2013年11月16日，老公生日前一天，
突然想去趣屋懷舊下，
話說5年前我曾經偷偷約埋佢的知心好友同佢響呢度做生日，
令佢永世難忘咁話。
老公Pre Bday快樂~
餐桌紙新潮咗，多咗英文，冇咗中文....
但max埋個中式筷子套又幾好笑~
餐叫檸樂唔駛加錢﹗爽~
除咗勁懷舊海報外，牆上仲貼了很多跟食客的歡樂時光照~
唔知點解老公去親西餐廳都會叫番中式菜呢.....
我就中意佢個田螺﹗每次必食~~
黑松露菌汁牛柳好嫩口~
趣屋令人上癮之處，係佢每晚都有歌手唱live，
首首經典懷舊金曲，後生仔都一定識﹗
今晚食食下飯，女員工走過來派咗張紙，
原來通知我地趣屋明年1月28日結業，噢撈!!!!!!!!!!!!!!!!!!!
呢首歌，係趣屋粉絲特別作來送別佢......
唉，消息令人震驚，每張枱的食客都傳來失落之聲 :(((
其實我只來過3、4次，但已經有好多美好回憶，的確十分不捨，
更何況現場熟客多數是夫婦，真的是聽歌知音人!!!
食物不算貴，仲有免費靚歌送飯，再貴d都值啦~~
真係好抵啊!!!!
除咗跟隨父母前來的小朋友，相信我同老公算係全場最後生的夫婦~
間餐廳真係好好好有feel~~~
今晚的歌手叫Derek，把聲靚到爆，
真係坐咗我兩個幾鐘唔願走﹗
隨時可以點歌，簡直係個小型音樂會~
趣屋令人最窩心的人情味﹗
唔會趕你走仲主動斟熱水畀你叫你坐多陣，
我係會員但已冇續會，佢都唔駛我出示證明或問我拎資料，
就主動畀番個折我地，
哇.......雖然唔係咩，但呢個年代有咁既服務態度就係難能可貴﹗
難得唔會嘈到甩肺的餐廳，每枱客人都係用心聽歌，
十分尊重歌手和其他食客~
明晚﹗老公生日正日仲有冬日濃情金曲夜，
可惜今晚去了，明晚也有節目呢~
不變的這個鞦韆椅，食完飯必影~
個牆靚咗~
如果唔介意畀蚊咬或大風，係可以出露天位食飯架~
已決定同老公來多幾次，仲要相約好友gathering!!!
唉，又係重建累事，重建重建重建，點解重建就不能保留？﹗
永遠懷念趣屋餐廳.........
2008年11月15日，
老公完全唔知我夾埋佢d朋友同佢慶祝，
仲即場點咗首生日歌畀佢，
簡單就是美好回憶~
仲有禮物拆，睇佢幾開心~
果期仲興awfully choclate cake，超級好味~
當年的餐桌紙咪幾靚~
枱面仲有蠟燭，十分浪漫~
當時的歌手，咦，後面落地玻璃冇遮喎果陣~
2009年1月21日 菠蘿頭(係咪？)新年團拜
睇下我地幾喪......
指定Dress Code：紅色﹗XDDD
仲要霸咗出面張枱交換禮物哈哈哈~~~
我地簡直同張枱融為一體.........XDDD
黐地示範圖~~XDD
當年VS今日
(2008)
(2013)
趣屋1988年開業，已經營25個年頭，
睇見其他中年夫婦過來晚飯後靜靜地聽歌，
呢個憧憬實在無法兌現了...........
期望未來會再度重臨，有好過冇啦>.<
大家都趁手喇~
地址：何文田文福5號地下
沒有留言:
張貼留言