坐遊輪去台灣

啟德郵輪碼頭年中啟動，其實我是好期待的，

你估到出左海都可以玩飛索、旋轉木馬同踩冰嗎？

我真係好想試﹗

因為到時會有全球最大郵輪來港，隻船就有齊呢d玩意~

上年10月有幸因工上郵輪，但我會寫作遊輪，因為根本就係用來遊玩嘛~

跟Royal Caribbean Cruise皇家加勒比國際郵輪出trip六天，

第一次體驗極盡精彩的海上之旅，冇賣廣告，真係堅好玩﹗

 出發當天天氣良好，上船不久就要進行逃生演集，

但我個心已經去左個游泳池.......

 返回船倉攤抖，執好行李洗個臉就準備去餐廳晚飯﹗

哇~~~~~~任點任食﹗﹗頭盤、餐湯、主菜、甜品、飲品樣樣齊(心心眼~)

諗住今晚試A明晚試B，Oh Sorry，菜色係天天不同的﹗真是令人難以抉擇>.<

 話時話，我覺得好有Rose feel~哇.........個兩層餐廳Grand到呢.....

第一餐我梗係點牛﹗五星酒店質素，超水準﹗個薯蓉仲超班呀﹗﹗﹗

同行友伴的三文魚扒，睇見好回味............

食飽飯，拉小隊上甲板睇夜景，月夜風高殺蟲夜XD
出了大海，超級大風﹗講鬼故一流=P

 翌日朝早衝上甲板曬日光，好爽呀~~~~~~~~~~好靚的藍天白雲呀﹗

 

 咁早就有人游水了，呢個View真係百看不厭~

 想U jump I jump，其實做唔到架，跳落去頭都撞穿XDDD

 果頭嘆完早餐，話咁快又食午餐，希臘沙律超級新鮮美味，仲好大盤>w<

烤雞意粉又係果句，堅好味.......

第二日去到高雄香蕉碼頭，好多台灣人響岸邊揮手迎賓啊，好搞笑﹗

碼頭旁邊有文化觀光館，微型的，特產、水果乜都有得賣，仲有小展覽，
唉，香港呢？大型商場歡迎你~ 

 高雄市，成條街最多雪花冰，但間間都生存到喎。

同行十幾人去左大碗公食大碗冰，一碗齊分都食唔晒，

冒險王都介紹過=p

呢日的旅程先剛剛開始咋﹗嘆碗冰先啦~~~好懷念啊﹗

餵主人食藥之挑戰

養開貓的老公認為餵藥、剪指甲、滴眼藥水等，都是貓奴的極大挑戰，

於我而言：世上無難事丫~

接貓首天慶幸有待養主人蝦仔教齊以上技巧，心都定晒~

雖然第一次我手都震晒 XD

 大女Miku懶洋洋地瞓響媽咪肚腩，第一次覺得個肚腩咁實用﹗

就快痊癒的小貓都好精靈活潑，多得蝦仔悉心照料到好好先帶過來畀我地接手。

姐妹倆可以呢頭打一餐，果頭又依偎在一起看姐妹淘XDD，咁細個就想上節目大變身..

 

 今晚，新手貓奴要獨自處理餵藥、滴眼藥水，老豆果然將重任交晒畀我，

咁我派番佢去影相做記錄啦~

同佢地玩了一晚，已懂得拿捏hold住的力度，之前都會擔心把牠們弄痛，今次我好鎮定喇~

先捉了Nana來餵，你睇你睇佢副哀求的表情.......：媽咪我唔想食呀~~~~

 蝦仔教，擺左粒藥落口可以幫佢地掃掃，安撫下佢啦~ 

因為貓仔仲係Baby，半粒藥都仲要mit開一半，即係.......餵藥動作要重覆兩次﹗慘豬呢~

單手掹大佢個口，其實我好溫柔架~ 乖過我細個食藥果陣啦.....XD

粒藥放近喉嚨，輕輕合埋佢個口，

我望住佢不停讚：Nana好叻女喎，好乖好抵錫啊......(下刪一百句肉麻讚好)

佢好無奈，又似乎識聽haha~

 

 嗱嗱嗱~~黎到滴眼藥水，睇佢幾掙扎，陰公豬~

 輪到餵Miku，其實半粒藥之外，仲要餵Pat野(我唔記得係乜)，

先用針筒吱少少出來塗在手指頭，再掹大佢個口high落佢條脷度，難呀呢？(我覺得易過餵粒狀藥)

睇下佢，難食到翻眼@,@

Miku食藥好爽手，但對前腿不停同我自由搏擊，我仿佛聽到佢叫：唔要呀唔要呀停手呀停手呀~~XD

 Miku幾叻，滴眼藥水乾淨利落，果然有家姐風範﹗

 今晚出去買左兩把指甲鉗，阿媽屎忽痕想搵貓黎試，

點解兩把？因為一把剪Baby，一把等佢地大個用........(48孝父母XDD)

Nana話：我禽日入門時先畀你剪完咋喎﹗又剪？我點整gel nail呀？﹗﹗

 好啦好啦唔剪你喇，呵番豬~~

 搗蛋鬼Miku

好易認，好似我咁有瀏海的就係佢﹗

今日我和老公都覺得周身骨痛，放佢地出籠周圍標，捉佢地都夠減肥XDDD

婚後咁耐都未試過瞓到中午12點仲係不省人事，就知我地攰到爆燈﹗

但見到佢地咁鬼馬好玩，畀抱又識嗲，真係全身散晒都係冧~

特別鳴謝老公提供優質相片﹗各位enjoy~ 

主人翻轉我屋企

有心理準備第一晚冇覺好瞓，諗住會成晚聽到喵喵叫 XD

新手貓奴外出晚飯後即回家梳洗，還開放私家大床恭候兩位少主，

二主一上床即展開探索之旅，聞下奴隸陣除有幾臭，

同留下自己陣臭豬除=P

玩到累(係我)，靈機一觸發動搓肚肚攻勢，

搓呀搓~~~果然見效，兩隻女瞓到豬咁樣kakaka.....

 豬一號：Nana，由媽媽搓肚肚

 豬二號：Miku，由爸爸搓肚肚

 同眠半粒鐘(都算幾耐)，聽到爸爸按鍵盤立即醒來，提醒你應該先同佢玩~XD

 

 全晚安然無恙睡到朝早，因為搞到成3點幾先瞓...........8點半起身去廁所，少主即刻狂叫狂嗲，

忍唔住的佢上床搞爸爸，小鬼們立刻上演自由搏擊早場﹗

又玩半粒鐘，兩老頂唔住要再瞓=.=|||

11點半起身到見這副光景，仲畀屎屎臭到醒晒 XDDDDD

第一件事梗係倒屎啦﹗

 又返上床玩，兩姐妹勁肉緊>3<

 

做人父母甚艱難，未生仔都知﹗食個營養早餐抖抖氣。

後記：

今朝放佢地落地玩，即刻同我喪跑喪捐，為令全屋徹底一塵不染，

貓奴倆決定搬開電視櫃同防潮箱吸塵拖地又抹又洗，

呢d懶，唔偷得﹗

好彩我enjoy洗屋XD

小B們仲有少少傷風，昨日跟蝦仔學了餵藥，今晚我們要自己搞掂，

對我們來說真是一大挑戰﹗

東京蜜月遊Day 4-雷門拼Skytree

行程第4天，主攻淺草雷門與Skytree，因為上次失策地揀夜晚來，結果雷門收咗檔~.~

第一站先到淺草文化觀光中心，d介紹講到佢好巴閉，

因為起正雷門對面搶晒鏡咁話，仲係由日本建築大師隈研吾設計.........

um，我由頂樓逐層行落黎睇，覺得最大用途係影到雷門同Skytree景，

同埋有旅遊諮詢服務，樓上仲有個cafe仔，趕時間不如直接去雷門算喇~

 遠眺Skytree，下望雷門，晨咁早就水洩不通@,@

 不過個觀光中心有免費wifi用~

 門口望過去就係雷門~

雷門望番過去就欣賞到呢個出名建築~

 

 跨過雷門，就梗係鬆番條褲頭帶先啦﹗XD

買手信其次，食小食為先﹗呢d又鹹又甜的醬油丸子我好中意食﹗

 見到呢塊灑滿辣椒粉的米餅，即試，辣到飲咗半支飲品.....=p

 即燒紫菜米餅，仲熱的﹗

 肥爆炸甜饅頭，旅遊書話必食，係好食但冇驚喜~

 我勁強推介呢舊雪糕威化，好好好好好食到飛咗去Skytree~~~~~

好似都要300yen，唔平的，選了紅豆味，超好食﹗﹗

我勁強推介呢舊雪糕威化，好好好好好食到飛咗去Skytree~~~~~

好似都要300yen，唔平的，選了紅豆味，超好食﹗﹗ 

 入咗兩次雷門我都冇參拜，一來唔識搞，二來個心只在吃......嘰嘰~

 遊完一圈出去搵食，途中遇見扮鬼扮馬老闆賣丸子，引到客人咔咔笑，

我食得落都想買一份.....

 好多人圍觀睇師父整烏冬~

 最後我地又選擇食拉麵，我喜歡濃味麵豉湯，因為在港少食~

例牌加碟煎餃子又一餐。

 食飽飽又返去雷門買手信，畀老公發現街角有間麵包店，

哇﹗佢終於醒番次，我就係想買呢個﹗

上面蘋果批，下面蜜瓜包(定日式菠蘿包？是但) 我係睇杜如風介紹的=p

 兩款我都有買，真係超級無敵勁好食﹗鬆化可口擺到夜晚都未淋，仲好大個﹗

日本人好幸福啊~~

 離開雷門，先徒步到合羽橋道具街，

因為老公想買假狗(像真度極高的假食物) 擺餐廳櫥窗果d呢~ XD

 其實每次旅行我們大部份時間都係行多過搭車，因為沿途一定有野睇~

 合羽橋又稱河童橋，因為兩者發音相近，所以河童就成為呢條街的吉祥物~

 傳說200年前呢度有個叫合羽川太郎的人，因為見到呢頭的排水渠狹窄易有水患問題，

於是自己出錢挖掘渠道，但進度不理想，

有班河童得悉他的善心後覺得感動，就偷偷地每晚幫佢挖......

自此，村民就相信見到河童會令人帶來好運，生意會興隆，

所以整條街的商舖都貼有河童標貼或公仔，卡娃依呢~~~~

 

 

 河童像，真係金來的﹗我覺得佢幾似一個日本明星XD

 望埋撻地，連階磚都砌埋河童像，好癲呀~~~

 總括來說，條街好適合想開餐廳的人睇，所有關於食的用品都一應俱全，

普通如杯、碗、碟，到蛋糕模，以至餐椅、餐枱，

甚至門口擺menu個架同大過架貨車的恐龍都有得賣﹗

隨心看，大開眼界，整餅娘一定要來掃貨~XD

 終於到Skytree了，本來估計冇乜特別，但我錯了，呢個眼鏡型商場行到我唔願走，

有齊我最中意睇的雜貨、甜品、飾物、美食.........

最緊要係如Zara等大牌子店大約得2成，其他全部係自家品牌，從未見過﹗

睇唔到金舖，見唔到錶店，正呀~~~~XD

 呢間100%朱古力cafe如果開響香港實大排長龍.............幾多%的甜味都可以找到﹗

 樓上有層專賣Skytree紀念品的商舖，一次入貨十分方便，

有部機玩刻字金牌，日期佢自動幫你set，但名字要自己打，

好似打機咁，有圖有字畀你跟，文盲都識玩﹗做紀念一流~~~

最值得講係記得善用同層的locker，

唔想拎住重野行街畀幾十蚊去儲物就得，偉大發明﹗

 當日一心諗住上Skytree觀景，可借風太大冇得上嗚嗚~

惟有等佢入夜冒住零度出番去影夜景，

就響呢個時候，我親愛的同事越洋whatsapp叫我放假後返去交稿，

雙重打擊Orz......(點解一生人一次的蜜月都唔放過我？﹗)

 咆哮完，轉頭見到間宮崎駿精品店，粉絲一定尖叫﹗

入面唔止一隻大龍貓，有隻仲識郁，我保留驚喜啦~

 已經過咗買精品的年紀，因為屋企冇位擺要處理果個係我﹗

我宗旨：一係齋睇，一係買晒。買唔駛就無謂買XDDD

 朱古力cafe已令人興奮，仲有個芝士花園，救命，日本妹唔肥應該係好忍得口吧？

 上到兒童精品部，離遠見到個阿叔指住我笑............

喂，真係幾似，差d中伏哈哈哈~~~~~

 三田大結局果日，我響日本呢邊見到呢盒餅，三田x Skytree，爆~

 好作嘔的包裝，但令我一看再看，我以為佢擺錯部門，你估到佢sale乜嗎？

係鹽味紫菜薯片，唔該晒~ 搞到我打後都唔想揀呢d口味食XDDD

 Skytree食肆係另一樣令人留戀呢度的重點，全部我都想試，

當晚胃口，我地揀了日式咖哩，

好大一盤，大約港幣$150，連飲品及小食都要幾百蚊埋單，唔算平，又唔算超級好食，

不過不失，但服務超好，基本上8:30pm打後變咗我地包場.............