25-02-2015 星期三 (年初七)
第五天，集中火力遊名古屋﹗
呢日的景點均圍繞於三個地鐵站，
包括市役所、大須觀音和榮，
在酒店位處的伏見站，每個地方只有一至三個站車程﹗
雖是第五天，其實也是最後一天，
因為第六天就搭早機走了，T.T
好喜歡Hilton這扇窗，一大早就看著自然光而醒~
這天早上霧很大~
這次遊日前，在香港的Aeon 12蚊店看到這個保暖頸套，
十分好用，又軟又容易收藏，
連日來我就帶著它去闖蕩，推介入手﹗(但又到夏天了XD)
最後一天才記得拍一下酒店外貌，
住得很滿意，服務一流~
沒有吃便利店的麵包做早餐，
最後一天當然要食好d﹗
打算隨意地踫到想吃的就去~~
相距酒店大約兩個街口，就看到這家小小Coffee Shop，
一秒就知很是我杯茶~~~
讓人猶豫了數秒的，
是小店沒有英文餐牌，要吃什麼看得明嗎？
旅行就是亂踫好玩﹗
有什麼不可？入到去再算~
雅致又溫馨的小格局，
令我很期待內裏是什麼樣子~
走條小樓梯才到真正入口，
好神秘、好私隱，大愛﹗
不出所料，真的沒有英文餐牌，
但驚喜的是年青的女店員操尚算流利的英語表示，
她可以為我們介紹餐牌上所有食品﹗
落好order後耐心等待，是連日來最Relax的一天~
四處看看拍拍，的確是間很舒適的小店~
書架有一大堆不同類型的書籍供借閱，
很多也是新一期的~
這本好啱睇，在香港從沒為意，
後來我回港後在日本書店再遇到，也就直接買一本﹗
好美的粉盒，但在日本找不到哪裏有賣~
我的紅茶來了，杯碟好美~~
點了一客小倉紅豆多士，
就是因為店員說了一句這是名古屋名物~XD
果然好吃得緊要!!!!!!
另外一客，也算是餐牌上最豐富的配搭，
多士、沙律、烚蛋，有夠健康了吧？
日本讓我最難忘的美食之一，必有多士的份兒~
為何那種外脆內軟的口感，在香港這個美食天堂就是找不到？
簡單的薯仔鮮果沙律，份量剛好~
精彩的一天，由這頓早點開始了﹗
埋單70多元，其實也不便宜，
但這種閒情逸致啊~~~~在港買不到~
滿足不是來自份量，而是來自物有所值~XD
小店佈置一點也不馬虎~
有機會，找家沒有外語餐牌的去光顧，
保證夠地道~XD
小店叫Salty Sugar，伏見站7號出口直行一至兩個街口~
日本街道到處都有藝術品，這是城市的可貴之處~
今天要遊走於幾個車站，所以去買一日乘車券最著數~
單程平均 200yen，一日券售 740yen，
坐四程回本~
第一站：名古屋城﹗(市役所站)
連地鐵站外貌也配合了景點的主題~
走大概 5至8分鐘就到~
日本三大名城當中，
之前去過大阪城，今次就去名古屋城，
下次去埋熊本城，就集齊郵了~XD
今次不會久留，純粹想到大天守看看，
其他的，沒時間慢遊了~
沿途遇見一舊薑~XDD (似姐......我都唔知咩嚟)
再往前走，見到一群可愛的鴨仔~~~
真係好卡娃依~~~~~
呢個年紀還充滿童真吧？
愈來愈接近了~~
日本的公園就是很大~
來到入口了~
這座金光閃閃的，
是名古屋市最具代表性的本丸御殿，
曾於二次大戰時被美軍炸毀，
2013年中完成重建並重新開放予遊客參觀~
但我們沒進，因為要除鞋.......有點論盡~
(記得唔好著綁帶鞋去)
轉個彎，就見到大天守~
好宏偉啊~~~一共有七層高~
我隻手就是自拍神棍﹗XD
咦，咪住，好似有野食喎.....
咁大個小食亭點會走漏眼...@,@
想食野，要先到自助販賣機買票，
後到小食亭領取~
其實我都唔識睇日文架~咁點算？
咪記住你想食果樣野係寫住乜東東，
就照住堆乜東東去搵番個掣按咪得~XDDD
(呢個販買機真係唔係樣樣有圖睇XP)
320yen食條腸~
吖又幾好食，熱辣辣架喎~
在名城前吔香腸，幾有意境~~~XDD
食完就出發~ 去到個頂就Mission Complete喇﹗
一入門口，咁多公仔呢？
望真d，好搞笑喎d造型~~
古代人戴住安全頭盔？
我估佢地係想表達下個名城的重建故事呱？
今次的旅程正踩在昇龍道之上~~
個名幾型~
咦，朱咪咪呀﹗XD
公仔手上拎住的，就係我地拎住果d旅遊資料同地圖，
好得意呀~~XD
建於天守上的金鯱最具代表性，
是日本現存歷史上最悠久的，
江戶時代製造，所以名古屋城也有金鯱城之稱。
七層高，梗係搭電梯上到頂再慢慢行落嚟啦~
行樓梯都得，
設計上分咗上和落的入口，
咁上上落落就唔會同逆行的人撞到九彩，
好聰明的設計，方便打仗~
大天守頂層，可飽覽名古屋市美景~
東南西北都看過一遍~
頂樓設有紀念品店，
但我看上的是這幾部金幣機~
選了名城圖案的，好精緻~
收藏起來也不佔空間~
木雕壁畫~
睇完，開始落去逐層快睇~
原來德川家康係咁既樣~
好靚的模型~
好似真人啊，我以為是真人來﹗XD
原來可以嘗試搬石有幾重~
我梗係試﹗XDD都幾重~
場內也展示了名城舊時的生活面貌~
呢個係橋，畀女人坐既~
咁細，坐到都好辛苦咁......
究竟係坐幾多人架呢？3個？唔係嘛..........
6個？冇可能呀嘛..........
識日文的朋友幫我解開呢個謎團~XD
連以前d人食咩都有模型睇，
哇.......好好食咁款~
其實以前同現在，日本人食既野都冇太大分別喎﹗
真品，最中意睇呢d﹗
房間的設計真係好奢華~~~~
睇到把刀，想起了切腹之痛~
連把劍的手把位都要玩設計~
呢個就係當年美軍投下的炸彈~(殼？)
炸到一片頹垣敗瓦~
把名城縮細咗的模型~
咁大，我地淨係行咗外皮呢個位.......
行完~
離開天守了~~
呢日好熱，老公請我飲果汁~XD
出口了，拜拜名古屋城~~
出發去第二站﹗地鐵口前有個伯伯叫賣~
(其實上來時也見到他)
最中意幫襯小檔攤，好啦買一個﹗我要櫻餅~
伯伯好主動同我地傾偈，
知道我們從香港過來，
竟又說了一句：好食﹗(和之前遇到人一樣XD)
很好人又隨和的伯伯，好enjoy我地影佢~
自製櫻餅，我估可能係佢整，也有機會是他的太太整吧？
超超超級驚艷咁好味!!!!!!!!!!
我以為好甜，所以只買了一個，
但甜味剛剛好，十分新鮮軟糯~~~
還有滿咀櫻花香~~
趕住搭車去大須，
我終於忍唔住響月台影佢，
日本劉丹~XDDD
前往大須中~
坐了數天名古屋地鐵，
真的沒有遇過有電梯搭........次次行餐懵~
若與老幼同行比較辛苦~
老公想看大須觀音，和逛逛大須商店街~
上了地面在外街找，
發現這裏是個幽靜的小區~
有四川麻辣燙﹗
到了大須商店街入口~
有台灣麵吃~
有很多日本人也來遊覽，
我遇上了日本人向我問路呢...........(即是我似日本妹？XD)
雖然步伐少少急，但見到想看的都能極速剎掣~XD
是令老公心心眼的玩具店~
我：入啦~
佢：你真係畀我睇？
我：點解唔畀啊？想睇唔入實後悔﹗XD
其實我都想睇~
雖然玩具唔係我杯茶，
但八掛一下也無妨~
結果，係我率先響店破咗財？﹗
可愛的杯緣子啊~~~~
全套扭蛋六個勁減到 1529yen，即買一Set﹗
文末分享~
原本想去咗大須觀音先，但搵唔到，
就先入商店街再找，
又畀我見到美食喇................
咁多人排隊既？﹗﹗
看看海報，原來是鯛魚燒啊，朱古力餡~~~
看似好美味啊~~~~但人龍實在太長，
排隊花的時間對我們來說太奢侈了.....XP
老公拿了商店介紹小冊子~
昨夜才在電視節目裏看到大須的介紹，今天就來了，
感覺有趣~
不如,....食呢個吖~
響香港我都成日幫襯，好好食~
日本呢邊咁多款揀~~~哇......款款都想食@,@
日本整既會唔會仲好食d？
最後我揀咗蛋沙律八爪魚丸，
不不不得了~~~~~我畀11粒星嗚哇~~~~
咁樣MIX點解會好食架吖~~~~!!!! 必食!!!!
食飽咗，隔離檔鯛魚燒又冇人排了，嘿~
繼續行，在日本已逛過無數的商店街~
也許對我來說不再新鮮，
所以可快走~
當然，每個地方的商店街也有別緻的商店~
老公慨嘆冇時間去女僕Cafe見識~~
因為我地今次想去貓貓Cafe~XD
噢賣噶!!!! 到我要心心眼的Vintage店~~~
招牌實在太吸引~~~~
每次都想到My Friend Mrs Vintage~
為免老公在樓下呆等，我要極速逛一圈~~
嘻嘻，點都買到野既.....
隔離舖見到個扭蛋機，想要，立刻投幣﹗
咦，唔得既,,,,,,,,,,
向職員求助，原來要用300yen去換佢呢個代幣先玩到 =.="
我果三個100yen要逐個dun番出來...XD
原來是襟章，原創，也不錯啦~
繼續扭蛋，貓貓﹗送了一個給老公~
爆谷機﹗是古董嗎？
終於找到大須觀音~~~
點解老公欽點要來呢？
原來大須觀音是日本三大觀音之一，
觀音堂於1333年建成，
在第二次世界大戰的名古屋空襲中被燒毀 (噢撈)
現時的觀音堂於1970年重建，
周邊的大須商店街亦因大須觀音而得名，
每年除夕都有多達50萬人參加敲鐘儀式，十分熱鬧~
那天，我們看見了電視台來拍攝~
不知道拍什麼，
但看到一輛會唱歌的卡通車吸引了無數小學生圍觀~
也值得來看看吧~
又走回去商店街了，這次可以慢慢逛~
一到入口，就見到誘人的蛋撻.....
海報設計好吸引~
War Game場？
我又想起了另一位朋友田少...XD
再往前走，啊？呢間咁得意既？
d人要彎低身先入到去？
是什麼玩意呢？
店子名叫Alice on Wednesday~
擺明玩愛麗絲夢遊仙境吧？
原來日本有很多地方如東京、大阪都有分店，
店內玩埋主題，
劃分咗「赤之女王房間」(飾物精品雜貨區)和
「白色女王房間」(糖果區)，
裝修好美好夢幻，就好似去咗主題樂園咁款~
甫內進，就看到頭頂掛滿啤牌~~~
由於當日店內迫滿人，燈光也十分暗，
所以沒特別拍照，
以下兩張是取自網絡的資料圖片~
店內空間其實不多，日本妹也和港女沒有分別，
就是賴死在同一個位置不肯走XDD
所以睇得我好辛苦，不過望到d精品飾物的價錢唔貴，
睇中咗就快搶!!!!
行過隔離糖果區，有好多精美到爆的造型餅乾，
還有爆谷和朱古力，
見到包裝都心花怒放...........人來呀.....綁住我啦....XP
睇咗好耐好耐，我終於捨得捐番出嚟.....XD
咁多度門，得一個係真，好搞笑~
去日本見到不妨貢入去睇下，小心荷包~
行完一條再一條，源源不絕的商店~~
坐到出門口的食也不會吸塵~
好靚喎，玩下先~~
幾襯我~XD
化妝品店MIX咗賣貓產品的角落~
日本街市~
成條街最多日本人幫襯的，(後面坐滿人等候)
竟然是台灣珍珠奶茶，30幾蚊港紙一杯，好貴喎!!!
昭和味濃的麵包店~
好想買來吃吃看~
入面一個人都冇？
看到內裏發黃的照片和古董時鐘呢~
究竟好冇食架呢？
仲有古董模型玩具實~~~正呀!
見唔到人，結果冇入去買~
我們的目標，是搵貓貓Cafe~
經過呢間賣Kebab的店，
只係停低望咗一眼，個鬼佬就係咁撩我埋去~XD
好隱秘的貓店，老公睇晒地圖咁搵~
搵到~~~個招牌﹗
原來樓下入口無指示，要行到上三樓先見到~
好興奮想看看，花點時間也值得吧？
可惜，撞正星期三不營業XD
無緣了~~下次吧~
還未醫肚，老公話去下一站先再吃的~
好多野賣，但我已拎夠喇.....
咦，老公夢寐以求的女僕Cafe啊~~
我又要做女僕~
入型入格~XDDDDD
既然要食飯，不如食呢間啦﹗
我都想見識下啊~~
老公當然舉機贊成﹗XD
但係呢，原來女僕Cafe係有規距要遵守的，
就係：唔畀影相XDDDDD
現場環境同女僕都唔可以影，
我地唯有喪影Menu.....HAHAHA....
食物賣相真係好精美啊~~
又令我想起另一個朋友Candace Mama~XD
佢整的卡通便當仲靚過呢d囉~就快出書添~
不過呢度係target宅男kekekeke.....
可惜拍唔低所見所聞，
其實我地入場時，遇著每小時一次的歌舞環節，
女僕又唱又跳令現場氣氛好高漲，
仲要係熄燈玩Mirror Ball果種，
雖然唔知佢唱乜，但d動漫歌節拍輕快，
真係會令人有好心情喎﹗
入座時，女僕嘰哩咕嚕講咗堆野，加埋手勢，
我都係唔明，
後來張單來到就明喇，原來除咗唔畀影相外，
仲要另收入場費，加埋餐飯，並不便宜~~
不過咁，都身在日本喇，梗係幫襯番呢度的女僕Cafe，
起碼正宗d，女僕年紀細d又Q d.....
我欣賞佢地對工作的投入、落力，
即使表演完咗，都會繼續周圍行去同客人傾偈，
問人需要乜，仲捧住d紀念品之類既問人買唔買，
而可以Keep住Hyper同Kawaii，
呢份工，唔易做﹗
戲肉來了，原來我地order的卡通飯，
係響你面前畫﹗
果然每個環節都充滿驚喜~
我諗應該冇人好似我地咁連拍佢唧公仔....XD
完成，算係好靚啊~~~~
重點是，個飯明明可以響廚房搞埋，
但個動作搬咗出嚟先做，就變咗表演啦﹗
莫講話宅男定毒男，
連我都覺得好好好正啊~~~
老公由咀角笑咗出嚟，
都唔爭在喇，呢餐我請客﹗XDD
上面個咖喱飯係我既，
老公揀咗下面呢款，冧冧熊一齊瞓蛋包飯~XDDD (個名我老作..)
繼續表演即場唧公仔XP
呢款好靚啊~~~
一場嚟到唔係食冇公仔果d意粉呀嘛？蝕架喎~
終於等齊兩個靚飯~~餓到爆﹗
女僕Cafe就只係咁？NO NO NO﹗
其實最最最好笑的，係每有食物或飲品上桌，
女僕都會要求客人跟住佢做萌爆動作，
唔做唔走，教到你識做為止，
即使我地完全溝通唔到，佢都好落力去教﹗﹗
今次好笑了，以我老公d對外咁正經的人嚟講，
要佢響大庭廣眾做Q爆動作？
我真係等睇戲呀~~~~XDDDDD
但最後，原來連我都要做，
連埋手勢UP幾句乜鬼MOE MOE CUTE~~~(再加個心形手勢作結)
就係咁，我學識咗MOE MOE即是萌的意思~~
萌え萌え~
有互動，人人有得參與，其實幾好玩吖，
香港果d女僕Cafe有冇呢d玩架？
(答案係冇，因為事後我鼓勵老公搵佢d Fd再去一次，
佢話香港的係英式Style，純粹主人前主人後，
頂多加個拉裙點頭的動作，Chur~~~~)
重點係，老公話個女僕零化妝，仲要戴眼鏡﹗
HAHAHAHA............
我已決定下次要去秋葉原的最毒女僕Cafe見識﹗嘿~
隔離枱的獨男見我地影得咁瘋狂，
竟然主動叫我地影埋佢果碟甜品!!!!!
呢一位，識英文架~~XD
Menu入面都有圖介紹Cafe有乜服務~
嗱嗱嗱，就係呢個動作喇，
萌え萌えCute~~
你諗下我老公個樣~XDDDD
由於我點的套餐，
係包括一個飯、一杯飲品，及一張和女僕合照的相片，
所以我地就揀咗最喜愛的卡娃依女僕妹妹合照~~
女僕可以自選，
相片只能拍一張(一係手機、一係相機@,@)
呢張相真係珍貴到一個點啊~~
女僕叫我地扮貓，結果我地變咗打拳HAHAHA......
咁多野玩仲未完﹗
因為食咗一個鐘後，又遇上第二場表演，
呢次女僕仲邀請現場的兩位客人出去助慶 (應該係熟客)
熟客自備螢光棒定雙截棍物體出去伴舞!!!!!!
由於台風勁過秋官，型過蔡瘋華，
我真係響暗角笑到崩淚啊頂............
不過咁，佢有個FUK手打圈動作好高難度，
我返酒店試做唔到，實在佩服到貼地，
好想老公做畀我睇~~XDD
客觀而論，女僕Cafe冇任何唔正經的感覺，
但食客外表十居其九似宅男or毒男又真 (都有靚仔食客)
如果有d人因為外表而在現實生活中被人排斥和抗拒，
只要花點錢就可來女僕Cafe得到被關注、被關心，又好Happy的感覺，
都不錯吖~又不是犯法~
除咗絕對領域外，d女僕都係包到上頸，打底褲密不透風，
根本冇野好睇，不過咁，
男人心事，女人識條眉咩~~XD
你有權唔畀老公去既~HAHAHA....
身心滿足後，下一站係：榮
老公想去睇Porter，搭完地鐵上地面巧見名古屋電視塔~
呢個戀人勝地我地就冇去喇~~
Central Park內有條地下街，
都係衣服鞋物店之類~
等過馬路，竟然見到摩天輪~
睇中的Porter已售罄，
咁就向下一站出發~~
入夜後，街景好美~~
到達了：Oasis 21
是名古屋地標之一，好Cyber Feel~
呢個購物地帶只有四層，
所謂的四層都幾搵笨，
由高到底分別係展望台、巴士站(係，全層)、
草地(係，佔一層)，及商舖和食店。
所以對我嚟講，我行完大運都只覺得呢個商場得一層XDDD
除咗變色，就是變色.....
後面又見到電視塔~
2002年落成，主體是水之宇宙船~
由底望上去又幾宏偉既~
終於變色，收工~XP
立刻走到最低點，第一眼望到的是溜冰場~
超微型溜冰場~
地庫的美食廣場~
宮崎駿專賣店，Donguri共和國~
姆明的產品有勁多啊，後來在尖沙咀LCX見到同一罐餅~
呢度d舖又係晨咁早收~
八點啦，你就唔駛行架喇~
但食肆會遲d閂既~
流動小食車，香港冇份了~
底層可以通到去地鐵站，
沿路可以去埋森之地下街~
d野Cheap到你唔會想買，可以不來~
好似行緊屋村商場咁...
返回名古屋站，
第一件事是要到名鐵Bus Center買聽日去機場的車票~
就響呢個高妹隔離，上條電梯就搵到~
唔知吹脹定唔吹脹，
山長水遠來到，d職員話冇飛賣，
只要聽日上車畀錢就得~
下.....堅唔堅架，我地睇旅遊書話要響呢度買咗先架喎~
結果，我地分別問咗三個職員，口供一致，咁冇法啦，
去醫肚先~
經過第一晚食完飯後乜都冇得買的慘痛經歷後，
呢晚我地梗係買咗手信先去排隊食野啦﹗
買咗呢支可樂橙，
伏味濃，真正可樂橙呀﹗別試~
眨下眼買完，即刻去排隊，
求先冇人，而家好多人﹗
好彩都係排幾個，
第一晚食唔到，今晚補返數~
又係睇名古屋TV見到節目上介紹，所以來吃吃看~
店名：山本屋本店
主打味噌烏冬，烏冬較硬身~
原來味噌煮烏冬是名古屋特產之一，
而這裏亦有另一家知名的山本屋總本家，
有的說這家好，有的說那家更讚，
唔理啦，都冇得揀了~XD
入座前，門口有個大櫃畀你放低行李雜物，
幾好啊~
究竟好冇食呢？
好多人，對住呢張大枱，全部都係香港人~
佢地講野唔大聲，我係唔會分辨到的~唉
附送的前菜，任吃~
蘿蔔、椰菜、青瓜都好爽口~
來了來了~~好期待吧~
望上去似咖喱烏冬多一點，
這是老公的~
這個是我的~
分別在於，我有肥美肉厚的蠔啊~~~~
成隻匙羹咁大﹗
呢度食烏冬的特色之一，
是用個蓋當碗兜住食~
碗野都已經鹹到我乜都唔駛落.....
但隻蠔最好味﹗超好味﹗
可能我中意食淋身烏冬，
呢度Sale硬，我就麻麻地~
有d唔滿足，老公叫我叫埋甜品~
飛驒牛奶茶雪糕﹗10個好味~~~
奶香，順滑，但太細球喇!!! XD
還點了一杯青BB的菜汁之類物體~
又玩即場shake~
有鋪連拍癮~~XP
好清新，好好飲，相信飲完會超級清腸胃~XD
唔算平，淨食個烏冬其實唔夠飽~
不過會好啱d中意麵豉、鹹味同硬烏冬的人~
就在JR名古屋站西口的Esca地下街內~
我還好想試這個特大炸蝦!!!!! 聞說有35cm長~~哇....
名古屋老麥的期間限定包，
好多人買，好貴，冇試，但好想試~~
成條街都係食街咁滯，仲有衫呀、精品呀、手信等等~
見到張海報，原來我買咗的Jagabee係限定版hoho~~
銀之時計，
仲記唔記得Day 1講過的金之時計呢？
食飽飽，就又返伏見了~
地鐵站這幅壁畫是12星座，好靚﹗
返上房放低戰利品抖兩下，
例牌又到樓下便利店掃貨~
上面個架唔係我掃架~~~
不過有咩賣令令咁瘋狂呢？陣間揭盅~
又買咗兩大袋~
好為食呀~~~~~~~~
櫻花限定版Asahi、Cocktail Jelly、咖啡Jelly，
咖啡Jelly最好味!!!!
因為全部期間限定，所以我失晒守....
畀人掃晒既，係叮噹飯糰同壽司啊~~~
我都唔執輸買番個﹗
後面大果個，係紅豆忌廉三文治，好味到爆晒燈........做咗老公早餐~
下面呢三個包，全部帶晒上機食~~
芝士白朱古力糯米糍、喉糖，
仲有女王橙味香口膠~XDD
我諗到送畀邊個了~
Alice on Wednesday戰利品~
士多啤梨朱古力、爆谷、耳環，
貓貓曲奇送給老公的~
對耳環，不到700yen，超級平啊~~~~
雖然係狗，照買咗先算XD
昭和服裝店搜刮到的好物，小圍裙一條~
1000yen only!!
杯緣子小姐，
是日本大熱的療癒系小玩意，
推出咗好多扭蛋公仔，
都係for人放響杯邊的小擺設，
官方的介紹是：降臨於杯緣的天使~
d動作真係好盞鬼，令人會心微笑~
甚至爆笑~
一套六款，最新出品~
剛好有運氣遇到，
我這種是置於杯底的啦，用透明玻璃杯先見到效果，
所以借咗酒店的杯一用 XD
黑貓絲襪，300yen 三件 @,@
吃的手信，今次買好少，因為個喼太細.....
山哥雞翼味米菓~辣的~好吃~
又係雞翼味，米餅~ 冇可能唔好吃~
古早包裝的麵餅，唔辣，但好吃~
翌日早機09:50，
07:50要到機場，酒店出發大概一個鐘，
要搭到06:28的機場巴士，
但我地06:10就到咗車站呆等~~
幾乎05:00就起身，但前一晚02:00都未瞓.....@,@
天黑等到天光，好甘~
Hilton拜拜~~
酒店行出去就有車站，非常極之方便﹗
對面馬路果間，就係我地去食的山哥喇~
去到我地度係第三站，
應該未坐滿人既，雖然都好淆底~
但在場仲有Pair港人排響後面，
應該同我地同一班機~
好眼瞓，上車即瞓﹗
話咁快又Check完in，
周圍睇下，除咗部分食店外，其他商店都未開~
中部國際機場原來好大、好靚、好多野賣~
呢次冇食呢隻出名的麵鼓豬扒~
乜都冇得買，嗚嗚~~太早喇~
呢期好似好hit的雞蛋~ 又係幾得意~
時間唔多，行個圈就要上機了~
呢程的飛機餐，竟然出奇地好味........
仲有Kit Kat~好過畀包餅我啦.....
天氣晴朗回港去~~
落機都係十二點左右~ 未試過咁早返~XD
拎埋行李，又完一個Trip~
終於見到肥豬女喇，
兩隻野即刻坐住行李箱唔畀走？XDD
呢個Trip逛了好多，分享了好多~
繼續期待下個遊記吧!!!
名古屋之旅 Happy Ending~:D
