15/2/2016 (星期一) 年初八
由河口湖的清晨起來，
第一時間打開窗簾就見到........富﹗士﹗山﹗WAO~~
出發前上網做功課，得知富士山是難得一見 (但原來好多人唔知)
所以山長水遠來到總會期待她的出現﹗
的確，我是幸運的~~<3
(而老公當時仍然無知地覺得去到一定睇到，仲心諗點解我咁緊張)啤...
我特登較定鬧鐘06:00am彈起身﹗
真係冇失望啊~~~~
求其洗個面著番件袍就衝上天台睇埋日出，
室外氣溫好似得幾度......爽到雪雪聲~~~
天台美景還不錯~
咁早起身另一目標，其實是為了泡溫泉啦﹗
大池酒店有兩個公共溫泉，
兩公婆要分開浸~
我地揀咗朝早來這個在頂樓的室內溫泉，
長型浸泡區的中間仲有個按摩池，
因為著實太早，冇人浸，結果我一個人包場!!!!!!
超﹗級﹗爽﹗
我想說，人生有一刻能這麼享受，死而無憾~XD
(所以人係要去旅行，儲藏美好回憶在心底的!!)
(溫泉不許拍照，借來網上圖片予以參考)
而昨晚，我們去了這個在地下的園林風露天溫泉，
同樣是男女分開，
晚上氣溫也極低，光脫脫走出去果下真係凍到hihi....
不過蠻喜歡露天風呂，
上半身吹著寒風，下半身又熱哄哄，簡直是冰火效果 XD
一小時後與老公會合，返房補充水分後，
又走去看富士山~~
日光出來了，感覺更晴朗~~
我相信不看富士山，晚上來天台也可以看到星閃閃夜空 (唔怕凍的話)
七、八點，雲霧飄散，看到更清晰立體的富士山~~
前來河口湖的那程幾小時車沒白坐了~XD
返回房間話口未完，富士山就被雲霧遮蓋了﹗
真係遲起的豬兒沒有富士山看 @,@
(這時候老公開始相信看富士山是需要一點緣份)
先行到Lobby Check-out，
再把行李留在酒店，就開始是日旅程~~~YO~
第一站是搭酒樓shuttle bus返出車站，
1) 買晚上返回新宿的高速巴士車票
2) 買河口湖 . 西湖周遊巴士套票
車站四周都有導覽指引，喜歡hea玩的可以慢慢細看~
天氣冷了，也是到處有熱飲販賣機讓你乖乖投硬幣進去...XD
這個我喜歡﹗最後選了熱辣辣紅豆湯~~~~
放進口袋當暖包實在不錯﹗
河口湖駅左手邊，就可以買到周遊巴士套票、高速巴士車票~
來河口湖遊玩，買一套就可玩足一天~~
基本上河口湖區也需要坐巴士來來回回不同景點的，
就是圍著湖畔遊玩~
參考網址：河口湖.西湖周遊巴士參考
買埋返新宿車票，可以放心去玩到晚了呵呵~~~
是日第一站：河口湖﹗山梨縣一級河川~~
其實只是接駁點，純粹順道望下 XD
昨晚就是在河的上空放煙花了~~~
真正要去的是：天上山公園~~
首先要去搭纜車~~
纜車營業時間：09:30-16:40
只要乘 3分鐘纜車就可以上到山，看台對正富士山﹗
天上山有個日本傳說，
說有一隻殘酷狸貓欺騙老夫婦，
因為兔子看不過眼就去懲罰牠~XD
所以由纜車站起，會看到周圍都有好多可愛的狸貓和兔子﹗
日本好多景點都有這種紀念金幣機，
我喜歡，因為易攜帶，又不貴~
偷偷地印了一個富士山款的送給老公~
可能是畀d見唔到富士山的人影相的佈景板~~XD
由落咗巴士，到上纜車站，直至搭纜車，
其實都要走一段斜路和樓梯，
有老有嫩的遊人要有心理準備扯下蝦~
售票處~
可以選來回車票或單程車票，
我地.......揀咗單程﹗XD
(錯誤的開始)
每班纜車約等5-10分鐘，通常坐爆就會開車~
好斜好斜好斜~~~~
真係唔怕冇紀念品買~~~
影飽相，上車了~~
好擠擁~~~舉機都影唔到湖景 XD
纜車都卡娃依過人~~~
終於等到d人離開車廂，先睇到個景咋....XD
車廂設計好精緻好可愛~~~
想影相唔駛心急，落咗車慢慢影啦~~~
望番落去，真係好斜啊!!!!
兔仔在車頂，好中意，好童話好可愛~~~
冇畏高，個心都嚇到離一離~XP
呢幾張相想表達的是.......
個職員真係躹躬躹到底啊!!!! @@
天上山公園唔係好大，可以玩的一眼望晒~
當然你可以再自己行上山既,....
終於來到~
原本對正富士山的觀景台，
此刻看不到富士山啊~~~~
(呢個時候，老公終於明白我為什麼常把「睇到富士山係好彩」掛響口邊....)
狸茶屋，集紀念品店與小吃店於一身~
小小神社，在供奉兔子~
嗱嗱嗱，隻曳狸貓畀兔仔懲罰緊喇~~XD
旅行宗旨，去到邊食到邊﹗
我係負責零食雜食的小隊隊長~~~XD
富士山醬油小丸子，好可愛，超好吃﹗
還有咖哩炸包，簡直是寒冬下的生命麵包......XD
茶館外有個位置售賣這些小碟，
用來投擲的，去旁邊的神社頂爛佢祈福 (我估係咁解啦)
不過應該有好多人以為免費，所以貼咗紙講明要畀錢~XP
呢度都有「天空之鐘」，為戀人消災解病解難咁話~
狸貓都睇唔到富士山~
兔仔見到好好愁下~XDD
唔緊要啦，都有好靚的美景~~~
再高d的觀景台，有位置教埋你邊個位影相最靚~
公園附近有猿出沒﹗
一個公園仔都 hea玩咗好耐啵~~
茶館旁邊個廁所都咁鬼靚......
仲有熱食販賣機，竟然有炒飯、熱狗、章魚丸、
炒麵、飯糰，同炸薯條!!!!
不過我統統冇買~XD
仲有雪條，唔好啦凍死人咩......
富士山限定 Kit Kat~
去咁多次日本都冇寫過繪馬~~
因為畫完應該唔捨得唔拎走 XP
細心留意，會發現正在維修的區域棟住的雪糕筒，
都係富士山設計架~~哇~~~>0<
仲有心型......入夜後著燈應該有野睇~
(但纜車收4點幾喎...)
好啦，是時候離開~
而我們沒有買來回纜車票，咁點呢？
個癲佬話行落山喎，佢話睇地圖好近~
指示牌話行25分鐘可以落番河口湖......
唔係嘛.......咁都信.....@@
冇邊個肯同佢癲吖你話？咪我囉.....
行咗一段勁斜路已粗口全開，凍到我呢.....XDDD
搞下氣氛姐，唔鬧人咪好靜囉個森林﹗XD
鬧定等d猿猴唔好來襲擊我呀....
唔係講笑，實在唔建議行落山，尤其冬天，
因為沿途冇人、
沿途只有指示牌沒有求救設施、
森林訊號接收差、
斜坡幅度大，大到d路係Z型咁編排，行到癲....
不過係唔建議趕時間的遊客去姐，
你想好 hea咁行下山，OK架~
預行一個鐘先落到山腳啦~
睇下一級有幾高？幾乎去到膝頭咁高，
你話唔行到我爆粗？XD
如果附近有紙皮，我想直接跣落嚟~~
見到呢個碑，重現曙光了~
已經唔知係咩名堂，不過個水龍頭真係好水龍，好有氣勢~
唔用得，都睇得......
山腳的展望台，看河口湖的~
到喇到喇......行埋呢段~
開心得太早，繼續 Z型，樓梯﹗XD
扶手是虛偽的﹗撐到咁開點扶啊.......
個牌都暈...@@
呼~~~終於腳踏實地，感覺多好.....
見番d屋、d車、同d人......
咦，呢架咪係我地可以任坐的懷舊巴士﹗
唔坐住，貢下先~
湖邊有個遊覽船售票處，可以坐船出河玩~
我地冇諗住坐，但入咗中心嘆一嘆暖氣吊命先......
畀我再次見到呢d熱食販售機，我忍唔住喇~~~~
買呢個﹗大阪燒餅~嘻~
有時唔一定為了吃，是想什麼都體驗一下~
唔係去旅行嚟做乜啊？
等待期間休息下，參觀下~
倒數咗百幾秒，約兩分鐘左右，有野食喇~~~~
堅熱辣辣喎~~
一人一條唔駛爭，叮熱完條野軟叭叭，
但幾好食~~ 醫肚佳品~
就係呢個旅遊中心，入去休息下不錯~
紀念品店門外見到呢隻狸貓，冇咀既好慘啊~~XD
行行下殺停﹗我又見到獵物了~~~~
芝士蛋糕店!!!!!!
店內有大量芝士蛋糕手信和芝士蛋糕~~~
賣相實在太精美.......
坐響度嘆番件先啦一於﹗
純粹睇樣揀，冇考究~~
買多個拎走食﹗hehe~~
點解老公次次揀親d普通到爆的款式，
都比我選的好吃......@@
食飽買飽，恢復元氣~~~
行番去剛才的纜車站，
目的是要買富士山曲奇~~~~
造型漂亮的曲奇，是即場即烤﹗
話說響呢度發生咗件KAI到爆點的事，
足足笑咗我一日﹗
就係老公比我遲入店，入到去店員講一輪日文話佢知側邊有得試食，
我指向後面叫老公試，
佢就拎起咗塊放響佢眼前的DEMO一口咬落去!!!!!!!!!!!!
係DEMO!!!!!!!!!!
果一秒我伸出無影手扯低佢隻手問：做咩呀你﹗
真係遲半秒佢就一啖咬咗落去......
企響我地面前個店員真係暗笑咗出嚟........
我亦即場笑到甩肺!!!!
哎呀.......個DEMO又確係像真度極高.....
但老公呀你諗下啦，
點會成塊完完整整咁請你試食呀.........梗係整碎晒架嘛!!!!!!!!!頂~
嗱，我有徵求佢同意先將件KAI事爆出黎開心些牙架!!!XDDD
剛才響天上山公園仲買咗富士山米餅，好食﹗好靚﹗
笑完一餐，起程第二個景點~~~
等巴士先~
燈凳，第二站：音樂盒之森美術館﹗
雖然中學吹過牧童笛，但對音樂冇乜認知，興趣又不大，
為人冇乜藝術氣息，
所以老公話去邊就去邊~
佢揀得，一定係好~(kekeke)
最中意d地方細細的景點，河口湖周邊就有好多，
d野可以慢慢睇，啱睇就夠~
未行到入園已經有看到濃濃的歐式風格~~~
入口有提示有即場表演show~
真正入到園區，哇...........都未望得真，
已經想叫出聲~~好靚啊.........
音樂之森有很多值得看的東西~
如全球最大的音樂盒演奏、
湖畔小教堂、
廣場的音樂噴泉表演、
售賣音樂盒的紀念品專門店、
親手造音樂盒工作坊、
裝潢華麗高貴的音樂廳餐廳，
還有漂亮的音樂玫瑰庭園....
唔駛諗，我強勁推介!!!!! 嚟啦~~~
淨係睇景都值回票價.......
好夢幻，著埋婚紗嚟影相啦 XDDDDD
參觀音樂廳，內有很多珍藏音樂盒，可以買，
係成座果隻。
好美的孔雀燈飾~~~
全球最大音樂盒現場演奏~
睇完演奏，順路走進另一個音樂盒表演場地及展覽區~
點解可以靚到咁架........
好浮誇，好華麗，好精緻!!!!
還有來自不同地方的音樂盒木偶表現，
由專人講解~
雖然唔識聽，但職員姐姐好可愛，笑容超燦爛~~
全部是古董~~~~
我相信晚上它們會四處走動開Party~~
去個洗手間，哇......連廁紙都咁精美......@@
繼續遊玩，遇見天鵝~~~
呢個咪係天鵝湖？﹗XD
天鵝有自己的家~~
佩服!!
華麗都不行的餐廳~~~~
係咪真係有野食架？冇人既......
到處都有勁靚音樂盒~~
小風鈴可任由遊客把玩，
所以園內時光都充斥著美妙音樂聲~~夢幻吧﹗
來到音樂盒售賣店、紀念品店，
櫥窗內的動物兔，係識郁架~~~~<3
好彩唔係音樂人，否則一定流血不止........
枱底售狗仔......係公仔嚟!!!!!! 極像真啊~~~
音樂盒之森是個可以好好放鬆的地方，
好優美，好享受~
臨走前咁啱遇到音樂噴泉表演~~
公主最愛的馬車~~~
下一站，又去搭巴士先~~~~
返到酒店附近，河口湖ハーブ館 (香草館/ 香水之舍)。
未入館前，本想先去不動茶屋吃個蕎麥麵烏龍麵之類，
可惜沒有營業 @@
咁直接入館睇野啦，好多薰衣草、玫瑰等產品售賣，
純粹是個紀念品店~
買咗櫻花Handcream、士多啤梨茶，
仲好彩畀我遇到薰衣草雪糕~~~~
食食下，仲落埋雪!!!!!! 竟然落雪!! 好開心呀~~~~<3
真係凍到我由外僵到內 XD
食住雪糕行番酒店~
沿途見到迷途迷途孤燕!!!!
原來 HEIDI'S GARDEN就在酒店斜對面~~~~
好歐式，好浪漫的地方~~~~
老公見到飄零燕，比我更瘋狂~~~
真係買咗隻小孤燕返去啊佢~~~XP
又畀我見到女兒名子的蓋章啊~~~
我喪扭咗小燕扭蛋，出面應該好難搵到吧~~？
隔離仲有CAFE~~~@@ 冇時間幫襯了~~
有緣遇見飄零燕，童年「玩伴」~
返酒店，拎行李，閃﹗
兩日一夜河口湖之旅結束~~
會再來!!! 值得再來~~
感動的是，酒店職員見我地一抽二能，
主動說車我們去車站，因為他也去 !!
(若不，我們要行十多分鐘去等巴士呢~~)
真係很細心的日本人~~~
我地落車後佢就駕車走了，
可能佢未必是來車站，也許順路吧？
真係特登車我地來的啊~~貴人﹗
返到河口湖駅歇一歇，
又有時間畀我買野....
呢個扭蛋必扭，會著燈的富士山啊!!!!!
較準時間去等高速巴士返新宿~~
就響車站出面等候，非常方便~~
巴士又大又舒適，擺手提行李無障礙~
真的是走了，拜拜河口湖~~~~~~
搭一兩個小時車，又返到新宿~~
新宿西口落車，仲要行一段路先返到酒店~ XD
今次住呢間~
新宿華盛頓，夠cheap~XD
酒店對我來說只是個用來沖涼瞓覺的落腳點，
乾淨就夠，細都冇問題~
Resort才是用來享受的﹗
洗個面，又要出發喇，
我地仲有兩個孤兒仔響新大久保未拎~XDD
其實新大久保幾好住，但我地只係租咗個民宿擺行李，
張床瞓都未瞓過......
拎行李前，買個麥記外賣上去食先~~
杯軟雪糕好厲害咁款，但冇試.....
試咗樓下果個朱古力薯條~
同呢個北海道包包~
仲有下面果個磨菇粟米批？
開餐﹗個薯條，勁難食!!!!!! XDDD
個包包，同廣告果個一模一樣，圓碌碌好靚呀~~~
點解香港麥記d包打開可以似par屎？人地咁靚@@
食完，留番件垃圾代表我地有住過啦...........
做了民宿過客~~
新大久保車站都有超人蓋章~~~
又搭幾個站返咗新宿了，
放低行李出去搵食!!!!
唔想行，就到酒店樓下個商場覓食啦，
揀咗呢間，食蠔的店~~
裝潢幾懷舊吖~
開胃前菜有我至愛：枝豆~~
十幾蚊隻蠔，咁平？
一人點一款蠔飯~~
還有串燒、焗什菌~
呢碗納豆炸豆腐皮超級美味!!!!!
例牌要飲番杯啦~~~
今日真係攰到爆~~~ 玩夠皮喇@@
精彩一天完結了~~~
返到房，12點幾有美少女戰士卡通？﹗
畫面好靚好立體﹗內容都有點成人，唔怪之深夜先播~XD
宵夜點可以唔食？﹗
今日好彩買到是日推出的 PABLO雪糕批﹗
只能說......好好味啊~~~~@@
帶著甜美睡覺去~~~~
Day 7，去Skytree!!!!!!!!!!!!
