2014大阪民宿之旅Day5---京都、梅田

估唔到，第5日放的相係最多﹗

希望大家enjoy到同消化到~XD

呢日，我地全日遊京都，

上次去過嵐山、搭小火車、行渡月橋，

今次則重遊清水寺，因為上次去到太晏，入唔到場~

早餐例牌吔包，日本便利店d包真係款多又好味，嘿~

旅程去到尾二日，

出發前，我同老公提早搵民宿的好人叔叔與姨姨拍照留念，

點解唔last day先影？

因為果日佢地會晨早出發去有馬浸溫泉sweet sweet XD

今日唔影，聽日就見唔到面喇嗚嗚嗚~~

又要搭個幾鐘頭車先可以去到京都，

漫漫長路冇位坐，

唯有睇下風景影下相~

到站﹗哇~~個站好古老，好Vintage呀﹗

一上地面，就見到呢個新京極標誌~

其實我地想搵錦市場掃街，

但既然順路，就貢咗入去行咗轉~

愛懷舊者，一定會中意呢度d舖頭設計~

 都係大同小二的商店街啦~

 行多兩步，已經搵到錦市場﹗衝呀~~~~

 錦市場有好多食店，活魚、乾貨、即食小吃乜都有~

 諗住響呢度搞掂個午餐，但老公有微言，

佢覺得每一餐都應該坐響度正正經經食......

 咁我唯有收番兩成戰鬥力，

少少地掃幾個圈啦﹗XD

 首個目標獵物﹗哇~~~~~八爪魚串呀﹗

 好貴的八爪魚串呀﹗﹗

我好豪咁揀咗貴果串~XD

 分別就係大隻d，吸引d~~~

 遊唔遊客我地都係相機食先.....

店子的靚女十分醒目，主動話幫我地影合照﹗讚~

 就係呢間，全條街我淨係見到得呢間有得食，

好彩冇猶豫，係最好食No.1 !!!!

 個頭，釀咗粒鵪鶉蛋落去，滋味爆燈燈燈燈.......

 成個市場有好幾段，呢條街唔啱行，

仲有下一條~

 第二小吃：豆大福~

好大個，好重手﹗

 好多遊客買，不過呢.......我覺得唔好食，

因為舊野竟然係鹹@,@ Why？

 好多野想食，又冇可能食得晒，

想買，又好難帶，我諗個個遊客大概同我一樣.....

 好彩小食夠多，樣樣試下都算滿足~

 不知名炸物，唔知係乜，但炸物狂見到即買﹗

 呢堆野，我想每樣食一件......

 好彩有個男人同行，

我食一啖，等佢焚化~XD

咁我又可以試多d喇﹗(奸笑)

 好靚的拉麵店~

 對住滿街美食，我真係恨不得有個黑洞肚.......

流流流口水ing......

 呢間好多人食豆乳雪糕，但我冇食，

因為我鍾情鹹野，所以揀咗呢條熱狗腸~~

 老老實實，我真係為掃街而去，

所以行咗一轉，我已經飽咗7成....

 但仲未滿足老公食餐正經飯喎﹗

結果，我地響出口見到呢間中華拉麵店，即入~

 香港有萬豚屋，呢度有万豚記~XD

 趁未多人，即刻入去食~

 原來招牌菜係激辛地獄担担麵~~

不過我地都冇試，

而係分別揀咗更特別的：

柚子鹽味拉麵，十個好食﹗﹗

口味清新，超大碗，食到反肚~ 

 

老豆揀的：麻婆豆腐拉麵﹗

咁都得？不過超級好味﹗ 

 少不了的餃子，盲中中揀咗炸的~

 店舖裝修好靚，好有型，所以都吸引不少老外遊客光顧~

 

 就係呢間，好易搵到，不妨試下~

 吃到好撐，跟手就搭車向清水寺出發﹗

 巴士唔難搭，好易搵，車站有晒時刻表參考，

十分準時~

 落車後，即刻買咗支鹽味荔枝凍飲，

解渴，但我嫌太甜~

 上清水寺等同行山，落車後要行條大斜路先到~

 去到中段咋，望番後面，哇好斜呀......

 繼續行啦，愈行愈多人喇~

 

 

 迫完一輪，終於到了~~ 

 2 Years no see清水寺~

但感覺彷如昨日才去過~

 今日晨咁早去，實入到場了吧﹗

 好美的入場券，可以留念做書簽~

 

 轉個彎就到入口，

一入即看到宏偉的建築~

 也有當地鴨仔團遊覽呢~

 

 

 原本以為入場睇的都冇乜特別，

原來我錯咗~

 去旅遊就係要體驗，過門不入唔算去過噃~~

 

 

 景觀，好美~~

 

 

 買了平安符做手信~

老公也在買，仲買咗好多~~~

 

 對面的人影緊呢邊，就係影緊旅遊書必會睇到果個景~

望落去條路，陣間都會經過~

 

 看到這個結構嗎？清水台就係咁搭建架喇~

 寫繪馬要畀幾百yen買一塊，

我去咁多次日本都冇寫過，因為寫完唔捨得掛響度~

 

 一路走，都會有地圖以供查詢~

 咁大個緣字，呢度梗係求姻緣啦~

 

 

 

 沿途真係遇見好多穿和服的女生，

不過一眼就分辨到係日本妹、強國妹定香港妹~ XD

真係氣質同舉止問題...

 

 

 出番去lu，繼續上路~

 就快影到清水台喇，老公最期待影呢張相~

 真係企響邊忽，你都影到旅遊書d相個景XD

 日本妹玩自拍，卡娃依ne~~~~

 我地又玩，大機自拍，神吧？XD

完成心願後，準備落山，經過子安塔，

係咪安胎架？

唔怪之我個(車)胎點減都減唔甩......

 

 

 由下望番上去清水台~

 原來呢度有地方畀人休息飲杯茶~

 去清水寺一定要飲呢度的水，排隊﹗

 影老公裝水XD

 影自己裝水~

 慢步行，真係幾似行山，好舒服~~

 

 又有小食亭，有紅豆湯啊~~

 

 

臨走前，捉咗兩個全場算睇得的日本妹妹合照，

好熱情，好可愛啊~~~~

 結果我地影完後，兩位妹妹繼續畀豉油行捉住影相，

真係不好意思......但可能佢地enjoy~XD

 買手信時間，必去西尾~

 好闊綽，有茶招呼又任你試食~

不過佢的八橋的確係全球最好食﹗

 遇見自己樣抹茶布甸xd

 落山期間，見到呢間瓷器店~

 好好好漂亮的碟啊~~~~~

 師奶最愛的收藏物﹗(我咋~)

 神氣肥貓看門口，哈~

 擺滿晒個門口，好精致~

 

 

 落山lu~~

 

 

 搭車去八板神社~

 神社望出去，漸見日落~

 

 寺廟對我來說，間間都差唔多樣~

 已經行到好累，點知老公見到呢間似曾相識的小神社~

 有美容水飲﹗

喪飲，仲唔係我至靚？wahahaha~~~

 

 係咪好似京都某個知名護膚品牌個嘜頭呢？

但原來唔係喎~

 

 十分有趣，

靚咗，就可以走架喇~~~

 熟悉的街道上，見到呢間何必館~

老公一唔畀我買野，我就迫佢黎參觀﹗

 花見小路，上次來過，今次沒去了~

 影影下門口相就見到個藝伎走出黎，嚇咗~

 入夜後，仲有乜玩？

 當然唔係去酒吧~

不過卡通畫得好靚~

 穿過小巷，經過好多夜店，佢地都開始營業~

 我地係黎呢度睇條川~

 係知名的白川~

 點知睇睇下，有更正的野睇~

 原來有人影緊婚攝~

 

 新人任影唔嬲，我地都係見咁多老外圍拍，

我地先掹車邊影幾張.....

 環境優美~~~

 小廟宇~

 

 小街的店感覺好神秘，
可能淨係得熟客同VIP先識去？
日本餐廳隔離突然見到呢間賣畫具的，
盒粉彩好精美，仲超級貴~
如果我仲有時間畫番兩手，都會捨得入貨.....

下一站，京都三条Kyouen~

呢個係集飲食、購物同日式庭園於一身的商場，
就響鴨川隔離，非常易找，
入到去，我畀個花園迷暈咗.......實在太美喇﹗

香港唔會搵到d咁靚的地方~
齋係行個圈，唔駛買野食野已經好滿足~

庭園四周有不同食肆，西班牙菜、拉麵、
甜品同Fusion菜都有，
不過我想試果間叫Kokusaikenbi Cafe，
中文叫穀菜健美 Cafe，
睇個名都好吸引，但最終我地係冇食既~XD
因為我地有Plan咗想食的地方~

兩公婆，未有細路，去旅行都free好多，
想去邊，就去邊，
體力應付到，即使無無謂兜個圈都覺得開心，
我相信呢種玩法唔係個個enjoy、個個頂得住，
所以我地都趁有氣有力時喪chur咗先~

繼續行，行過馬路就係鴨川，
入夜後鴨川比白天的更美~

橫影掂影都咁靚..........!!

回程前，我地決定落去散個步，
順便行番去地鐵站~

一邊係河川，另一邊係高級食府，
沿途真係好多野睇，
望埋去d食肆窗口，就好似一個個電影情節的畫面，
我地仲見到某間房仔入面，
有兩個歌舞伎服侍緊3、4個阿叔食飯飲酒﹗@,@
距離仲極近，只係隔咗塊玻璃，
不過我唔想、唔敢，亦唔會兜口兜面影佢地相。

真係值得一去，記得夜晚去~

返歸了~~~~

可能我認識京都未夠深，
所以去過兩次都ok夠，我有朋友一連玩咗6、7日，
畀我就未必得，因為我冇可能日日行廟宇.....
靜態少少我都會周身痕~XDD
不過我比較喜歡嵐山果邊~
希望有機會去果度食餐Hea飯望下美景~

返到去熟悉的梅田~~

為的就是吃這個：一蘭~

話說之前響道頓堀老公已經想試，
但條長龍嚇窒咗我，點解我去到日本都仲要排隊呀？唔食﹗
所以今晚去咗梅田店，
呢個決定非常明智，真係唔駛排~~

去得成，因為老公用咗個GPS黎搵，
此行程並不在計劃之列(只係有計劃食一蘭咋)
但跟住個App指示行，又真係好快搵到~

為咗快，索性叫佢地畀英文Menu我~XD
立即嘆杯啤酒解解渴先﹗

燈凳，呢碗就係風靡萬千拉麵迷的一蘭拉麵？
等我試下有幾好食~

我唔知自己算係咀刁，定唔夠咀刁，
試過後，我又唔覺得非常特別......
係好食既，但我覺得晏晝間万豚記個柚子鹽味拉麵仲好食﹗(爆)

或者我好抗拒追棒d巴之閉的品牌，
要畀錢仲要折磨我排隊流汗耗時間？
我就會即刻同佢打個折，兼且期望會更高，
所以，我真係覺得一蘭畀唔到我好大驚喜~XP

老公話之你，仲覺得好好食.....仲要加多個麵底~

仲要飲晒d湯，飲到見底，恭喜晒.....

當體驗都ok，咁多人講點都試下啦~

隨波逐流的港人XD

食飽仲未想返歸，
我地的確晚晚冇12點都未返到民宿，汗|||

不過太夜，周圍的商場商店都陸續收檔，
慶幸畀我見到車站外仲有間超市人頭湧湧~~~
唔執輸，買咗袋特價薯餅 (仲係熱辣辣﹗)
 同一SET乳酪飲品，Yummy﹗
好多日本人都會趁超市關門前搶購特價貨當晚餐或第二日的早餐~

又去埋便利店買香港冇的零食~
證明零食大王我，真係好敬業樂業架XDD

少不免又隊盒抹茶牛奶，好喝﹗
好彩樣樣都可以同老公開心些牙，唔怕﹗

絕密公開，我地已經將人地間房私有化，
完全變成自己個貓竇~XD

呢間美妝店我行咗幾十萬次都冇斬穫，
諗住有排都唔會去京都，
點都買番件做紀念吧，
唯一看上的柚子潤唇膏~ 真係好香好潤呢~

眼睛夠飽未？XD
下一篇，Last Day見~~~