14/2/2016 (星期日) 年初七
人日 + 情人節~<3
旅程第五天：箱根、御殿場Outlet、河口湖
呢日的天氣同昨日相反，
先係差到貼地.....繼而靚到爆燈.....
旅行遇著呢種氣候，連個人的心情都極為飄忽~
(加上搭車好煩、山路崎嶇，非自駕遊的我就唔係好中意箱根喇.....XD)
一起身，落狗屎，超爛果隻~~
為咗調節心情，等食早餐前嘆杯熱朱古力先~~~
旅館安排沒令人失望，第二日的早餐轉咗款，
雖然大同小二，但關顧賓客感受呢下最重要~
琳琅滿目，十分豐富，所以我特別喜愛和風早餐~
餐桌上的食物配搭都十分講求營養均衡，
營養師睇到都應該唔會詐型.... XP
不過今日呢條魚，多骨咗d~
同埋冇咗禽日隻溫泉蛋撈飯，失咗色~
希望未來有更多入住溫泉旅館的體驗~ :D
返上房執埋行李Check-Out，
臨走都收到窩心小禮物：休足時間抒緩腳貼、緩解疲勞蒸氣眼罩~
好貼心，加足分~
Hea到接近11點，雨未停過，亦冇細過，
踏出旅館果刻確係好淆底.....
老公覺得強羅公園就近在咫尺，
唔去有點點可惜，都係既....
不過落狗屎喎，兼且勁大風~@@
但咁啱得咁橋，我地搭車去Outlet個車站，
就響強羅公園上面個入口，
點都係要行上去 (或滾落山)~
唯有頂硬上同我男人一齊癲!!!
賢淑的我，臨出門前問旅館拎咗兩個透明大膠袋，
直接笠住兩個大背包，以便防水......
(呢招係小王子紀念品店啟發我....)
我唔明，個公園究竟有乜好睇~
(明顯係我唔識欣賞~)
↓眼見真係有日本人為咗來呢間餐廳食野，而特登入場~
係啊，強羅公園係要畀錢入場的!!
不過我地的套票包埋~
所以先會去下姐 keke~
公園唔算好大，
但一係由東門入口上斜，一係由西門入口落斜~
我諗春夏季節多d花會靚d，色彩繽紛d~
我地幾乎冇跳落水池都一樣咁濕.......@@
強羅公園背後就係早雲山~
下圖就是昭和初期音樂堂原址，
不過呢日乜山都見唔到了，感覺仲好蒼涼~~
不禁高唱：身處高峰嚐盡雨絲輕風的加冕.......
(我去吔野冇錢找數兜巴打我面~)
我已經淋到痴咗線，點解呢個男人仍然樂在拍照其中？？
第一次學識垃圾桶可以稱為護美箱，
長知識了~
我地由東門行上去到西門，
其實只係用咗20分鐘~
如果沿途唔影相，我諗我可以九秒九跑上去搵地方避狗屎!! XDD
本來夾正巴士班次，點知天雨關係加客量增多，
我地搭唔到原本果班，
個司機仲一支箭開走咗，
令我地感到十分惶恐呀~~~~~(走一班要等成粒鐘!!)
好彩，反方向行程的同一號車司機路過時停低話我地知，
下一班兩分鐘後就會到!!
的確，我地淋多兩分鐘就有加開班次來到，
但上埋我地已經爆棚~
再次覺得日本人的應變力實在很好，亦很為用者著想!!
佩服~
全程冇得坐，仲要企車頭，
眼見住司機響濕滑的山路左右片彎，
我全程都諗緊自己幾時會飛出山頭......*O*
(箱根的巴士實在細得可憐，我好懷疑日本人係識縮骨功的....
肥C大隻的我地根本冇可能一齊坐到二人位 XDDDD)
大隻妙同高腳七去要留意~
全身濕透地迫響小人國巴士近個半小時，
終於......由強羅來到御殿場Outlet~
去咁多次日本，我都從來唔去Outlet.....
1. Dislike為買而買名牌
2. Dislike為咗平而出血
3. 唔想買完煩惱點拎走同返去點處置
4. 怕睇完好鍾意但最後唔買卻又揼心口的自找麻煩矛盾心情
今次入河口湖 (去睇富士山)前，
就即管去下呢個好知名的「御殿場 Premium Outlet」啦~~
有咩咁出名？唔知啊......
大概不離多名牌、地方大，
兼且入面都有兒童遊樂設施，適合親子遊~
入到來，第一時間梗係想放低件行李，
唔好搵喇，直接去問旅客服務中心!!
中心職員指示咗Locker位置，仲講埋收費，較便宜的500、600Yen，
而園方都特設咗貴d既，800Yen起計....(好似)
原來，人聲頂肺(誤)的呢日，Cheap Locker已經畀人一早霸晒，
上下圖中見到呢個扎正響園中心且弱不禁風的橙色帳篷，
就係收最貴租果隻臨時Locker.......
收費咁貴，仲要逐件行李計 (係逐件行李計!!!!)
所以......我地寧願背住行~
都係個背包姐.....又唔係行一日~XD
美食從來比名牌更吸我眼球 @@
FAUCHON門口一排麵包，令我搶先衝咗入去 XDD
看來好好味的甜筒啊~~~沒吃~
最後買了三個超吸香噴噴又精緻的麵包帶走~~
這家店有很多花茶、咖啡、朱古力售賣，
還有心意地Pack了一些小禮物包裝，
正正包含了花茶沖包、咖啡沖包和朱古力在其中，
作為伴手禮不錯!!
(也沒買，因為我比較愛土產~)
買了一鹹兩甜，包裝極其精美，
不過三個麵包都買咗我 712Yen (約hkd$49)
做樣都買咗樣野，行得，起程~~
Outlet分咗幾個區，大到可以行一日，
我地純粹留條腳毛，當見識下Outlet的魔力~~
我去咗Nike.....
價錢冇特別平好多，某d款式可能香港係冇，
我又唔玩波鞋 XD
還是這些較吸引......XP
FOOD BAZAAR，應該好多野食食食.....
哇......至驚排長龍，仲要係Foodcourt......拜拜~~~
我寧願唔食喇 @@
行得最耐的一家店，係達達~XD
我估呢個Outlet另一賣點，係可以睇到富士山﹗
(風和日麗的時候)
呢日係完全睇唔到既~~
差唔多夠鐘搭車，老公去目標店敗家前，
我又走去買咗熱狗~XDDDD
行咗兩個幾鐘，出發去河口湖!!!!
2號巴士站等車，
車站對正 JOHN SMEDLEY~
呢個路綫圖，唔完整既~
等我仲以為得好少站噃........(中間好多細站省略咗)
臨走開始好天喇~~~~
我地個Body都乾爽曬~~XD
呢程車，起碼坐兩小時!!!! >.<
坐到瞓咗幾場覺，都仲未到......
富士山駅，但未到河口湖~
係咁二見到富士山......個位置~~
仍然好大霧~
經過富士急遊樂場，都想去，
不過老公又唔好機動遊戲，去嚟把鬼~@@
由兩點幾搭到四點幾，終於到喇~~~~
坐到PP痛~
天氣好轉，心情好轉!!!
雖然仲有一段路先到溫泉旅館，
而且搭車搭到好攰，
但見到天色咁靚，所以我地都係喪影咗相先~XD
哈撈~Kitty x 富士山
我都有質個頭入去影 kakaka.......
唔走住，因為仲有任務在身~
我地要先去河口湖駅，買未來兩日要用的「河口湖、西湖周遊巴士兩天套票」
正門入去轉左，呢邊買，
寫住 Train. Bus Ticket Office~
至於右邊，有諮詢中心、洗手間、候車室、
餐廳、紀念品店，Locker~
我地將會坐呢架登山吊車啊~~~~不過個款冇咁恐怖，密封好安全既~
吽夠喇，天黑喇，要去旅館喇!!!!
還是望唔到富士山~~
響箱根經歷過Google Map呃九我行恐怖樹林，
今次我地去旅館，仍然畀佢點咗條漫漫長路......
11分鐘到？你估我地最後行咗幾耐先到吖嗱？XD
開始行咗入民居，
未夠 5pm就四野無人~~~好靜啊~
行咗去一間小學，有老師教學生打緊棒球~~
好有日劇feel~~~~~
周邊小區都有十分懷舊的民宅和小店~
無車的確唔使出入了~
越行越入人地的住宅......@@
中途行行下仲聽到鐵鍊聲 (?!) 個心真係離一離........
原來真係有人養狗，綁咗響門口，
但樣子極其善良，而且完全冇吠人~
(響日本民宅成日見到狗，從來未畀狗吠過)
行咗大半個鐘，終於到喇!!!!!
足足超出Google所指的三倍時間..........
我覺得應該有條大路直接行到去既.......爛Google吖...
今晚要入住的大池酒店~~~
有兩個好漂亮的溫泉，
一個是露天的，一個可以看到富士山的~~ (心心眼)
入到房，哇~~~~~又大又靚~~
走廊和洗手間有一門之隔，視覺上十分整齊乾淨~
窗外景色~
房內預備了浴衣及小包包，方便住客帶小物前住溫泉~
明淨的臥室外，已被行李堆到七國咁亂~XDD
咦有全盒既~~~
咪白痴呀，係裝咗茶壺同茶杯的盒，不過冇用過~~
我地Book的和式榻榻米，全部都面向富士山~~
另外有洋式臥室，好似係面向另一邊~
山長水遠入來住，建議豪d住間值既房!!
好幸運，呢晚遇著河口湖有冬季花火匯演~~~~
決定晚飯後過去欣賞!!
睇埋洗手間，好整潔~
入住溫泉旅館，幾乎都冇使用過房內的浴室.......
因為都出咗去沖涼同浸溫泉咯....XD
Whoa......雪櫃好多酒啊~~
經典笑話一則：
話說細個去旅行時，我老豆話我知酒店入面個雪櫃唔可以立亂開，
每開度門一次都會收一次錢，
我估佢係驚我偷偷地食咗入面d野 (咁真係堅要收費...)
點知....我真係信 XDDD
一直以為係堅既....@@
(老豆我知你有睇我個Blog.....你好野!!!~XD)
富士山前面總係有舊雲既?!!
唔怕，希望在明天吖嘛~
出去食咗飯先啦!!
唔知點解酒店冇野食，可能餐廳畀人包咗場？
Check-in時櫃枱服務員已告知可以行出去附近食，
乜都有得食咁話，好多店仲營業至凌晨~
漫步不到 10分鐘，已經有西餐廳、印度菜，
我地再行遠少少，就見到24小時便利店、超市，
最後我地去咗呢度食~
明月下的拉麵店~~
今晚就食拉麵慶祝人日加情人節啦~~~
唔識睇，可以用Google翻譯~
不過翻譯完都要估估下先明佢譯乜.....XDD
好吖，英文都冇，整明本地人食既多，
我地都係全店唯一遊客喇~
我最愛，雞翼~~
老公唔食有骨物體，全碟歸我，正!!!!!!
點解點解，日本的春卷咁好食？!!!!!!
普通到唔普通的拉麵，
好味，仲好重口味，爆鹹 *O*
翻譯的錯，原來係薯條 XDDD
都好豐富吖~~~
飲杯~~
慢慢食夠一個鐘，可以散住步去河口湖~
行出店外，先見到呢個車站，
原來我地剛才買的Pass架巴士，係可以由河口湖駅入到來~
便利店，今次過門冇入~
行行下，見到下圖的廣告板寫住：
一泊兩食 6500Yen (連稅)
哇!!! 呢區喎，有冇咁平？唔使 hkd$450喎!!!
跟住佢個箭咀望過去...........um.....
住下圖呢間，你夠膽可以試下~XDDDD
印度菜~~~
已經行到返酒店附近~
周邊的建築物都好靚~~~
由酒店徒步到河口湖，只須數分鐘~~
未開始花火匯演，湖面漆黑一片~~
踏正晚上八時正，開始喇~~~~
其實我係第一次親身到現場睇煙花......XD
河口湖睇，緊係冇尖沙咀咁迫人啦!!!!
現場好靚，但我影得唔靚，亦用眼enjoy咗現場氣氛~~
其中一幕拍咗片，影到好多可愛圖案~~~
哈哈笑、菠蘿、蝴蝶結，仲有Snoopy添!! (影得核突所以冇擺出來)XD
欣賞了大約20分鐘，很開心很難忘的回憶~~~
匯演後，身邊的日本人極速四散，
整個小區再度瞬間回復平靜~~
打道回府時，見到前面有攝製隊在採訪~~~
不要訪問我啊......我只懂訪問人....XDD
相比箱根，我更喜愛河口湖這地區，
至少，沒有崎嶇的山路，和麻煩的交通......
兼且都係平路多~
返回酒店抖咗陣，我地各自去咗男湯女湯浸溫泉~~
大池酒店的溫泉收夜晚11、12點，
所以不能Hea得太晚先去~
玩到11:30pm就返上房，樓上走廊就有飲品販賣機喇，
超方便da~
奔波完一日，睇番Outlet唯一收獲 (野食唔計XD)
就係呢個書包~ (後來同事見到有小學雞用，嘿~)XPP
大愛，仲平到喊~~ToT
每晚指定動作：食宵夜!!!
我想話呢支蘋果茶，勁爆好飲~~~(因為甜之中唔算好甜)
Outlet買的麵包，擺到宵夜先記得食~~~XD
雖然個人偏好鹹味，
但日本麵包，還是甜的美味~~~~
各位觀眾，晚~~~安~~~!
沒有留言:
張貼留言