開心靚太 Happy Lan Tai : 2013

2013年12月15日星期日

女人，你有冇落搭？

相信好多姐妹都有做品牌VIP，
VIP身份愈多，代表你好肯花錢響果個層面，
或對果個層面的產品同服務好有需求~

個人而言，美容品牌內我只得Shiseido VIP，
純粹因為年中報讀咗化妝班，需要補給用品而買咗兩包睫毛拑膠，

駛咗50蚊，就畀咗個VIP我做......

仲即時送facial coupon、免費化妝班等~

除咗一支睫毛拑外，我完全冇買過呢個Brand的產品~

工作令我日日需要接觸品牌營銷策略，

所以明白企業每個舉動的出發點，
我屬於難搞顧客類，唔會因為贈品而動心~

所以我一直冇用佢d優惠，

直至11月頭打來叫我去銅鑼灣上番個免費course，

正因為佢加咗句：「你放心啦我地教學中心唔會sale產品架~」

咁我又即管睇下佢地有乜營銷手法氹到我落搭~

佢地的誠意邀請，完全就晒我時間，
點知我揀定後佢就話d班已經full咗，
正當我想話冇所謂啦由佢之際，
佢就話：唔緊要，黃小姐，我地會安排導師單對單同你私人授課~
你聞唔聞到一陣危險味道呢？XD

當日準時到達，果然得我一個有獨立房，

其他上堂的人就響課室上~

一坐低，化妝導師就同我洗面卸妝，

簡單了解下肌膚問題，

就開始執藥咁執將佢會畀我試用的產品，鋪晒響枱面曬冷﹗
等你用完後稱心滿意，總會氹到你買番一兩件呱~

導師好有禮貌，解答問題亦冇猶豫好詳盡，

感覺非常專業~

仲會同你傾下周圍有乜好食，平日有乜嗜好，

知我會寫下Blog，亦好free咁畀我狂影相~
流程至此，我都係感覺良好~

所謂化妝班，原來係佢幫我化......？

佢一邊化，一邊教你點化，

如果你特別想學眼妝，佢就最後留番一隻眼畀你跟住佢的成品化~

自從影pre-wedding畀人化到我徐小鳳咁既樣後，

再加埋正式學化妝，

我反而冇咁抗拒畀人同我畫大花面，

因為確實想拆解：點解畀人化親個樣都同平時有咁大出入呢？
專業人士教路下，我真係睇到一個全新的自己~

(左邊)：佢化、(右邊)：我平日自己化
效果好與壞，見仁見智，我老公就對人地化果個讚不絕口，
話真係好似出面d化妝專櫃小姐咁~
於我而言，係既，粉底厚咗、眼眉粗咗、眼線粗咗、胭脂深咗，連個嘴型都清晰咗~

對女性來說，有呢種免費體驗，真係更易引起消費意欲，
就係出於：神奇效果，
令你不禁覺得買晒返去，就做到相同效果﹗

上完堂，送咗粒餅畀你食~

仲有sample送畀你~

我最欣賞係導師最後會寫番呢次你用過咩產品，畀你留底~

無非，等你幫襯時會有番個record，做到服務細心的要求~

留低寫埋對導師的意見，最後仲帶你兜個圈~

對方話呢個地方係任何人都可以上來試用產品，

係陳列室，唔會sale野，

就算你睇中有野想買，都要自己落舖買，

付予一個：你入來，唔會掠你水的形象

仲有Shiseido甜品買~

呢類拋磚引玉營銷技巧，最易吸引心軟的女性，

一來冇女人唔中意著數，
二來女人都好講道義同面子，
你咁闊綽，又氹得我開心，我唔買都唔好意思啦﹗
反正消費一次可以用到幾個月至半年，
食少餐飯買支精華又可以靚，抵晒啦﹗
喂，仲要得VIP先有大量贈品送、儲積分，
花少少錢就可延續呢個尊貴的地位，
唔係唔買呀？

女人之常情，其實冇對錯，

只要你甘心情願覺得冇受騙，失血後依然倍感舒暢，

咁有咩問題呢？

----------------------------

基本上，我上完個course都真係冇幫佢買野~

一個月後，Shiseido又打來邀請我去做個聖誕VIP facial，

今次亦講明係free，但冇加句：我地唔sale野~

起勢係咁打嚟約，我都係女人，都中意著數，

就到時間後我都決定去~

約了某個星期五晚，APM分店

呢次門市敷mask初體驗，真係幾funny~

堅未試過為咗著數而夠膽死坐正門口畀人卸我妝，

仲要坐足大半個鐘做facial，

其實品牌有冇顧下女性的尷尬感受呢？
雖然我笠咗個mask都唔會有人認得出~

Anyway，坐唔夠1分鐘就眼見身邊的VIP陸續落搭大出血，

一千幾百十分豪爽，

面對呢個情況，我冇半分恐懼，
因為答應來果刻，已經預咗佢sale野~
但我冇打算買野~

睇下，我真係望住APM大堂個舞台敷mask架，

個個行入來就兜口兜面睇到，唔會趕客咩？XDDD

總括來說，佢最後都賺唔到我錢：

1)我真係冇需要再買護膚或化妝品

2)我唔會為贈品而買用唔著的產品

3)買A送BCDE，唔係想我要的贈品

4)流水作業式機械化服務，令人滿意度大減

其實對住我呢類非忠實粉絲根本可以慳番成本，
只要你有record睇到我淨係花過50蚊就冇再買野，
就估到我冇興趣用你個品牌，
free完個堂又再送coupon畀我都係冇使用，
你再free幾多野畀我都係做唔到我生意~

對於品牌的豪爽，我係十分讚賞，
誠懇的服務態度，都係難得，
但有時不計成本去吸引客戶，都要講下係咪mask sense，
呢個體驗令我最眼突的地方，
係一晚用咗12款產品響我臉上，
用完我都唔知自己用咗乜，
你想保濕滋潤？佢就二話不說起勢泵多幾泵畀你用到夠~
我用精華頂多泵兩下，佢可以泵夠5下，
難怪佢話產品頂多用兩個月，買多幾支都唔浪費啦~

最後仲有意無意畀你知道：你敷緊塊mask係皇牌產品要賣$160張﹗
你做完唔係唔留低幾両咁Cheap呀？

So What？最後我真係冇買野就走~
呢下先叫真係賺~

-------------------------------

我以前唔會花時間登記換免費品，

但學化妝後真係對試用品有需求~

有一期各大品牌都用FB做推廣，

趁機收集數據加大個data base方便日後做大壇野~

不停換取免費禮品，

唔駛花錢，但花時間~

我反而中意你明推，我自己落搭，

覺得好用，自然自動搵上門~

仲試下玩遊戲投稿，睇下係咪真係堅冇造馬有獎品，

真係畀我贏咗喎~XD

品牌營銷手法，究竟佢贏定你贏？

雖然我冇實質駛咗錢，但開個Blog討論下個品牌，

間接都幫佢做咗宣傳啦，

不論評價好或不好，多少都將個品牌植咗入你個腦~

You are WHAT you buy，

係做非常香港project的浸大學生教返我的：

你為乜而買？買咗真係覺得開心？

「真係好抵呀﹗」咁咪買囉~

Encore半島SPA﹗

繼上月同老公嘆過一次半島SPA，

就十分期待同好姐妹再來﹗

同樣係9月預約，真係等到頸都長~~~

我成日嚟係咪發咗達？

其實只係早前見到facebook promote超筍生日優惠，

篤過計數機真係抵到喊﹗

所以plan完老公果場即刻問埋12月生日的會長有冇興趣，

我都係托壽星鴻福先enjoy到兩次咋hoho~

上次兩公婆來，因為唔想大家分開男女賓部玩，

所以特登畀多$1,000訂個私人套房，

今次兩個女人仔可以一齊享用設施，

就唔駛加錢喇，條數仲抵﹗

今日天陰陰，反而冇咁曬，

仲畀會長坐正泳池正中央個海景位，

會長的霸氣果然紅到去半島XDDD

半島SPA會每月更換池畔Menu，

我食唔番個好味到飛天的三文魚了，

不過有新野試更加好~

好中意食佢地的麵包，加牛油﹗

包埋餐前果汁，一餐飯有成3杯飲品.....

暖水泳池，其間有小朋友暢泳，

我都好想跳落去~

會長點的：檸檬上湯浸煮鮮蝦配香瓜醬及沙律菜

新鮮爽脆好好食~

我今次低調地點了：南瓜湯配羅勒香草醬

哇，個湯好好好甜，仲有粒粒南瓜肉﹗

我地口味好相近，大家的主菜都係點呢個：

脫脂奶浸煮石斑魚柳配炒菠菜伴香椒汁

半島d魚真係煮得唔錯，但成碟野最搶鏡的，

我覺得果兩片薄薄的茄子，超甜﹗

唔太中意sherbet，但半島d甜品都係畀sherbet，

結果我地又一齊揀咗：啤梨與士多啤梨crumble

都係覺得apple crumble好味d~

會長話上面果塊好似豬肉乾XDDD 但竟然係最好食~

如果個Promote唔係指定二人同行(其中一人必須是該月生日)

我地都好想另外兩名好姐妹一齊玩﹗

同上次一樣，1.5小時食lunch、1小時任蒸任焗任hea、1.5小時全身按摩~

真係玩足你半日，好爽呀~~~~~

上次包咗房，有套房同老公一齊畀人按，

今次大家各自有獨立房，

但之前的蒸局hea都可以一齊玩，

真係去旅行都冇咁Relaxxxxxx...........

生日plan，梗係都有生日蛋糕帶走啦﹗

仲係會長喜歡的chocolate mousse，太好了~~

今年生日夠難忘喇呱？XDDD

全程冇拎手機，亦不便拍照，

唯有夾硬搵d網上圖片畀大家頂頂癮~

嗱，我地真係有玩呢個濕蒸，堅係有個巨型水晶放響房中央，

現場係粉紅色的，彌漫著典雅香氣~

好正啊﹗

行過對面仲有個乾蒸，而且係有落地玻璃對住維港，

我地研究個玻璃窗係咪真係單面？

光脫脫對住個海蒸真係好奔放囉......

可惜搵唔到環境相~:p

1小時其實好足夠，

我地仲玩埋有3種功能的花灑：

1)兜頭淋、2)清涼薄荷霧氣(呢個堅掂)、3)6個出水口前後夾攻式強勁清洗

半島仲提供任用毛巾拖鞋under清水椰子水........

乜都唔駛帶，好free好安心~

仲有間房畀你瞓住望海睇雜誌聽音樂等按摩................

我要mon實下年佢仲有冇promote，

繼續延續我的偽闊太夢XDD

半島SPA詳情及價錢，可參考佢地個網址：

http://www.peninsula.com/Hong_Kong/tc/default.aspx#/Hong_Kong/tc/Wellness/The_Peninsula_Spa/Spa_Journeys/

--------------------------

上星期，我地都為會長提早慶牛一~

佢揀咗觀塘呢間Loft Kitchen

週六下午2:15去到，傾偈傾到5點幾先走~

環境是不錯的~

好別緻的托盤，

但我覺得好似響塊階磚上面食菜XDD

雪人，好靚喎~

Brunch得3-4款揀，想食漢堡因為想食舊肉，

點知原來係吉野家mode牛肉XD

All Day早餐，好大盤~

Benedict，上下兩款有咩分別？

上面要煙三文魚，下面要煙肉~

顏記老師~

唔明點解冇得散叫甜品小食，

結果要叫多個餐先試到個pancake，

夾硬死飲多杯野~

曾絕跡香港零食界的芝士圈同twisties，畀我搵到﹗

一人一份童年回憶~

會長與卷~

有露天位的樓上cafe~

gathering應該不錯~

已換上聖誕佈置，臨走必影位~

anyway，會長生日大快樂﹗

2013年12月14日星期六

靚太週六好節目

星期六，有節目﹗

一早起身扮靚靚，因為獲好友邀請出席意大利護膚品牌La Vivana的亞太區旗艦店開幕﹗

哇可以抆車邊寫下美容Blog XDD

La Vivana有幾巴閉？

早前個法國國寶級癲馬Show“Crazy Horse ”，佢地就係大會贊助~

7年前因訪問而認識，當時呢位小妮子已經做緊形象顧問，

今日佢已經變成大老闆喇﹗

證明努力是有回報的﹗想靚，搵佢幫手啦﹗

La Vivana GM Vennis Ma~<3

愛美的女人，對住護膚品有乜辦法唔心動？

如果你自覺已踏入熟齡階段，有警愓知道自己需要保養，
可以試下呢個brand，
因為佢有抗齡同修護功效，
成份含有鑽石微粒同雪絨花，
查一查，原來雪絨花響歐洲冇人唔識，尤其係女人，
只因佢含有抗人體皮膚細胞老化的自由基，
兼有舒緩皮膚的功效，
仲係瑞士同奧地利的國花~

有冇聽過首英文歌叫 Edelaweiss？
中一時玩音樂節，我果班就揀咗呢首比賽，贏咗冠軍﹗XD
Edelweiss, Edelweiss / Every morning you greet me /
Small and white clean and bright / You look happy to meet me....

So Sorry，扯遠咗﹗
大家返來先，我用我隻豬手率先試用全城勁搶的
「緊緻頸肩精華霜 SPF15」
重點用於容易出紋的頸部，
你睇，搽一浸就潤到爆炸，激易吸收又唔黐立立，
用咗唔怕條頸dur皮，如果你已dur緊......唔該快d打救佢~XD
$1,390/50ml

鼻敏感的我，極其討厭d發出庸俗香氣的貴價護膚品，
證明咩呀？證明有強勁化學成份囉......
呢個brand全線產品都係同一隻淡淡花香味，
清新又高雅，
我一試就愛上呢隻Body Lotion，
Crazy﹗又係搽咗一浸就閃令令，皮膚十分有光采~

潤到完咗Grand Openning都咁Q彈，
男人都用得，如果你捨得同佢些牙.......
我梗係唔制﹗要自己用晒一支﹗﹗
到時會唔會變老夫少妻呀真係？XDD我個樣已經夠細.....
$390/200ml，咁大支真係堅抵﹗