2013年11月26日，結婚第364天，
撞唔正放假日子，兩公婆唯有咇兩日時間特登請假去玩去癲~~XD
原本想睇水舞間，點知撞正人地休演(....)
唔想再去漁人碼頭、大三巴、觀音像、媽閣的景緻真優美的我，
嘔咗一晚時間去plan二級hea行程，
我相信我介紹的地方大把人去過，但網上硬係搵唔到就手資料同旅遊心得，
激屎，咁等我益下街坊啦﹗XD
一落船，即刻搭的士去第一站：路環﹗
呢個trip豪在我要求全程搭的士，因為plan後發現各景點相距甚遠，
得一日時間唔想浪費在等巴士上~
我提議自己包車馬費零食手信﹗(唔實際型)
老公負責大額吃喝玩樂+船票XDD (超實際型)
第一程車就搭咗我104元，但講真我預咗，
望下地圖哇~ 外港碼頭去路環根本係一頭一尾，
究竟去邊咁巴閉？
咪就係呢間：安德魯餅店~
威尼B人都有分店，但我堅持去呢間山卡啦，
因為睇中佢周邊冇熟悉景物，
啱晒中意探索新事物的我們~
有乜探索？睇落去吧.....
聞說安德魯是澳門葡撻始祖，1989年開業，
佢地改良咗傳統葡撻用豬油的製法，
增加蛋黃同忌廉的份量，蛋漿又加入奶油，
所以餡滑而皮酥脆，
老老實實我唔中意酥皮蛋撻，但安德魯葡撻真係1000000個好食﹗
我而家先第一次食，已經比好多食家朋友落後喇~~~~~:S
(上面果隻烤雞脾冇試)
葡撻外仲有好多批，
好多蛋糕好多曲奇，
約略揀咗三樣想試的，極速比錢﹗撇s~
走到店外坐低即刻嘆新鮮熱辣靚葡撻﹗
哇~~~~真係香氣撲鼻夠份量，
8蚊一個絕對值﹗
搭咗成舊水的士，就係為咗品嚐呢舊人間美味~~~~~
蛋豐厚軟綿有彈性，影咁耐相依然鬆脆唔油膩，
點解會咁好食？﹗﹗﹗
我恨自己個胃只能容得下一個，因為稍後有更多野食.......
加杯檸檬汁消化下先，哇好freshhhhh呀~~~好似12蚊左近~
認住呢間店，
好笑是上車時同司機講路環撻沙街，佢唔識﹗﹗
一講安德魯佢就識~
仲話：啊~~你地想去食葡撻丫嘛﹗
係呀係呀.....
食完頭盤周圍街，
真係堅中意澳門保留葡萄牙殖民時期的建築特色，
爛到咁都係靚XD
一路沿海邊走，經過一條好似鯉魚門的法式村落，
往前走仲有海味賣，
地下階磚幾有風味~
行到路環碼頭，景色一望無際，
你去澳門有冇去過？
環境幽靜，但真係四野無人，連巴士都唔多架，
但我地未諗住走，因為要去搵下個景點﹗
途中經過恐怖片場景一樣的船廠，
真係日光日白行過都令人毛骨悚然=P
但地圖話啱，個隱世店係呢個方向，
唯有繼續走走走~~~~
走了不知多少分鐘，終於搵到呢間隱沒在船廠內的：
漢記咖啡﹗
主打賣乜？咪就係手打咖啡﹗XD
平日都咁多人，d人究竟點解咁得閒嚟？
唔通個個是遊客？山卡啦嚟喎~~
老公一見個門口就話好特別，
當然佢係全程唔知我帶佢去邊既~
反正講咗佢都失憶架啦XD
望下餐牌幾鬼好笑，辣魚公米粉，標明辣魚係成罐的﹗XDD
同枱的澳門男生就有一個點呢款，大開眼界~
手打麵就食過，手打咖啡真係第一次飲~
有咩特別？
你睇﹗掛杯架﹗
咖啡濃郁到掛杯，真係睇見都流口水.....
多得攝記同事早前在fb分享我才有幸將佢plan在行程內~
杯野都係15蚊only~真係超好飲﹗
其實質地唔係我想像到好似飲酸乳咁，
但味道香濃幼滑令人難以忘懷，
我恨我個胃容不下一整杯，因為之後仲有好多野食.......
還柯打了馳名豬扒包﹗
真係等咗成半粒鐘..............
但佢餐牌真係標明人手不足要稍候，
的確係得3個人招呼30幾人.....
咪講笑，即叫即製係唔同，又係脆到爆炸﹗
不過塊豬扒冇起骨，扣少少分啦~
我仲好想試埋個豬扒蛋多士囉......
用柴火爐燒熱水煲咖啡，真係同炭爐打邊爐一樣咁有人情味~
埋單都係32蚊，抵玩~
認住荔枝碗村呢個牌行入去就搵到~
話說澳門好難截的士，
原來當你有心豪駛的時候個天卻唔一定畀你豪.......
好好彩，響荒山野嶺截到車即刻飛去馬場﹗
係去馬場隔離的布拉格街，
搵路邊的卡夫卡KAFKA~
車費大約40元~
的確因為令我想起村上春樹的海邊的卡夫卡，
所以好想來一趟~
店子去年1月開業，仲要係澳門首間法式甜品店咁話，
不過KAFKA的名子是取自奧地利小說家Franz Kafka，
因為佢正正出生於布拉格，所以店舖選址就在氹仔布拉格街.....
(又提提你，澳門司機又係唔識邊條布拉格街，
同佢講去「馬場悅景峰」就得...)
甜品設計不比香港遜色，d名仲好靚添~
二十首情詩、覆盆子的圓舞曲、甜蜜約會.....
你話我點可以唔留番個胃...........!!!!!
結果我揀咗呢個青BB的都路里，38元
唔知係咪取自京都著名「茶寮都路里」呢？
因為佢地出名抹茶點心~
坦白說呢個甜到我癲，吔咗幾啖就叫老公包底XDD
由於正值午飯時間，所以還點了卡邦拿意粉 65元
蛋同奶油香氣四溢，超級好好好好味﹗﹗
看似好細碟，但我地夠晒飽，
可能有葡撻咖啡豬扒包打底吧？
睇下老公都話d野食靚，狂影相XD
我反而覺得店子有台灣cafe味道，
牆上掛著的情詩真係冧爆你~
最後上枱的重點甜品﹗抹茶窩夫~~~
慶幸我同老公都好中意抹茶口味，食極唔厭~
設計真係靚到哇一聲............都好似50幾蚊咋.....好好食﹗
手痕友用食淨的抹茶醬畫咗隻碟，係咪好浪漫先？XDD
店內有書睇，仲有刊物免費取，
拿了一本留念，原來是介紹澳門所有特色cafe﹗實用相又靚~
店子唔大，好彩平日來有位機會高~
門外大玻璃窗亦印上情詩，正~
第四站﹗決定去埋威尼B人，
實不相瞞真係未去過，因為上次來澳門佢剛開幕，
新到旅遊書未update，我就唔記得plan埋喇XDDD
繼續等運到地截的士，好好彩又截到，
轉個彎大約20蚊就到~
車站好多旅行團，多到好恐怖，
四周設計令我以為自己去咗迪迪尼......
嗯，果然聞名不如一見，
運河區真係好靚喎~~~~~
其實坐程船仔都係120蚊左右，
船程都算長，好彩的話可以遇到識唱歌劇的船夫，
歌聲美妙得驚人﹗
呢間貢多拿紀念品的精品都幾有特色，
但我地係吉手而回，
因為睇中的面具好鬼貴=P
臨近5點，終於捨得從氹仔過番澳門~
一上的士又遇到司機唔識路....(真係唔係路囉)
我話去「風堂區」和平斜巷，
點知畀佢載咗去「瘋堂斜巷」，堅好笑XDD
但好彩呢度都係行程之列，
不過有諗過因時間不足而放棄姐~
呢程搭左70元~
瘋堂區舊稱望德堂坊，係昔日華人天主教徒聚居地，
因為區內以前有間痲瘋病院，所以就有瘋堂區之稱，
而家呢度已經變成藝術展覽場地，
藝術人必到﹗
澳門政府能活化古跡做各項活動，
呢次去到見到有年青人搭緊(定拆緊？)台搞fashion show，
真心想睇不過遇唔正~
下圖呢間係仁慈堂婆仔屋，
想去呢度同司機講婆仔屋佢就識路喇，
千祈唔好講乜區同乜街，佢地係唔明既.....
建築真係靚到令人著迷.....
入面有間由葡萄牙女生開的小物店，
好有fu的說~
佢話d肥皂全部都來自葡萄牙，
好多都係有機，而且包裝真係好靚啊~~~~~~
但係價錢都唔平啊~~~~~~:p
禮貌問佢介唔介意我影相，佢十分welcome~
朱古力肥皂，由頭臉到腳都用得﹗
買咗都唔捨得用~
婆仔屋行上d，就係「瘋堂十號創意園」，
呢期我地遇到牛仔展呀~~LUCKY﹗
成塊地咁大的棋~
呢d景影相最good fit，
但我慶幸遇唔到人嚟影婚紗相阻我睇展覽XDDD
超多漫畫任睇~
真係睇到我地不亦樂乎~
仲欣賞到真跡~
牛仔展外，成幢樓有3層高，
每層都有不同房間展出不同作家的作品~
呢塊玩具砌圖我同老公細個都玩過﹗
大家都係響書報攤買架喎XD
玩夜光的畫展都有﹗
仲有角落畀人任畫任砌任玩~
有人對春日部有印象嗎？XD
玩到日落，仲有一站未去，
二人急急碌落山截的士，
沿途經過澳門演藝學院，原來係咁樣架喎﹗
沿途又遇到禮記雪糕，
嘿，上次特登想搵又搵唔到，
今次唔食又遇到......
唔食都影張相先~下次嚟﹗
由於下一個景點收7pm，
我地遇著的士交更冇車載，
邊行邊截都已經入黑，最終決定放棄最後一站 :s
邊站？下次去完再寫XDDD
由婆仔屋行去大三巴，你可以搵下地圖我地行咗幾遠~
雖然天黑，其實都係6點幾咋~
好彩見到議事亭前地有燈飾睇喎，
仲係係試燈XDD
有冇人知連籮C灘都開cafe呀？
係繼日本同台灣之後第三站喎，
但仲未開業呢~唔知有冇high tea食？
老公承諾下次同我來吃XD
時間不早，又要搵食，
作為playing planner的我梗係做足功課﹗
去咗呢間有三層高的葡國菜餐廳~
嘆支葡國汽水先，好飲喎﹗
位於新馬路大堂街的Restaurante ESCADA~
就響郵局對面，超易搵~
點解揀呢間？
我都係睇下Openrice，望下食客推介，
如果食物ok，我未試過，環境別緻又唔難搵，
價錢合理有啱食東西，就係選擇之列架喇~
我都係凡人，唔好以為我做過飲食版就變咗飲食地圖......
我搵到，你有心一樣搵到~
有露天位置真一流﹗遇著當晚溫度適中，
真係好舒服啊~~~~
不過就暗到好難影靚相XD
燒葡國腸，好似玩放火咁，好好笑~
即場有人同你燒完仲切埋，
全程都玩咗幾分鐘，老公仲走去拍片....XD
佢超讚呢個腸，讚到第二日返咗香港都回味緊，
話味道勁似佢食過的日本沙樂美腸零食喎~
馬介休薯球，呢個又係超級好食﹗(究竟我有乜係覺得唔好食？)
但不能不推推推推推介﹗
哇呢個焗鴨飯不得了﹗
我食咗一啖即刻讚到佢第二日，
同老公中意個腸的程度有過之而無不及﹗﹗
所以話要行程完滿真係要plan架~~~~
外貌好靚~~
門口又好靚~
強勁推介﹗
食完行番落大三巴，經過熟悉的耶穌在馬槽裏情景~
好美的教堂~
最後一站真係大三巴喇~~
呢個左中右構圖係咪好爆先？XDD
如果唔駛搭來回兩粒鐘船咁耐，
我都唔會隔咁耐先嚟一次~
咦，原來大三巴上面仲可玩多站，
哪咤展覽館，不過已閉館，就在外面行下吧~
後面是民居，成個氛圍都好特別~
回程了，去搵的士搭呀~~~
行到對腳都叫夠皮~
澳門下次見~XD
我想話呢本響碼頭拎的地圖真係超...............廢~
上網自己摷地圖仲好﹗
總結：澳門一天遊二人豪駛團
合共用了1600元
連船票車費食玩買，
抵唔抵就見仁見智喇，
不過一定比住晚威尼B人平囉XDDDD
大家都plan下同另一半玩番日啦~
沒有留言:
張貼留言