東京之旅最期待的，是去睇多啦A夢﹗
其實我們去的藤子不二雄博物館，那裏不只有叮噹，還有Q太郎、神奇小子.....
但我就是偏愛多啦A夢~:D
早一晚要先到LAWSON購票，日本通朋友教我最好揀夜晚11、12點去買，
因為顧客少，職員先會得閒睬你，
果然，一輪雞同鴨講後終於買到，如果你想去，記住以下一點：
預先譯定個日文名畀佢做記錄啦﹗不過你講英文拼音佢知，佢會幫你譯。
入正題，晨早7點起身梳洗後，先在酒店食早餐，
吃了納豆飯，噢~~~~好食﹗
(曾經，我以醞釀在腳趾罅的鼻涕來形容納豆.....)
因為買了10am門票，所以9am左右就起程，
去到登戶站就有好多叮噹蹤影教你搭巴士，
哇~好多細路響車站尖叫呀﹗(梗係啦，見到架巴士我都尖叫﹗)
落車後，全個wall都係叮噹眼@,@卡娃依呢~~~~~~~~~~~~~~心心﹗
早場已經好多人，平日，都係d靚太帶小朋友去~
入場後會派部機畀你，去到展館可依據展品標示編號輸入號碼，咁就聽到介紹架喇~
語言可選英語、國語或韓語.....
註：場內不可拍照
直至去到戶外的樵夫之泉，你可以喪影喇﹗
技安玩潛水，要佢上水就要出力bom佢上來﹗
以為上來後可以同佢合照？嘿嘿......3秒佢就潛番入水，笑到我
XD 唯有排隊再bom過....
哇好靚仔呀~~~~~
想知點解佢變靚仔？路口有電視播番呢集故事你睇﹗
行到尾聲，記住睇埋場電影先好走~ 順手扭蛋踫個運氣，我扭到靚仔技安呀~~~~Lucky﹗
戶外大到可以打後空翻，我去當日0度，凍到只可以打冷震~~~ 外攝一流﹗
唔公開太多相，免得想去的你冇晒驚喜丫嘛=p
必食展館入面間餐廳，但拿了籌要等45mins，所以先去隔離的小cafe飲杯暖茶食件魚餅，
好多吸引小食啊~~~~
記憶麵包同豆沙包我都忍手冇買，因為後面先係出血主打。
Wow~~~~~~~~~~來到唔食埋先走，你會超級後悔﹗
我們揀了小池拉麵、技安豬扒飯同叮噹芝士餅，仲有兩杯熱mocha同choc，
味道超good，好睇又好食，食完仲見到驚喜，喂，值晒啦﹗
臨走前散血場，真係冇得留手，全程我覺得技安最搶﹗我竟然愛上醜男XDDDD
去程搭巴士，回程徒步行，行番出去當遊覽，好喜歡這個小區啊，
住在這裏的人好幸福~~~
如果你想行路去展館，沿途都有好多卡通蹤影指示你，迷路機會係零。
有人話10am入場3pm玩晒，
噢~我地唔得，因為我地考古佬上身，響個館玩地Gin式探秘.....仲要食咗餐喎﹗
結果10am入場，5pm先走(展館收6pm)XDD
好抵玩啊~
不過咁就冇咗日，壞了原本行程，呵呵~~唔緊要啦，enjoy咪得﹗
買了好多童年回憶，老公仲送咗竹蜻蜓畀我﹗喎呵~~~~~~
咁我就送番靚仔技安轉轉筒畀佢啦=p
P.S.技安隻CD，好食﹗XD
咁我就送番靚仔技安轉轉筒畀佢啦=p
P.S.技安隻CD，好食﹗XD
