10/4/2015 (星期五)
熊本天氣陰晴不定，
昨天頂著大太陽，今天要撐起雨傘~
在熊本最後一天，嘗試一下酒店免費供應的自助早餐!!
一出大堂就是食堂，也是第一次見~@,@
大堆人群吵吵鬧鬧，當中聽見了熟悉的廣東話.....唉~
唔駛估都知係來自香港的中學生，
來日本作“文化”交流~
8:30am就落去食了，無須任何證明就可以坐下來吃，
沒有服務員，全程自己招呼自己~
簡單的自助式格局，
款式選擇雖少，但一定夠飽~
飯也有三款，有味素提供，
還有數款漬物醃菜，新鮮蔬菜沙律也不缺~
竟然有雲吞湯，呢個有驚喜~
一人一盤，開動~~~
去親旅行，朝早都特別開胃，
食一轉唔夠，加多碗飯，
第二輪出咗南瓜沙律添，堅好味過香港日本超市買果d.....
食完請自行收拾及清潔枱面~
分晒類，唔係文盲一定識處理~
除了熱茶，也有咖啡機任你添飲，
幾百蚊港紙一晚又近車站又免費早餐免費咖喱飯供應，
唔理你欣唔欣賞中唔中意食，事實真係平靚正啦!!!
食飽都係9點幾，返上房拎行李落嚟Check-Out埋，
就出發去玩~
由於有朋友提醒我，去熊本一定一定一定要去100Yen店掃貨，
所以我趁搭車遠遊前，先去車站商場的100Yen店朝聖!!!
哎呀......因為太早，未開!!!!
唔差在等幾個字.....搭正10am開門~~XD
雖然香港曾經有十蚊店，如今已變咗十二蚊店.....
呢邊買一件，為起只係港紙六個幾，
唔掃就笨!!!!
仲要熊本的100Yen店，有熊本熊貨品呢~~
睇番相片紀錄，我足足響入面迷失咗40分鐘...@,@
最後當然滿載而歸!!
買完去車站售票處，
預先買下午返回博多的新幹線車票~
有時間揀，有得劃位，買咗穩陣d~
就響地下果層，熊本熊手信店對面，呢度買~
搞掂車票，就去隔離搭JR，
第一站：水前寺成趣園~~
其實搭市電(路面電車)一樣去到，
但要搭十萬九千個站，
就算有時間玩都唔駛咁浪費，
搭JR再轉番市電，快成倍時間!!!!
JR入閘後有好多食店，月台都有好幾個，
千祈咪行錯~
me me mo mo都搞到成11點....
不過呢個早上都係得一個景點，慢慢啦~
呢款車廂未坐過~
響日本搭車，有時真係以為自己去錯時空，
果種寂靜就好似自己明明生勾勾，感覺卻似與世隔絕.....
影下戰利品先~~~真係好鬼歡欣~~XD
好快就到站，新水前寺下車~
說日本是個卡通世界沒錯，哪裏都有可愛公仔~
出站後人在天橋上，
睇清楚出口去搵市電車站~
部長無處不在.....
離遠已經見到車站了~~
行落天橋唔駛淋雨就搭到車!
即到即有車，幸運~~
呢架車廂特別靚，好豪華~~
水前寺公園下車~
雨唔細啊~~~我要真撐傘!!!
睇地圖，成趣園似遠還近，
由車站前往有少少曲折~
過咗呢條斑馬線後向左行，去到第一個街口再右轉~
會行咗入條小街，冇乜人氣，一直去到尾後，
就會見到右手邊有個鳥居~
初頭冇為意下，我地行過咗，仲越行越遠，
feel到唔對路~XD
開番GPS，原來成趣園入口就響呢個鳥居內~
經過鳥居，是一條勁懷舊古老的小商店街~
腳一踏進來就睇到目標.....
有時日本的扭蛋，都係個不錯的手信選擇~
落雨濕濕，人影都冇隻~
見到間商店，我地又嗌晒救命了....XD
哇..........好多熊本熊精品啊...
又係從來未見過~
點解熊本熊的蹤影可以遍佈九州不同角落？
點解每一家商店，都有不同款式的熊本熊商品可以買到？
有趣興了解，看看以下我在網絡新聞找來的資料：
熊本熊(Kuma-mon)於2011年3月誕生，前身是日本九州新幹線全線通車後，用以推廣熊本縣而設計的吉祥物，同年在地方吉祥物大賽奪得冠軍，此後人氣有增無減。熊本熊獲縣知事任命為「熊本縣營業部長」，負責宣傳熊本縣的旅遊景點及特色產物，除了在日本全國，甚至港、台等地出席展覽會，以及在電視節目中現身外，熊本熊亦與商戶合作，推出各種商品。
免收版權費增人氣
一般地方政府會向採用其吉祥物肖像的商品徵收商標使用費，或是在商品銷售額中抽取一定稅金作回報，不過熊本縣政府卻免收版權費，只要使用熊本熊肖像的目的與宣傳熊本縣或者推廣熊本縣產品有關，甚至是採用熊本縣產材料製造的商品，也可向縣政府提出使用申請。
免收版權費增人氣
一般地方政府會向採用其吉祥物肖像的商品徵收商標使用費，或是在商品銷售額中抽取一定稅金作回報，不過熊本縣政府卻免收版權費，只要使用熊本熊肖像的目的與宣傳熊本縣或者推廣熊本縣產品有關，甚至是採用熊本縣產材料製造的商品，也可向縣政府提出使用申請。
熊本縣熊本品牌推進課課長成尾雅貴稱，構思之初已打算免費授權，讓商戶以熊本熊的肖像推出商品，他認為這既可令商戶提升利潤，亦可在廣泛利用民間力量，將熊本縣的優勢向全國推廣，達至雙贏局面。這種「以退為進」的策略可說非常成功，熊本熊繁多的產品，間接令熊本縣知名度大大提升。
謎底解開，呢個推廣法證明好有成效，
短短4年就令熊本熊名氣急升，
若有機去一次熊本，你定會覺得24小時都被熊本熊緊緊包圍著XD
雖然邊度都撞到佢，但毫不令人反感~
因為實在可愛~
小街盡頭有家賣點心的雜貨店~
原來賣野個阿婆，係張海報來................XDD
店內背向鏡頭的才是真身~
無聊完，終於行到入口!!
請自行購票~
400Yen，任行任玩~
園內有幾家商店，感覺也是很昭和~
很想知道每天營業額...
進入了森林一樣~
日本到處都有這種小巧美麗的小花~
經過小商店後，開始往起點進發!!
小小目標，速遊一圈~
雖然落雨，但無改美麗的庭園景致~
近到伸手可及，證明牠們對人很信任~
看到一間小寺廟，有長壽之水？
神水啊~~~
即斟!! XDD 斟完一支~~
所以除了蓋印本子，帶備小水樽也有著數~
走進成趣園，就像走進了放大版的盤景內~
一花一草也修剪得很精細~
水前寺成趣園，建於1636年，
花了80年才竣工，
由當時熊本的肥後藩主細川家歷經三代所建~
名稱取自中國東晉時代詩人陶淵明的《歸去來辭》!!!
(記得上回金澤遊提到的兼六園，
名字也是取自中國一詩《洛陽名園記》嗎？)
遊記重溫：2015日本中部之旅 Day4：金澤
日本人都興響中國詩詞內搵名用噃....
去京都沒有特別看的鳥居，呢到成日見到~
細川家建園者~
400Yen包場，抵晒~
途中發現一條別致電話繩被人好好安放在樹木上~
很有愛吧...
日本人呢個行為其實令人幾窩心，
希望物主回來可立刻找得到，
也避免物品讓人踐踏~
好大個橙!!!
老公行得不亦樂乎，
仲全程落雨唔擔遮~@,@
已走了半個圈，回頭看入口那邊，背景是高樓大廈~
有趣的植物，似海膽.....(想吃)
不同種類的樹木層層疊，
喜愛種花種草和樹林的，這裏可盡情欣賞~
回程遇見貓~~小虎來啊~
原來是有人在裏面住的？
大嬸走出來輕輕掃了牠一把~XD
她是想叫貓咪走近我們跟我們打招呼呢!!
仲有一隻小貓~~卡娃依~~
大嬸看似養了好幾隻貓，
不停跟我們說話，我實在只能以“係....係....”回應，
當然佢最終發現到我係唔識聽~XDD
很寧靜的早上~~就這樣完結~
花了一小時暢遊成趣園，
離開時時值13:15pm左右，
而我地搭新幹線返博多的時間是15:27pm，
呢一刻，老公決定去多一個站!!!
搭B車，返去上通町~ (A、B車都到站)
登凳~~~Kumamon Square~~
距Parco商場只有一站，近上通町~
藏身於商場內的一個小區域~
呢幅畫，我笑咗....XD
熊本熊部長真係要返工架，仲勁忙~
未入去，先興奮~~
好大的活動區~
仲有個台係佢專用~
令人再度瘋狂的精品部~~(不敢看*0*)
唔驚，貴到飛天，又拎唔到，唔會失血架喇.....
但粉絲一定抵檔不了....
其實我真係好想買......杯碟最實用，
但真係怕打爛晒~@,@
絕招，影咗當買咗~XP
連個購物籃都....
有印仔!!
仲可以留名~
地方細細，但有間小Cafe~小展館~
部長室啊~~~
好搞笑.........
名人簽名~
職員跟我們說，熊本熊當日下午3時會到現場同大家見面，
呢個消息，令我地好飲恨呀呀呀呀~~~
因為等到3點先走，我地就上唔到新幹線了，
老公尤其傷心~XD
冇法啦，無緣見面了~
小朋友畫的熊本熊仲可愛~~
呢塊鏡好正啊，唔知有冇得賣...？
玻璃窗都有佢，極至!!
臨走前行多圈，確定係咪有野要買!!
好靚啊........
都買少少啦....XD
拜拜喇部長~~~謝謝款待~
除了地下，6樓都有野睇，但冇時間了~~
今次我地14:00來到，只係逗留咗半小時就要走~
仲要坐多程市電返酒店拎行李，
繼續落雨，狼狽不堪，
好彩趕到班車~
一坐低，乜力都冇~
冇食晏，又冇買便當，
好彩零食王隨身有預備!!!
頂住檔先啦~~~
半小時後就返到博多，
餓到即刻要響車站買番個便當，
又係坐完火車先食火車便當....XD
熟悉的地方~
住番同一間酒店，但不同房間~
呢間仲大仲靚，依然有我至愛用的按摩器!!
旅程尾聲，住多兩晚，要埋早餐~
酒店提供個人護理品，
Check-in時會給女仕揀選及拿取~
乜都唔做，食野先!!!
充滿童真的老公，要食新幹線便當....
個盒又係幾靚，又可以留念~XP
我梗係以實際為先，款多料多夠份量!
足足休息咗近兩小時回一回氣，
先再出發去天神吃晚飯~
晚飯前，又係老公去朝聖的時候~
之後到我朝聖，已睇中想要的生日禮物~
話說我一早預料到日本的商場通常收20:00，
影上面呢張相果刻已經係19:50，
我都打定輸數如果閂門就算~
去到仲要唔知專櫃響邊!!
結果我第一時間去收銀處問店員，店員協助下，
搵到專櫃位置，佢仲提醒我快d過去，
否則商場閂門就唔畀入!!!
好彩緊張刺激過後，終於搵到我想去朝聖的：
《白鳳堂》
係日本殿堂級人手製化妝掃品牌，
聞說被喻為化妝掃界的勞斯萊斯~~@,@
日本商場關門時間好均真，話收8點就8點閂門，
絕對唔會好似香港咁提早15分鐘唔畀你入場!!
我幾乎係19:57左右撲入去，現場仲有兩位顧客等待中~
我再打定輸數諗住佢唔做我生意，
點知售貨員示意見到我，仲不停Say Sorry叫我等候一下，
但佢急得來依然係慢條斯理咁幫人包禮物(吖>.<)
呢個時刻我估預先睇中果Set化妝掃未必有貨
(已把資料save落手機諗住畀佢睇)
所以我決定即場睇佢專櫃有邊Set，我就要邊Set!!
最後，我好順利買到，亦搞到售貨員遲收工，
因為佢仲親身帶我地上8樓做退稅手續，
最後，我送了她一張蛋撻貼紙以作答謝及留念~~
(成功第二次送出XD)
唔知講乜可回帶去：
其他專櫃的員工，
搭正20:00響起音樂後躹一躹躬就拎手袋轉身走~@,@
呢個情況響香港亦唔會出現~(均真得徹底)
天神站好多商場，
但多數於20:00或21:00就關門，
想行街可以趁早，買夠先去食飯，
因為食肆反而營業至起碼22:00~
今晚，我地決定食中華料理!!!
第一次去日本食中菜~ 新體驗，
究竟同香港有咩唔同呢？期待期待~~
價錢上，一定比吃日本菜貴一點點~
但事實是貼近香港價吧~
落Order方式則沿用日本的按鐘仔模式，
唔係揮手叫喚呀~
不錯的裝潢~
呢度仲有中菜宴添，以人頭計，其實幾好~
青椒牛肉絲，1180yen (約hkd$75) 以下價錢全部稅入~
好食喎!!! 很對味!!! 好食過港式煮法.....
擔擔麵，880yen (約hkd$56)
帶點日式拉麵風味，不錯不錯，但唔夠辣~
麻婆豆腐，880yen (約hkd$56)
個汁好杰....杰過李連杰.....重口味，撈飯ok~XD
平和麵840yen (約hkd$54)
招牌麵，點都試下，冇伏，好吃，
好多椰菜，有豬肉，夠味!
兩麵兩餸，份量超多....@,@好豐富!!!
兩條友嫌自己未夠肥，心思思想試埋燒賣!!
就叫多一客燒賣，380yen (約hkd$24)
雖然貴，但好奇的可以一試，
不過除咗個皮唔係黃色外，
口感同食味同港式酒樓吃到的是一模一樣啦~
杏露酒，各540yen (約hkd$35)
好飲，非常好飲!!
d麵......真係好好食!!!!
外貌似油麵，食落似拉麵，浸咗成晚都冇變漿糊，讚~
最後，全枱掃清光!!
去到邊都唔會浪費食物，係我地兩夫婦的飲食宗旨~
小故事：(憶起大學時同一位女同學去仙跡岩食飯，
她嫌那碗麵不好吃就撩兩撩沒吃，
我驚訝她此舉，她反說：係我阿媽教我唔想食就唔好食~
頂，我以後再也沒有和她吃飯了，甚至沒有再聯絡)
就是被門外這堆假食物吸引進去~
平和樓本店~
很大的招牌~~一眼望到~
就在天神站北口一出~
斜對面是新天町，
但時候不早，商店都關門了~
說的只是晚上九時多....
哇!!! 500yen成呎厚.....唔係呀嘛.....
沒本事挑戰巨塔漢堡，
返酒店前卻在便利店挑戰了這個~
好玩在要用微波爐叮十秒先食得.....
雪糕要放入微波爐叮.........我都係第一次聽@,@
是日戰利品一覽：
老公送我的自選生日禮物~~感謝~
靚到唔捨得拆~
一Set美美的化妝掃，大掃最實用~
大雨下還決定要買的熊本熊攬枕，
全日放在我背包安睡~XD
這是在十蚊店的收穫，熊本熊不多，
反而買了大量信紙封套，超靚!!!!
成趣園前的小店買到的~
還有Kumamon Square小精品~
這個散銀包造工太精致，買了再算~
最後，也在天神的藥妝店買了一堆
給自己和替朋友買的東西，
由於總金額超過5,000日元，
所以可即場做退稅 (指明有退稅服務的藥妝店/ 商店才可以啦)
首先，店方會要求你出示護照，
然後把當中的“消耗品”放入膠袋封好，
最後需要你簽一份同意書，
表示你同意在購買後的30天內帶離日本境外，
倘若出境時被關員發現你呢袋封咗的物品拆開咗，或用咗，
咁你就大檸樂~~
在酒店，我研究了一陣子，
究竟要把它們放入行李上機，還是必須要手提呢？
因為聞說過關時，關員有機會檢查呢袋物品，
但當中卻包含了超過100ml的支裝液體!
日本旅遊局官方指引是，只要有液體就必須寄艙，
所以唔駛理入面有乜，一於老虎蟹都寄艙就萬無一失，
如果手提咗而畀佢搜到有液體，
咁你就預咗全袋都唔駛要了~
呢個係日本海關政策上的漏洞，
暫時都未解決到呢個矛盾的問題~
所以，免稅品寄艙絕無問題，
而呢支化妝掃並唔屬於消耗品，
所以就唔駛入袋，可以分開拎喇~~
夠喉未？準備充足精神睇下一集啦!!!!
貓奴必看：Day 7去貓島呀呀呀呀~~~
沒有留言:
張貼留言