27-11-2014 (星期四)
<續上篇>
第四站：海洋博公園 (美麗海水族館)。
全個Tour最期待的一定是這裏，
若去沖繩沒來走一趟，等於去香港唔行海港城......XD
非自駕人士最好跟團來，省昂貴車費同慳時間，
不過，自由活動時間只有2小時。
景點遠在山卡啦位置，
即使想自己搭巴士來也不好找~
旅遊車停泊後，我們跟隨導遊緩緩往下走~
2小時，是包括由停車場走下來、
以及稍後返上去的時間 @,@
其實都行了近15分鐘才到正門，好遠啊~~~~
自己來的話，周遭的美景是可以慢慢細賞的.....
真係行咗九萬世都未到，好熱啊~~~~~XD
到喇到喇!!!
公園四周都有這些噴霧裝置，
久唔久會爆發出來，
莫講話細路仔鍾意，大熱天時連大牛龜都要貢入去爽爽~XD
幾經艱辛終於行到入口，
駛唔駛咁大啊............個公園Orz~
嗱嗱聲入去嘆冷氣!
其實我的終極目標都只係想睇下個黑潮之海咋嘛~~
經過門口個池，順手摸下d海星同海參，
哇~手感好核突，嚇了一跳XD
一路往前走，都是又大又闊的玻璃，
可以清清楚楚欣賞到各類海洋生物~
咁靚......咁多....咁大......
如果同小朋友&老人家去，
都係最好自駕遊玩至少半日啦~
心裏帶著點焦急地來到最想看的：黑潮之海!!!
據知，黑潮之海是世界第三大水槽，水量達7,500公噸，
館內飼養的海洋生物達2.8萬隻，
品種超過750個~
有時間的話，你大可以坐響玻璃前邊吃美食邊欣賞巨魚~(霸到位的話)
相片無法呈現壯觀的感覺，
身在其中，你就會發出哇哇聲讚嘆，好靚啊~~~~
超級爆多人，唔緊要，
現場有個觀眾席畀你坐住慢慢睇~
好喇，我達成心願了~~
打後終於放慢腳步hea住行XDD
貼住塊幾層樓高的玻璃睇魚魚，
好震撼~
磨咗好耐先捨得走~
成個人咁巨型的魷魚？？
睇完~~~又到睇手信時間。
好多外面冇的精品，值得一買，
我就買咗雞泡魚牛油刀、螃蟹叉子、魚魚湯匙等~
精品店旁邊有個蓋印仔位置，
身上冇帶紙仔唔駛騰雞，
果度提供免費場刊專for你蓋印留念!
行落一層，睇d唔識郁的標本~
成隻異形咁，驚驚~~
離開主展館，外出走走，
原來四周仲有好幾個館未睇~
去探咗美人魚，肥嘟嘟，
超級卡娃依~~~~
工作人員執垃圾，都係表演一部份？？
睇過其他Blogger的Blog，
佢地會花三小時留在這裏，
因為園內有個小沙灘 (果個遠d影唔清楚)，
佢地志在來曬太陽~~
我地當然冇得咁奢侈，
唯有探下海龜~
館內會把體型同年齡不同的小龜分開飼養~
睇完龜，咦，呢邊咁多人既？
原來剛剛開始海豚表演~~~
我企正響工作人員身後，睇住佢餵魚~
食呢d~
好可愛啊~~~~
時間差不多要走了，望多幾眼吧~
沿路折返停車場，邊走邊影相~
呢個係剛才展館的入口~
海洋博拜拜~~
好熱，好趕，買支益力多速速上車休息~XD
第五站：名護菠蘿園。
(我係都要叫菠蘿園唔叫鳳梨園!!) XDDD
其實C團第五站會依據果日係單數定雙數日，
而安排去菠蘿園或另一景點。
單數日(名護菠蘿園)、雙數日(沖繩水果園)
呢度出名d，又有主題d，咁啱又撞正單數日，
合我何車~~~
入到園，你肯畀錢就可以坐車車兜一圈，
我冇興趣，比較想直接去買手信多d~XD
呢個景點擺明帶你去破財~
仲要落到地底咁款 XP
興致勃勃諗住大把野買，
點知，最值得買的菠蘿酒咁重，點拎啊？咪搞我~
不過現場可以盡情試飲到夠!
呢盒菠蘿咖哩貴到飛天，
心諗去759買盒都係幾蚊貨仔，
呢盒野.......要成30幾40蚊港紙，值唔值啊？
結果諗到去門口，都係決定買!
整畀老公食，值......
其他d菠蘿蛋糕、菠蘿朱古力，我就冇乜興趣了~~
反而臨上車前有個重要任務!
就係要嘆番杯菠蘿雪糕先啦啦啦~~~~好味!!
Chur爆你Day Tour告一段落。
玩完一日再坐番個幾鐘車，
就返到旭橋巴士總站了，
咪講笑，要返酒店抖下換件衫再去食飯......
好彩樓下有間大LAWSON~
為食精每日必逛。
喪心病狂咁買咗一堆薯片......同早餐~
叉咗一陣電，兩公婆又再出發去國際通!!
老公一早已經諗好要食呢間!
因為佢話個個Blogger都有食~(下.....)
究竟食乜架呢？
入到去分咗正常枱&捐窿枱，
老公竟然揀捐窿.......
要除鞋~
食飯前，其實我地已響條街血拼咗一輪，
因為國際通的店子平均9-10點休息，
但食肆多數去到11、12點，
所以買咗先食係好策略!
先來小吃，繼續沖繩特產，
苦瓜、豬肉、水雲~
主菜來了~
我們點了兩set，一set石垣牛，一set Agu豬，
兩種都是沖繩名物~
色澤鮮嫩、油脂分佈平均......睇見流口水.....
一個燒、一個烚~
咪講笑，真係冇得頂，推推推推介!!!
記得相信Blogger推介! XDDD
多謝老公帶我吃了豐富一餐，慶祝結婚兩週年~~<3
最後仲有雪糕甜品，我當然選了沖繩柑橘味和紅芋味啦~~~
(數唔數到我呢幾日食咗幾多款雪糕呢？XD)
幾張枱之隔，都有一家香港人~
食到呢個時候，
駐場表演者拉埋我地一齊JAM歌!!!
我獲派咗呢個樂器，一齊打拍子，
又幾好玩喎~~~~抵晒啦餐飯!
國際通有好多有餐廳，都有得睇傳統民族表演，
要邊種Style就要做定功課喇!
我就係食呢間，守禮~
麥當勞隔離，實搵到~
食到10點幾，攰到核爆，
仲要稱住幾大袋戰利品行十幾廿分鐘返酒店，
好甘啊~~~>.<
睇下，有人單係零食都買咗皮幾野.....XDD
下期預告：美國村失血驚魂。
