2014大阪民宿之旅Day6---難波最後一擊

旅程來到最後一天，
我最唔捨得的是........民宿張榻榻米啊~~~
真係好舒服，舒服過屋企張床......

但不走不走還需走，
梗係要Set機自拍....hehe~

Yo~~~盡情翻滾吧~~~(請找錯處XD)

呢個早上，全個民宿冇晒人，
我地就順理成章咁用相機紀錄低晒每個角落，
做回憶之餘，又帶大家參觀下~

呢間民宿其實分咗四個館，
我揀咗最新淨的D館，
最近地鐵站，亦貪佢有個大客廳，
超靚超Vintage feel~~~
可惜我地冇一晚有時間坐響度睇日本TV....

好闊偌的玄關~

設備齊全的廚房，住客可以自行煮食~

入住首天已見到有本紀念冊，
呢一日，到我地寫喇~~~

我快手寫完，等老公期間，
我又周圍貢、係咁影，
呢個走廊左手邊就係廚房，右手邊係客房，可住4人，
原本book完後想改呢間，因為怕巨型行李搬唔到上二樓，
不過已經有人book咗，
幸好.......原來呢間房好應聲，
只要有人返嚟、上落樓梯、響廚房煮食、去洗手間.......等，
乜都會聽得一清二楚﹗@,@

洗手間同沐浴間係獨立不相連，要全屋共用，
但我住的6日期間，一次都冇撞到人，奇奇奇~~~

影完，又返出大廳，
好喜歡張梳化同d咕筍，真係好懷舊呀~~

不同角落，裝修都好精緻~~
櫃內的擺設都好有心思﹗讚~

好人叔叔廖先生的Cap帽，
佢冇戴住去浸泉~~XD

如果朝朝早可以響度曬住太陽食早餐......
真係何其寫意啊~~

呢條奪命樓梯真係奪命斜，
我想像唔到好人叔叔點樣幫我地托個巨型行李落樓......

斜之餘，仲要d木好滑淨好乾爽，
想像一下著埋對滑底拖，行樓梯呢件事變得幾咁刺激~~~

我又上番去，影埋個房門口，就響樓梯口右邊第一間~

樓上望番落去，真係一步一驚心，
但日本人的屋企，條梯都係咁斜~~

又走去八人地個洗衣房，
因為住客一樣可以自己洗衫架~~

仲有浴缸，好細，但好深，
我地當然冇玩，環保d唔好浪費食水，
反正都去咗浸溫泉啦~~

又轉番出去玄關，欣賞下主人家的擺設~
感覺好住家，好溫馨~

哇~~~老公仲響度鬥緊佢篇論文.....

寫到佢頭到痛埋？
駛唔駛咁認真呀.........服﹗

見到枱頭有疊咭片~~

有興趣就記低d資料喇﹗不過上網一定搵到~

終於寫完，老公異常咁唔捨得 XD

都係老公搵到呢間民宿既~~
叻﹗住得好開心，好滿意~

拜拜嚕~~~

門外的花好嬌艷~~像在歡送我們~~(想太多...)

門外的單車係可以外借架~

好似發咗場夢咁~

離開了~

正門是這樣的~

離開小巷子後望返入去，右手果間~

一路走，一路望返轉頭 XD

民宿就響堺市，距離難波大約25分鐘車程~

由民宿行去車站，6分鐘內到~

沿途有個大型停單車場~
緊住四周就係住宅了，所以好寧靜~

呢罐咖啡，老公應該買XD

好喜歡這個小區，只係唔夠時間深入認識~

每日都會經過的車站出口、便利店，
猶記得第一日來到就係響呢度會合好人叔叔~

自從買咗日本八達通後，就唔想再掂呢d買票機......XD

不過我地坐四點幾機，所以上午繼續去玩，
冇買任搭車票，唯有逐次買飛~

靜到人影都冇隻的車站~

車站望出去的街景~~

到咗難波，
第一件重要的事係再去零食店入貨﹗﹗﹗
我就係響呢間買架喇~~

之後食早餐？午餐？
其實係迫住要等自由軒開門，
上次太早食唔到，今次特登等佢開門~~

唔知有幾好食，但遊日必食~

但咁古老的格局，我已經like爆，
呢度上咗年紀的職員，個個都英語流利，勁﹗

我地全部排隊的人都被安排一齊坐大枱，冇得揀位，
但感覺幾有趣，三唔識七你眼望我眼，
但側邊已經係香港人......

同枱的日本男士見到我地喪自拍，
不禁主動同我地影相，very Nice，
佢用流利英語同我地交談，
得知我地從香港來就十分健談，
仲問我地點解會嚟呢度食，
我唯有話旅遊書介紹，間野好出名~XDD
(拉番上上面第三張相，入緊門口果個就係佢喇，
根本係日版中年洪永城咁款~~~haha)

來這裏主要為咖哩飯，貪心人如我叫多個吉列牛扒試~

主腳出場~~~賣點係有隻生雞蛋~

你只要起勢係咁撈，就完成架喇~~食得﹗
好唔好味見仁見智，我覺得可以一試，不過都幾漏，
我食唔晒，要老公包底~

快快食飽，埋單~
因為唔會坐得好寫意~

老闆娘真人，同出面個紙板一模一樣架﹗
原來企咗起身咁高~ XD

佢係十分十分樂意同你合照架~

笑容燦爛，好盞鬼~

趁仲有時間，我地又逛下附近的商店~
竟然買到手信畀女，
就係BB和服喇~~XDDD
搵唔到寵物和服所以照殺﹗卡娃依ne~~~

呢間買，好多和服選擇~

行行下總會經過蟹道樂，
佢地仲出動呢隻卡通吸客~

沿途的蛋糕店~ 造型幾可愛~

呢個批響大阪好出名，但我食唔落~

反而想搵Mon Cher，
可惜太遠去唔到~~

見到呢件，頂住檔先~

唔清楚來頭，當試下啦~

日本人包裝真係好細心，怕你拎住整跌件cake，
所以夾晒咭紙幫你hold住~
唔.....講真，好食但唔特別一鳴驚人~
我都係想食Mon Cher多d﹗

最後一站，激安之殿堂，竟然吉手而回冇斬穫~
係時候返民宿拎行李lu~

搞完一輪，終於去到機場，
因為一早上網check in咗，所以去到唔駛排隊再搞手續，
多咗時間畀我地再食多餐，嘻~

普普通通揀咗個章魚丸同牛肉飯~ 都好好味~~

食飽後去到閘口，很好的天氣啊~~~~

唔想走T.T

又一次日本Trip，又多個美麗回憶~

呢個閘口真係算大......
所以成為咗港孩的尖叫樂園，
個人都未離開日本，又要重新對住d呢d情景，
真係人都癲......

上機，日落，拜拜你條尾~~

落機，真係對人歡笑，背人垂淚呀........XD

戰利品綜合一覽~

零食海，震撼好多~~~XD

話說返港翌日，我已經忍唔住去咗Mon Cher朝聖，
好鬼諷刺，去到日本食唔到，
要返嚟香港食......嘿~

堂島屋蛋卷，人生必吃100件美點之一~

中間pat Cream真係不得之了.........

肥9磅都要食嗚嗚嗚~~~

用美點為旅程劃上完美句號~

I Love You老公，
期待下一次再手牽手去旅遊~