16/2/2016 (星期二) 年初九
返東京，舒舒服服瞓咗晚飽既，
第二日就速速去買番兩套Tokyo Subway Ticket。
是日景點：銀座、Skytree
(咁chur的我地只去兩個地方？係呀，終於捨得hea玩 )XD
-----------------------------
講番套票，分1日、2日及3日，
從開始使用時間起計24-72小時內，
任搭：東京Metro地鐵全線及都營地鐵全線~
我地揀咗 2 Days Ticket，成人每套 1,200Yen (約HK$90)
買之前可以計下自己打算響市內玩幾多日、
要去邊、來來回回係咪都要幾轉？
如果係，買套票就抵玩喇~
仲唔駛下下摷散錢買地鐵飛......XD
我地係響新宿東口 BIQCLO BIC CAMERA買，
需要出示護照確認自己係旅客身分先買到架~
買完行下地下街，
其實好多雜貨店的雜貨我都只看不買了，
太可愛唔啱我Style XD
影咗當買咗~
今日老公一定要朝聖的地方：
NIKON PLAZA Ginza
有人為咗睇佢部好想買的愛機........D5，
而特登去銀座Show Room摸下實物~
當時 2月中去，3月24日先有得賣，
最後佢8月25日響香港買咗，
響日本拎的Catalog足足 J 咗幾個月先迎娶佢返歸 XD
作為老婆，見到呢盒NIKON曲奇，
一於買黎氹下老公.....
(結果擺到寫blog呢刻睇到張相先醒起，
完全唔記得拎出黎食!!!!)
老公自己買咗呢套 nanoblock送畀自己~
唔記得有冇買呢幾粒襟章？
朝聖完，去醫肚~~
銀座都係第一次來，周圍看看，
竟然響街頭都見到部
紅色的跑車盡是帶著神秘........
都幾多野食丫，但我唔想食集團野.....
結果入咗一間好七彩繽紛好童話又好幼稚園fu的拉麵店~~
裝修都夠晒夢幻......
同人搭枱冇問題，因為有個簾剛好遮住對面食客個樣~
只係見到頭以下，
咦哇.......如果對面有人著咗低胸衫咪發....
喪望都唔知啦 @@hehe
枱面好多佐料、調味醬，
每一個角落都鋪滿美食介紹，
唔識字，都可以欣賞下d漫畫卡通~
平日深夜營業至凌晨三點~~
呢間拉麵店，入黎要先響櫃面柯打、畀錢，
然後就有人帶你入座~
作為遊客，要響九秒九諗到想柯打乜，
真係柯打完都唔記得點咗乜....
唯有睇圖﹗求其點個辣既、打星星既、店舖推薦既......
是但啦，點都好食既應該~XD
嗱我完全唔記得呢兩碗咩名堂，
未算驚為天人咁好味，
不過不失啦，
呢間都係食環境同親切感~
喵~~~~
就係呢個門口吸引咗我地，
行過望下都令人好開心~~
(仲有我地剛去完的富士山大油畫~)
吃飽飽，散步去~~
2016東京馬拉松的旗幟~~
我都好想來東京跑......
行行下，來到歷史悠久的和光百貨。
聽聞好多日本的政商名流都來這裏Shopping，
所以以高級百貨聞名，
我行過，d貨真係貴到得個睇字，
主要售賣鐘錶、珠寶、陶瓷器、皮具同手袋為主....
(好多counter現已被強國人攻陷)
我純粹去幫襯佢個美輪美奐的廁所，呵~~
1881年開業時，最先賣 SEIKO先既，
所以佢頂樓個鐘樓都係出名野，
同英國倫敦西敏寺個大笨鐘一樣咁有歷史地位~
2012及2013年的3月11日 2:46pm，
佢就特別鳴響咗11次，以悼念2011年3月11日發生的311大地震......
Anyway，銀座和光足有135年歷史，
有機會行過都去個廁所沾染下d貴氣啦~~XD
下一站：Skytree﹗
唔記得邊年黎過，飲恨冇上晴空塔睇美景，
所以老公堅決今次非上不可~~
舊地重遊，同樣興奮，
感恩天氣這麼好~~
出面睇，以為冇人等，
入到售票處，即刻倒答一口涼氣.......
我內心有千萬個唔想等，不過.....都係等啦~
好彩響日本排隊，唔會有人推撞，又唔係好嘈，
秩序又良好~
期間仲有動畫睇，睇到我入晒神~~
等等等.........最後只係排咗一粒鐘姐，好似....
3:20pm開始排隊，4:25pm就上到來喇~~
天光等到黃昏~@@
望出去，哇............真係冇上錯黎!!!!
世界第一夜景，的確名不虛傳!!!
影住個日落，
咦喂﹗咪住先﹗全村人因為見到富士山而興奮地歡呼~~~~
我地又好幸運見到富士山喇~~~~
愈夜愈美麗~~~
寫住Skytree與各地距離有幾遠~~
距離富士山有106km~~~
想上更高的位置睇到更美的景色，
就要加錢買多張票上天望回廊~
一場上到來梗係買啦!!!!
個個搭升降機時都望晒上去，因為上得好快呀，
衝上去的視覺效果係幾頭暈 XDD
到位，遇正日落晚霞......................靚到暈呀...
去Skytree唔上塔，一定後悔呀下!!!
上面有得影相做紀念~~
鏡頭係響樓上影番落去，
遊客要落下面呢個突出位，向番上黎揮手~~
可能咁先影到下面有幾壯觀吧？
情侶們~
鏡房~XD
到處都有拍攝材料~
我地兩個企響呢個位好耐，好多人唔知我地做乜玩晒手勢~
點解竟然冇人睇到塊玻璃窗反射咗d字呢？
我地逐格影，務求影晒d資料來做留念~~
睇完一輪美風，我地決定，不如去影張相留念啦 XD
可一不可再，體驗黎既~~
影完相落去手信店~
仲有情人節商品~~
Skytree吉祥物：Sorakara小姐~~
玩完肚子餓，去埋Skytree Cafe食咗Tea先~~
係，夜晚食個late Tea....
揀咗一個招牌晴空塔甜品 (梳打味)
一個期間限定情人節口味甜品 (朱古力味)
賣相冇得輸，食落都好好味~~
飯前甜品keke~
其實係為咗停下來嘆下窗外的美景先食咋!!!
情侶夫婦必來的浪漫之地~~~
呢度都有玻璃地畀你睇下自己有冇畏高~~
行到呢層，咦又有得影，搶錢呀~~~
見人影得咁開心，旅行冇所謂啦~~
影!!!
點解係都要我地做呢d日本妹手勢~ XDD
(仲要企響玻璃地上面影架~)
影大送細，放落銀包都得，抵晒~~
玩到7:20pm，係時候走了~~~
竟然玩到三個鐘....@@
落到商場梗係血拼啦~~~
野口眼罩、小丸子原子筆............
好靚呀~~但我全部冇買呀~~~~
無限的梳乎蛋產品~~~
仲有叮噹 x Hello Kitty系列~~~
半沢直樹十倍奉還饅頭~~~XDDD
可愛的叮噹~~~
人氣船梨精~~~
認住呢間............小心失控~
搞到8pm，終於可以上樓上搵食~~~
好好好多選擇!!!
上次來吃的店仲響度~~~
炸物都可以砌到晴空塔咁款~~
呢晚我地想食中華料理~~
揀咗呢間：天龍
好有氣勢呀下個名!
好多野食，唔算平，都係果句，
旅行就要體驗啦~~~
中華丼，即什錦燴飯，1050Yen (約HK$80)
老公至愛麻婆豆腐，1230Yen (約HK$ 93)
巨型鍋貼 8隻，1050Yen (約HK$80)
真係成隻碟咁大隻!!! 超爆勁JUICY~~
兩條友竟然食得晒.......Crazyyyy
推介，餃子好好味~~
唔通真係有得Order呢隻世紀巨型版？
呢間，應該下次去都會響度~XD
食埋飯已經 9點幾，玩飽食夠回程去~~~
地鐵站內可愛的壁畫~~
令老公頓時有了童真!
新宿街頭BAND友，唱得好好~~
返酒店前例牌逛轉便利店，
揀咗呢支超爆勁肥勁好飲：椰子奶~~~
肥死喇.......XP
少少地Show1%是日戰利品吊下大家癮先............
Day 8 繼續東京遊，
逛不一樣的純樸小區，有貓~
等我啊.....
