唔敢上？

不等老公就自己走上來，一個人也沒有，
四周擺放了古時人家的生活工具~

二樓窗口望出去的景致~

原來還有三樓~

這條梯感覺更脆弱 @,@

趁冇人，我又闖了上去~

這個三樓地板 (二樓天花板？)，

我實在覺得自己有潛力踩爛.....XD

這間屋肯定有幾萬呎吧？

上山容易落山難，
望番落去，我個心有點離~XP

難得一見的合掌屋屋頂建築!
來白川鄉必看這個~

老公隨後上來與我回合，
我卻早他一步先爬樓梯下去....XDD

望上去，睇你點落嚟! XD

畏高的，要克服一下~

係咪掉返轉個人落會安全d呀？

到二樓落一樓，一樣刺激~

遊覽一圈也值得~

臨走前，門口見到個古老屎坑~
睇完有d急....

幽默的遊人，砌了可愛的雪人<3

連渠蓋都刻有白川鄉字樣和小畫~

因為好些屋都要先脫鞋方可內進，
所以我們也不是每間都入~

四處走走也很夠皮~

看到厚厚的雪，忍不住去蓋上一掌~XD

竟然見到個仲無聊過我的人 @,@
係咪拔得番隻腳出嚟架？XD

真正的雪之森~

白川鄉之鏡..........

簡直謀殺SD Card....

差不多行到尾聲，

找到這家終於有人的屋! 真係煲緊滾水啊~

有免費熱茶供應，
也有好吃的東西賣~

我已一支箭標咗去買~XD

很美的家~

可以坐在這裏小休一會~

有紀念品發售~

燈凳~~~就是用入場時拿到的優惠券買的，
熱辣辣紅豆年糕湯~~~
原價200yen一碗，有券半價~

好暖，好甜~

真的有婆婆走出來煲水~

喝完了，暖晒~~

吊住個煲果條魚，好精緻啊~~~

不過煙真的太大，
恕我直言，好似拜山咁，我標晒眼水.....XD

快快看完就要撤退~

成身成頭都有陣煙味呢~~~

踏出屋外清新晒~~~

不到幾步見到對面呢間屋，原來有乾坤~

突然彈咗個攝影師出來，指手劃腳叫我們企響呢度~

一秒就畀佢影咗張相，
但這張細的竟然是免費~~~

都唔爭在買埋張大.........當留念吧~^^

相框亦很精美~

回到入口處，拜拜了~

印印腳，不知何時會再來了~

離開民家園，是時候上眺望台去~
繞過停車場再過一條長長的橋~

兩旁鋪上薄雪的山脈，美不勝收~

入了村，這條是真正的商業村吧~

小商店林立，但設計造型裝飾也可愛~

滿街日式畫作，日本人是不是都滿有童真？

離遠看見一戶的窗子，是心形框!!!

這裏有沒有合掌屋呢？

有是有的......

行行下，咪住，見到我響高山錯過了的飛驒牛薯餅!!!!

秒速衝上去，終於如願食到~~柯依C~~~XD

繼續找上山的路~

其實這邊也有幾個收入場費的合掌屋供遊人內進參觀~

不過去一轉民家園已夠晒皮~

而且天色漸暗，要加快步伐上觀景台!

又見到小雪人~有神韻!

其實我們先是走了一條錯的路，
如其說錯，倒不如說本來能上山的一條樓梯，
卻被積雪掩蓋了，我們走漏了眼，
因而直走了不對的斜路.......

幸而有第二條在村內的斜路也可以走~

不過，當我們去到路口時，

好灰咁見到：通行禁止四大字!

我們的選擇是：不上後悔~
反正也看見遊人在同一條路上上落落，
天也未算黑，一於GO GO GO!!

第三隻雪人，這個好趣緻~~

走了大概十多分鐘，來到第一個拍照點~
我想話，可以的，都係搭車上嚟好d.......
因為山路都幾斜，行到我索晒氣而引致喪咳~XD (<--未病完)

但見到個景，咳到甩膶都值~

又通行禁止，但冇人睬佢.....

繼續行上去再轉個彎，先到真正的觀景台!!!

有關單位搭咗個棚幫人影相，
保證無遮無擋，但我地冇去影啊~~

自己迫埋人堆影就算~XD

鬼死咁多大陸人同香港人.....

本來諗住搭車落山，

但以我地心急的個性，連排隊等車都唔想~

結果還是原路行番落去，慢慢睇下美景~

今次見到的雪人已進化到一家四口!!! XDD

太盞鬼了吧？

落山後都冇乜時間食野了~
(成個下午只係食咗果碗紅豆年糕湯.....)

有乜辦法，相機食先更重要 XP

沿著商店街出番條橋~

遠望的是民家園呢~~

左邊右邊都是看不盡的靚景!

過埋條橋，就進入白川鄉之旅尾聲了~~

這些可愛的合掌屋，拜拜嚕~

為保險，我們選乘尾二班次的車，

仲早咗半小時去排隊，已經咁既狀況@,@

排隊好似好混亂，但問過旅遊中心的服務員，

她們表示搭任何車的人，都是排同一條隊的~

順利登車，再見了漂亮的白川鄉~~~~~

一小時多一點，就返回高山市，
第一時間梗係醫肚先.............

5點幾，先食LUNCH!!! Orz...暈

揀間近酒店的，有開就入啦!

應該是家庭式食店，

四周清楚貼著：買東西先去櫃檯付款，再自己斟茶之類~

表明自助式，沒有店員得閒理你~XD

入到去，呢張大枱就傳來嘈吵的廣東話，唉.....
其實我覺得好失禮，點解講野要咁大聲？

講番小店，都幾特別，
餐桌一角擺賣著小店產品~

救命烏冬來了，好普通，但世紀咁好吃......

終於洗洗一天的疲憊~~
老公還買了一罐七味粉~

就是眼看這麼大，堆港人走晒，即刻平靜番~XD

出到門口，吓？閂咗門喇？6pm都未到啊.......

高山人的生活果真是朝八晚五，
身心都應該好健康，仲一定有足夠的家庭生活和休息時間!!!

快快返酒店拎行李，要搭車返名古屋了~~

猴寶寶byebye~~

用埋呢次，套票功成身退了~

月台景色都很美~

坐番兩個多小時車，睡個靚覺，又返到人多擠迫的名古屋~@,@

返酒店放下行裝，休息一會，

就出發晚飯去~~

幸好酒店樓下就有間山哥雞翼kekeke~~~

 

食過香港果間，我唯一總結是：只吃雞翼和啤酒就夠~

來到名古屋，冇奶油唔食一次呱.........

同香港看到的陳設都幾乎一樣 (枱上面果d)

筷子套也一模一樣~

老公冇咳可以來杯冰凍啤酒，嗚嗚.......

我連凍飲都唔敢叫，唯有影下豉油....XD

第一道菜來了!!
係響深夜食堂見過的小紅腸，哇哈哈~~
呢個，超超超級好食，腸仔彈牙又有少少煙韌，
點解咁得意既？？？？

不能不吃名物~

雞翼!! 因為老公唔食翼，我只能點小份的，

麵豉味噌？記不起什麼味了，

相比辣果款，呢隻鹹咗d~

雞肉丸，ok喎~

豚肉棒，醬汁好濃~

炒什菜，好好味~~有雞腎在內的啊~

炒飯，
普通一個炒飯竟然咁好味？？

總評：全部食物都好好味，

全部可以再吃一次，香腸要食十次!! XDDD

連抹咀張紙都有山哥嘜頭~@,@ 極至...

居酒屋，通常開到凌晨~

好多簽名板喎，但唔識睇係邊個名人呢~

睇下店員幾鬼馬，舉晒V畀我地影~XP

日本到處都有好多印仔畀你蓋印留念，

估唔到連山哥都有，

但今個Trip好失策，竟然忘記帶本簿仔響身! 哎....

唔去名古屋，香港都食到，
但除咗雞翼，我覺得其他野唔夠好食~

食飽飽，例牌要去便利店散錢作結~
咁先係完美一天~:D

宮川朝市戰利品：

橡果子皮繩頸鍊、耳環、叮噹啷啷、牙簽盒~

上面一個紅色包包，就是老公送的那個~

實在已算好忍手......

牙簽盒的確好鬼馬，
個啷啷，竟然畀我隻貓睇中咗，
睇下佢幾貓視眈眈~XDDDD

夠皮了吧？

鐵人一般的行程............回顧一次我都覺得對腳好攰.....XD

行程仲未完啊!!!!

Day 4再見~