原本打算要hea遊蜜月，不過貪心的二人太多地方想去，
所以寧願倒屎咁早爬起身，將每日玩到盡﹗
第三日高達約咗老公，叫佢lunch
time前好去見佢，
哽咗個炒麵麵包就出發，
哇﹗第一次試，超級無敵勁好食，搞到我連食兩日都仲想繼續食.......
上次去台場睇彩虹橋，高達都仲未搬來，
一去到就見佢曬太陽~型到呢....
第一時間放老公去同佢影寫真~
之後去高達館，我只係陪太子遊玩，
高宅好細，玩爛都只係需要一粒鐘，
睇咗場聽唔明又冇字幕的機械人打鬥片就走~:P
館後散血場，瘋癲果個明顯唔係我XD
食完飯，即刻殺落foodcourt搵卡樂B，
哇﹗見到一人一杯薯片同我擦身而過，仲得了既？﹗
到我發癲喇~~~~~~~
好多薯片.....好多薯片....好多薯片............點揀啊？(其實係諗：點拎啊......)
咪講笑，九秒九買杯先﹗
冇揀拼雪糕，少少地加個古力醬就滿足喇~
即炸﹗即淋醬﹗哎呀..............好好味呀>0<
兜出公園見到Gundam Cafe，即刻慫恿老公去睇，
你知道嗎？成功將d謹慎消費者失控地消費，會有種莫名快感wahaha.....XD
殺你一個片甲不留~
結果，係我睇中d造型小食......試食係我最大嗜好.....
已經飽到反眼，都要買個青B包同青B飲，喂，又係好睇好食，值丫~(係菜肉包，中華料理喎﹗)
上次唔夠時間來，今次預咗玩半日，原來錯晒，半日係唔夠考古佬發掘新大陸的......
早已聽聞Venus係必去，以希臘神話為設計主題的場景，
靚到令人狂按快門﹗
請場內職員替我們拍照，熱情的她知道我們從香港來後，就主動以英語跟我們溝通，
雖然她很落力，又出動埋身體語言，但還是無法表達，
最後她直接帶我們去看這個：
某鞋履品牌舉辦的尋找Cinderella舞會，
合穿者，即刻贏巨獎﹗
好多在場少女都被邀上台試穿，但穿了高筒波鞋的我.....懶拆鞋帶:p
每位少女試穿後，大會就有表演娛賓，我們足足看了近一小時才捨得走，
期間欣賞過銀樂隊演奏、啦啦隊跳舞、黑人唱歌，仲有王子出來送花送公仔等，
好好笑，好好睇，
我地估，個單位究竟請咗幾多咖哩啡來？
你能不讚賞日本人的心思嗎？
之後去看古董車展，老公變回大細路，睇得津津有味~
經過零食店，又唔小心買咗童年回憶~
離開商場已經黃昏，雞咁腳去東京駅觀摩其古舊建築，
夜景一流，站內設計別致，
保留古蹟，得香港政府唔識﹗
地下街好大又有主題區，東京拉麵街係其中一條，
多到唔識揀，就由老公以店內環境做決定，
幾有日本風味丫~
日本拉麵店冇乜小食揀，其實根本唔需要，
碗麵係主角，餃子係配角，加杯啤酒已perfect，
多小食選擇係香港style~
戰利品，單係卡樂B就令我破產同爆喼，
帶了袖珍版B仔返屋企，呵呵^^
