拍拖時，經常和當年男友現任老公遊山玩水，
南生圍係其中一個熱點，因為佢中意影雀仔影風景~
結婚後重遊舊地，我們所行路線比以往還多了幾倍，
足足徒步走了幾小時：
由元朗站出發，經采葉庭，由山背村入橫水渡碼頭坐船仔，
沿著山背河一直走，由沿著錦田河走到小商新村，
途經博愛醫院，走到YOHO Midtown，再直接行到元朗市中心晚飯，
一把年紀.......由中午走到黃昏，就去隊牛扒補充體力﹗XDD
指示好清晰，好易去~
已經10月，其實仲好熱，曬到癲咗~
過對面好近，不過係龜速船仔所以都要等一陣，婦女們曬到要撐傘~
6至11，都開幾耐工喎~
每次只能坐6至9人，最後等了3-4班先輪到~
班後生仔幾型，企響度過海，隻船拍埋岸時一Chok，尖叫聲四起XD
坐咗入去，勉強影下船尾外風景 :P
對面一間小屋仔~
老公停了下來，有咩影啊？
原來影緊蟹仔，可愛呢~~
好多人騎單車，我都好想騎.......
不是綠草悠悠的季節，有點秋意了，拍照色彩不夠美~
小湖倒影，下面條橋係遊人必拍位置，但新換的木板好肉酸.....
行下森林拍下拖~
碌到出去有好大片沙地任玩~
沿住條河一直行，途中都有士多補給站，我們沒有停下，直至看見有嬸嬸從老遠推車仔前來擺檔，就幫襯買了汽水和冰菠蘿﹗勁JUICY勁解渴~~~
回程途中見到路邊紫色小喇叭花，好Q好精致~
其實non stop行足幾粒鐘真係好攰，出到市中心，我點都要食安娜餐廳!
因為個個住元朗的朋友都check-in過XDDD
睇完餐牌，我信張墊枱紙推介，揀了黑椒牛柳6成熟~
先來羅宋湯，夠辣﹗堅料﹗
多士我中意﹗正過餐包~
塊牛柳堅大份，跟薯菜唔駛加錢，加飯或意粉加$7~
牛柳唔韌冇渣超級好食!!!!
價位仲比西貢蘇珊娜平，冇得頂~
我一定要再食多幾次!! 因為間野仲有好多奶昔呀雞尾酒呀甜品我全部未試!!!
好好彩，今晚行到去只係5:40pm，卡位任揀，
點知，搭正6點間餐廳即時爆滿，十分戲劇性~
希望佢長做長有~
食飽飽，腳斷夫妻仲未肯返歸，結果去咗三聯書店元朗文化生活薈，
我諗係新開？有地下至3樓4層，設計同燈光都做得勁有誠品feel~
驚喜的是有好多書響出面未見過~
有人仲話明天想去濕地公園........
起身對腳仲係自己先算XDD
