第4日，Full Day環球影城﹗
好多人話入面d餐廳收費勁貴，
建議我地入場前響出面食飽飽先，
不過榻榻米太好瞓了，根本唔願醒，
結果......吔包啦﹗XD
日本d包咁好食，日日畀我食到都制﹗
我響香港係唔中意食包架......
去到環球影城站，一出就有個超大Mall，
全部都係食食食同食，真係好吸引﹗
唔怪之個個勁推介啦，但咁晏，冇時間食住~
路經呢間姆明特飲店，
我決定玩完出嚟一定要飲﹗
到喇到喇，不過個feel真係冇迪迪尼咁夢幻~
或者已經過咗入遊樂場好興奮的年紀.....
雖然第一次來，但覺得遊樂場咪又係大同小二~XP
不過老公就十分期待@,@
例牌影相位~
冇想像中咁多人，一定少人過香港迪迪尼~
一早響香港旅行社買咗入場券，唔駛排，
明智之舉呵呵~~~
入到去，畀400yen入locker放行李，
兩手fing fing好開心~
以前我好捨得買呢d唔等駛精品紀念品，
但發現買返去冇掟擺又唔想拎後，
我戒咗~
同個唔玩(得)機動遊戲的老公去遊樂場，
你明我點解零興奮啦？XDD
不過出發前我都plan咗幾個Game一定要玩，
第一個：3D史力加﹗﹗
不過早場係3D芝麻街，要3pm後先係史力加，
所以立刻轉戰下一個Game：Space Fantasy﹗
話說老公上次響迪迪尼玩完Space Mountain後，
就全日沉醉於頭暈兼作嘔狀態，
雖然今次我好淆底 (驚佢昏迷)
但去到日本我點都要鼓勵佢玩 (奸笑)
大個仔喇，豁出去吧﹗XDDD
結果，佢一路排隊一路沉默，
完全陷於極度恐慌狀態，
但為維護男人樽鹽，
佢堅稱係怕副眼鏡會玩到飛出嚟HAHAHA......
得果幾分鐘，玩完咪又一條好漢，怕乜唧？
只係我見佢一到刺激位就恰埋眼，
一衝落斜就大叫OH MY GOD OH MY GOD﹗
真係好笑到我抽晒筋~~~~
最後唔係佢飛甩眼鏡，係我飛咗個電話出嚟﹗
咁值得紀念，買張相都值到爆﹗
第3個Game：睇老公最愛未來戰士~
手信好靚﹗留第二Round行過再買~
第4個Game：二人最期待的Spiderman!!!!
望下條隊，要等45mins，
我再望下隔離果行，single只須等15mins，
唔係唔排呀？？？
咪又係一齊排隊，不過分開玩咋ma~
但含蓄的老公話冇我響身邊，
佢唔好意思叫OH MY GOD OH MY GOD，玩得唔夠放喎..XD
呢個蜘蛛俠真係夠立體又刺激，超級好玩﹗﹗
本來第5個Game想玩回到未來，
不過又要排45mins，
至憎排隊浪費時間，我寧願唔玩XP
反正呢個聽聞仲驚嚇，都係冇老公份~
咁就四圍行下啦，風景同建築都好靚~
但地方真係唔大，可以重複行兩Round~
如果可以響度影婚紗相就正了~
美國區的餐廳全部有Service，
牛扒、意粉、Pizza乜都有，上面呢間係中菜館，
但食客稀少感覺古怪，加上唔特別有興趣，
就冇幫襯喇~
影城中央有個大湖，湖景真係超靚啊~~~
行行下見到呢度有個廢鐵環球標誌，
有冇人考究係咩意思呢？
遊人甚多，但唔迫唔嘈~
兩條友都係喪影相~
邊行邊見到好多電影場景，
其中一個老公指定要去睇，
唔算係Game，而係表演，
未來水世界，剛好開場﹗職員揮手叫我地快d入~XD
入到去剛好開始﹗
超多人睇，好熱鬧~
都有不少人係著定雨衣等被噴濕~
又火又水又煙，都幾好睇~
散場後才知道，原來呢個表演每日得一場﹗
好彩我地去到門口冇猶豫唔入，LUCKY!!!!
玩咗半日覺得肚餓了，
掃街茂梗係第一時間搵小食﹗
蜘蛛俠菜肉包，
炸肉桂甜甜棒~
好多人食，我都唔執輸試，
不過唔好食，因為凍咗同韌咗....HAHA~
已經行咗個圈探好路了，
就開始慢慢enjoy第二轉~
不過小食唔夠醫肚，
以食為先的我當然要正正經經食一餐﹗
見有餐廳即入，入咗呢間~
日本服務員超Nice又主動，
幫手捧餐兼且借埋道具畀你影相~
都係一般樂園消費價，唔特別好食，
好過冇啦真係餓﹗
但要留肚食垃圾，所以只點一個餐~
坐下hea下休息下，舒服地充充電，
都係果句，日本冇一處似街市，
至少呢日冇乜撞到豉油行囉﹗﹗happy~
快餐店都有咁華麗的裝修，
咁少客，點為皮？
或者諗香港迪迪尼咁迫人，真係賺到笑﹗
座位上有TV畀你搜尋園內遊戲，
等你plan定下個玩乜~
裝飯畀我的日本姐姐，
係特登指手劃腳同我講，佢特突整個星形飯畀我~XD
食飽，抖夠，再出發﹗
都係呢類景啦`
望埋去呢個，係畫出嚟架~
去番蜘蛛俠間店，
開始仔細望下有咩想買~
有冇試過眼前樣樣野都想買，
到最後一樣都冇買？XD
我就係呢type....
呢Set杯麵我一見鍾情，
但諗到買完番去唔捨得食，又唔捨得送，
咁買嚟做乜？
影咗當買咗，老公都話服咗我~
但我臨走前係買咗下面呢包脆脆既~
芝麻街街頭Show~
但吸引到我的都係仿古街景~
遠處的後巷見到呢個1：1蜘蛛俠，
但要影相就要排隊，等專人幫你影，
然後畀佢掠水~
求其行下都寫意~
我諗同細路仔來會有feel d~
睇下下面張相個小女孩幾投入咁咬個窩夫﹗XD
園入面呢d白鴿拎住的號外係真既，
原來呢日真係有One Piece Show~
侏羅紀零食~
以前我好驚呢d巨型公仔頭，
但因為之前的工作迫住要去哈佬喂做野，
我已練得一身乜鬼都唔驚的勇者﹗XD
唔想濕身玩呢個Game，其實可以影~
初頭我唔知有乜好影，
但影完再放大睇，就覺得超好笑﹗
最後我企響度影咗好耐，
佢地愈濕，我愈開心XDD
真係好澎湃架﹗
好鬼好笑~
但呢度放得唔夠大~
老公繼續影，我去買野食~
見到人人都好似野獸咬雞脾，
我又被影響地走去買﹗
原來係火雞脾，真係超級大隻﹗﹗食完飽晒~
One Piece Show好似要另外買票入場？
唔清楚，但吸引到好多人大玩Cosplay~
靚海報~
掟銀仔，d人好斯文.....
入夜後的湖畔亮了燈，仲靚﹗
微風吹佛，好舒服啊~~~~~
呢個樂園的景真係冇得頂~
但個園收8pm，d食店6pm就關門大吉.....
真係唔憂做~
路邊小花都咁靚~
大白鯊﹗﹗我細個最中意睇~~
又係迫人埋去影，再掠你水~
雪糕店，門已關Orz...
兒童樂園，都行一轉吧~
希臘feel設計~
夜景真係好華麗，我中意﹗
美式鬼娃娃﹗正~
有冇人記得佢呀？
好多野都係玩唔晒~
好可惜我因為抗拒要排1hr，
而冇玩過山車~
仲趕唔切食呢間cafe賣的雪糕夾餅﹗嗚嗚~~
接近睇巡遊，樂園四周的人都Ready去霸位了，
連兒童區都人煙稀少~
乜鬼都冇得食，嘿~
Kitty迷天地~
芝麻街氹氹轉~
踫碰車，好可愛~
我都好想Sir~
呢個畀鴨Sir~
出番大街趕住霸位~
天幕之下已經好多人~
我求其見地就坐.....攰到爆~
花車一出，全園關燈﹗
我都係中意迪迪尼巡遊......
以下呢堆慢慢睇下啦~
我比較喜歡小飛象~
公主塊面唔識發光，睇佢唔到XD
終於曲終人散了~~~~~
唔想拎都好，最後都禁不住買咗呢堆~
我個心由入場前已經飛咗去姆明度﹗
杯杯都想飲啊~~~~~
以為係杯麵，原來係杯湯~
揀咗杯Mix莓牛奶，十個好飲﹗
仲送埋粒可以插響筆的裝飾畀你~
地毯Cute爆~
夜晚出咗嚟呢個美食廣場晚飯~
睇晒個Menu，我最想食兒童餐.....
不過我理智地揀咗個意粉+咖哩飯~
老公又食漢堡扒咖哩蛋包飯......
佢真係日日食都唔厭@,@
呢間~
叫蘋果樹？
回程時，在LAWSON喪買飲料，
冇諗過係咪會響日本飲晒先走，淨係想買買買﹗
飽到癲，都要整番杯櫻花雪糕~
好好味啊...........好懷念啊...........
我真係買咗好少.......
香港都有的阿婆薯條，759賣十幾蚊包，
Citysuper賣緊廿幾蚊，
日本便利店.....港幣7、8蚊咋............唔執番兩包上機會揼心口﹗
冇啦，呢日最唔特別 (我覺得)
但又好似點都應該去下.....XD
Day 5再會~
沒有留言:
張貼留言