27/11/2015 (星期五)
旅程第二天，結婚三週年~
大家睡了一覺好，精神爽YY =D
起身食番昨夜買落的早餐，
呢個杜如風介紹過的朱古力牛角酥，
放咗一晚依然超好味!!!
沖繩Aeon Mall有分店~
次次去日本都食Mister Donuts，
其實呢個JACK IN THE DONUTS都好好味，
我中意幼圈!! 感覺冇咁漏可以食多幾個~XD
都係Aeon Mall foodcourt有得賣~
食飽就執行李Check-Out咗先，
Keep響酒店就可以兩手fing fing出去玩~
行出酒店就係安良波公園，
昨日約略望過一眼，
呢朝拍拖來晨運~
公園內有艘超Vintage海盜船，
是個兒童遊樂設施~
小朋友仲可以玩飛索，我都想玩啊........
呢朝天陰陰，但無損靚心情，
唔曬仲好 (對女人來說@,@)
涼風送爽又唔凍，實在好舒服~
呢間酒店的確夠便宜，
不過距離美國村都有15分鐘以上步程~
天台有教堂添噃~~
是日決定繼續徒步去美國村，
沿途行下睇下買下~
附近都有大型藥妝店，似超市多d，
好多野賣，唔知點解仲好似特別平~
竟然連自助釘耳洞機都有 >w<
呢期興特濃，唔知咩牌，照試，97Yen咋!!!
臨走時，老公都要扭下蛋先開心 XD
貓甜品，仲畀佢扭到最靚果款~Lucky仔呀下!
下面個畫面，令我停低腳步傻笑了~
睇下隻老虎狗幾得意!!!!!!!! 傻更更又唔惡，好想mit佢~~
睇得出屋主好錫自己的寵物，
周圍都貼咗狗狗嘜頭貼紙!
卡娃依ne..........
話口未完，不遠處真係有間大型寵物店，九秒九殺入!
入面堅有真動物睇，有毛冇毛識跑識捐識飛既，都有!!
d野唔貴，係唔知點抬番香港......@0@
冷靜d唔好出手住，呢日才剛開始，我唔想拎餐懵呀....XD
美國村一帶有好多酒吧，
幾乎七成都開夜市，好多野食，唔貴!!
希望下次有機會再stay呢度，夜晚就去蒲 XD
喵~
Yay~~昨日間壽司店休息，今日開喇呱？﹗
hehehehe....
WOW~~一坐低就見到肥美三文魚碌過.....(心心眼)
打開餐牌，Whoahhhhh!!!!!!!!!!!!
好多款式啊~~~發達喇!!
上次來沖繩冇食呢間，
但原來好多人都會來，無他，因為平囉~~
平之餘，質素仲超好!!
鰻魚兩食不得了~~~一人一碟!!
仲有Hello Kitty腐皮壽司! 唔係粉都覺得好靚~
面前的迴轉吧轉到我眼都花，
轉極都咁多新款先係路呀嘛!!!
炸蝦不油膩十分鬆化~~
食壽司的決定係明智既!!
唔食生野的老公，
一樣有佢Like爆的選擇!
納豆鵪鶉蛋軍艦、和牛壽司，我畀10粒星....!!!
明太子烏冬!!!!! 咁要畀夠12粒! 必食~~~
蒸蛋滑到無輪~
但以我地二人平日的食力來說，
呢餐實在食得太少~XDD
(預咗之後繼續食食食食嘛)
又一餐，繼續行路消消化~
回到熟悉的Mall~
佈置同上年大致相同，但氣氛一樣咁好~
聖誕老人依然詭異~
去到河邊的餐廳，見到桌子上有黑板，
人畫我又畫，走去畫咗一塊 XD
其實係咪任畫架呢？
美國村好多商店，男女都啱行，
購物狂不要來....
幸好我今次購物慾不大，
因為個喼好細....
呢次行咗d上次冇行的地方，穿過晒d Mall，
又見到一片大海，好美~~~
愈行天氣愈好~~<3
咁上下，又折返餐廳附近，
因為靚太口渴了....XP
健康一點，買了沖繩鮮果汁，超好喝!!
就係我地剛才畫黑板對住果間~
腳印太可愛了吧？有肉球!!
口寡寡.....唔係齋飲呀嘛？
整隻熱狗嘆下先啦!!! XD
最終又坐得番果張"專屬枱"，
拍照留念fit晒!!
三週年快樂~~~~
逛到天都開始黑，是時候返酒店拎行李，
準備去今晚的Resort!!!!!!!!
回程時見到呢間門面好特別的小店，
究竟賣乜呢？
看到沒有？
原來係賣麵包!!
哇.........間麵包店靚到好似佈景咁 @,@
入去觀賞一輪再買咗兩個麵包後，
同老闆娘吹吹水，順便徵求對方同意給我拍照~XD
實在太美太美......好想開一間啊~~~
是心機之作，
假如賣唔晒，點處置d包呢？
不過沖繩人腳步明顯放輕好多，
小店每個月只開十幾日，
今次遇著佢有開店，走運! 大開眼界!!
若有機遇上，要支持一下~
拎齊行李，Book的士出發，
呢次坐去讀谷用咗33分鐘，
費用大概3,000Yen (約HK$166)
呢次精挑細選，揀咗入住：
房間好大好靚好舒適，大到入唔晒鏡...@,@
超大洗手間，有化妝枱~
好滿意個衛浴間，夠大，浴缸夠深!!
即刻衝出露台睇下個靚景，堅係冇得彈!!!
全個Resort景盡入眼簾，貴d都值!!
下圖中間位置，係表演台，
唔落樓一樣睇到表演!!
右邊係美麗的沙灘~~
發現房間有Q版酒版，不過塵封咗~XD
住過一次沖繩Resort，包你番尋味!!
呢間提供好多購物及飲食優惠~~ Coupon一大堆~
Hea夠抖夠，又係時候醫醫肚，
今晚老公帶我食乜呢？
內部裝潢好華麗~~
下面呢張皮凳，又靚又舒服!!!
三週年晚餐，食中菜：金紗紗~XD
因為聽晚壓軸先食更特別架喎~@,@
夜媽媽，食點心Dinner，不便宜!
又即管試下係咪好吃......
點咗杯茶，冰既竟然？XP
我以為係一壺壺果d~
前菜盛合~
雲吞湯~
點心四款+小籠包~
黑豆伴蒸蟹腳~
XO醬炒牛肉，呢個不得了，超級好吃!!!!
糯米雞都有~
我好中意的杏仁豆腐~
我知好多人接受不了 (點解呢？)
終於有熱茶~XD
每位4,500Yen實在有點貴 (近HK$300)
不過.....食體驗啦下...XP
食飽逛逛探下路，手信店、精品店、便利店一應俱全~
泳池夜景很不錯~
在便利店買了宵夜，
兩個傻人沖完涼不畏寒風坐咗出露台吹水睇星星，
好浪漫啊~~~~
返入房，仲要食埋呢兩個麵包!!!
手工之作，好味都不得了~~~~
仲有一包椰子馬卡龍，但食落係.....真係蛋白餅黎~XD
靚Resort全紀錄下回再續~
