28-11-2014 (星期五)
五日四夜的行程，老公打算抽出一天去美國村，
聽到呢個計劃，我第一句就話佢：
明明去日本，點解要去美國村睇鬼佬野呀？嘥時間!!
不過，當我去到美國村後就深深愛上，
人同錢都一概迷失............
係我買得最多好東西的地方!
若打算來，非自駕遊者最好晨早出門，
因為坐巴士去都要花上約一小時~
巴士總站有好多車直達。
早在幾年前已經想去沖繩，
但不論身邊的朋友或是網上意見，
都說去沖繩最好自駕遊，
沒有私家車就哪裏都去不到。
<<搭巴士小錦囊>>
我想說，其實在沖繩搭巴士並不是世紀大難題，
雖然我們也曾經淆底難不難搞？
但我親身試過，
絕能告訴你當地巴士是有很多條線，
等不了這架一樣可坐另一架，
走了一班還有好幾架車在後頭，
絕絕絕對無須等上半至一小時車的呀~~~~~!!!
這天很幸運地一到巴士總站就有車，
想保險一點，上車前最好拿定地圖指著落車車站問司機是否到達，
那就萬無一失!!
<<乘車注意事項>>
上車後記得在司機旁邊的箱仔提取整理券，
券上會印有你上車的站數，
我在第一個站上車，所以就是1。
不用怕自己不懂下車，只要留意車頭的屏幕顯示，
就會看到下一個車站的名稱，
旁邊一堆數字的是價錢，
下車時只要看看整理券上的數字那一格，
你就會知道要付多少車資。
我就是看著1那格就行了~
(據咪書後所知，沖繩巴士分兩款付錢方式，
市內短程的需要在車頭上車先入錢，在中間門位置下車，如香港一樣；
長途巴士則只有車頭有門，所以上車前須拿整理券，下車時付款。
很易分辨吧？沒有難度的~)
下車前，坐位周圍都有燈掣讓你按，提示司機要下車~
去美國村的話，在軍病院前下車就對了~
下車後可看看前面馬路，
就會找到折返的車站，回程時往哪裏搭車就心裏有數~
下車後周圍也十分空曠，
只要抬頭找找摩天輪的蹤影，跟著行就不會迷路~
遠遠已看見路牌，
大概走十分鐘便到~
這天天色陰暗，有點毛毛雨~
一入摩天輪那個商場，
我的心就沉了一下，
點解好似去咗葵涌廣場咁既................XD
別心急，
其實美國村有大量商場，
各個主題和賣點都有所不同~
影完摩天輪就速移玉步向另一個場走~
呢一個，就差唔多喇~~
當時距離聖誕節還有一個多月，
但四周已彌漫著濃厚的節日氣氛!!
環境好雅緻啊~~
仲有條小河，唔臭~XD
簡單一個廢物回收箱都咁靚.........!
雖然好多日文招牌，
卻又feel到一陣外國氣息~~
時值中午，我肚餓了~~~
老公建議先逛一圈看看有什麼好吃，
但我已睇中呢間喇!!! XD
看到亮點嗎？
我影完其實都唔發覺，竟然係老公睇到~~
原來有隻小貓在櫃裏睡著覺，卡娃依~~~~
呢個商場好多美食，本以為只有樓下這兩家，
原來樓上都有，不過食日本菜，
但今日我唔想食呢~~XP
睇下個水牌，商場多到都唔知去得邊個.............
計我話行一日都行唔完，如果你係逛物精的話...
自駕遊來其實都要花同等時間，
不過臨走時唔駛追車咁解，
折返市區的尾班車都去到夜晚九點既，唔駛驚~
很詭異的聖誕老人.....
太多美食了吧？!
我只想速速食完留番多d時間血拼啊~~~
好玩的，陣間再睇啦~~
我決定食番剛才睇中的漢堡包店!!!
去美國村唔係唔食鬼佬野下話？XD
雖則呢度係美國村，
但好多日本店員的英文都一樣水皮，
這一點令我有小小驚訝......
但服務同食品都一樣咁好，
我響香港食過咁多本地同過江龍漢堡，
都及不上呢家小店，定係我太肚餓啊？
或者只要旅行時吃，就乜都咁好吃~XD
用了健康麥包，大量新鮮蔬菜，
加足料勁厚漢堡肉和濃味芝士，
真係十級好食.............仲要堆薯條放咁耐都係脆架!!!!
粒炸月亮薯餅就夠開心啦~~
最貴個餐，都只係850yen左右，真係平靚正!!
剛才睡覺的小貓也出來討吃啊~~~
唔止一隻，都係兩、三個月大的BB啊~~
太可愛了!
有貓陪食，更加好食~XD
呢度仲有沙律、熱狗、意粉同飯等選擇~
食飽飽，記得自己做埋分類回收~
醬料餐具都係自助式提取~
呢度算係去日本時唯一見到最多老外的地方，
現在應該還有美軍和其家屬住在這裏吧？
唔落雨，坐室外都幾爽架~~
食飽就開始周圍逛~
這裏有好多二手物店，賣Vintage的更多的是.......
銀包好危險!!
喜歡這裏因為各個商場的設計都截然不同~
開始下雨，我們立刻走到這個Depot Island~
一入門口，購物欲就大大提升，
見到呢間皮具店即入!
之前去日本好少碌卡，
但今次覺得好多地方都有得碌而碌出舖癮...........大鑊了~
由這個小小皮具開始.....
我迷失於美國村了!!
好精緻的掌上小皮匣，藝術品!
當日元大跌時，請小心保管銀包......
隨處拍都那麼好玩好看~
Rachel，你幾時響沖繩開咗咖啡店實現咗夢想啊？!!!XD
時間不多，趕著去Sunset Beach前，
竟然極速敗了兩對Dr.媽田，
好平好平好平好平..........
仲要係沖繩限定，女人對限定、限量這種字眼是無法抵抗的 Orz...
去日本購物最大享受，是當地的服務質素，
多得這位超健談、反應快和說話超誇張的店員，
令我諗咗幾分鐘就有買多對的決定......
佢落力的說卡娃依卡娃依個樣真係好搞笑....XD
睇佢幾有勝利感 XP
行過幾步就來到Sunset Beach~
可是天色仍不太好~
原本老公打算住這家Resort，
但最終沒有選~
看過其他有住過的Blogger Post相，
實在太似香港公屋~
天氣唔好，都有幾個外籍年青人玩樂，好美女啊~
仲見到有人著三點色婚紗影相，
莫非在拍沖繩AV？XD
行到咁遠，其實係要還老公心願，
去搵佢想浸的街邊溫泉，浸腳果種~
兜咗個大圈行到去運動場再折返，
終於搵到~
哇啊~~~好舒服啊~~~~
同埋d日本婆婆伯伯一齊浸，
好寫意啊~~~仲要免費!
大概上次去完有馬溫泉，
浸過金之湯出面個免費足溫泉，我地都愛上了~
睇下老公幾enjoy~
就坐落在剛才個公屋Resort的Chula-U後面，停車場側~
玩咗十幾分鐘就夠皮，回程了~
天色越來越陰暗呢.....
KAI，香港應該要有一間~
像貓頭鷹嗎？XD
時間不早，但好像什麼也未買!!
速速返回剛才吃漢堡的商場行起~
恕我只顧鳩嗚而沒有拍照了，
總之，見啱就入去買啦~
我這裏買了好多質素好又便宜的東西，
呢度間超大日版美芝逛到我暈頭轉向，
好想拖個喼來掃貨啊..............
龍珠商場，樓上全層都是機舖.....
啱晒男人去~
樓下有檔賣蜜瓜包的好香好香，可惜冇手拎，亦吃唔落~
一路往回走，順著車站方向的商場再逛一下~
好美的餐廳啊，但未營業呢~
臨走前見到個超級精細貓頭鷹扭蛋機，
扭咗兩隻~
要走了，預留時間回到旭橋，
因為下班時間沖繩市內都幾塞車，
這個找資料時已做了心理準備~
臨走先嚟落雨..........
越落越大，狗屎咁大.......嗚哇>0<
當我只想一心衝去車站時，
老公仍好有雅興影相，
好彩有佢批相，我先呈現到當時有幾狼狽........XD
倒水咁，我地有傘都已全身濕透.........
好彩去到車站唔夠幾分鐘就有車!!!!救星啊~~
我敢肯定個個上車都坐濕人地張凳.....
終於可以透一口氣........呼~
人濕都唔緊要，至慘係.....
我揹住果袋鞋的紙袋已經淋到中途溶咗@,@
最後係夾住兩個鞋盒上車架係..........
溶咗，唔該晒~~XD
搖咗個幾鐘頭車終於返到巴士總站......
經過國際通入口，仍然大雨啊~
必須先返酒店放下戰利品，
仲要沖個熱水涼兼換埋衫褲鞋襪先再去食飯~
最後一晚逛國際通，
是時候喪買手信了~~~~~(好似晚晚都有買...)
呢間雜貨店必去，好多搞鬼精品~
有諗過買唔買呢個蛤蟆手袋做手信XD
點解去到沖繩都要買塩？
我買咗5款口味............至今都唔知點用~XD
門口有塩味雪糕，但我冇食呢間啊~
因為要留肚食晚飯嘛~
老公揀咗呢間波照間~
我地已經行到10:30pm，
幸好Last order係11點........
唔知點叫，索性叫兩個定食唔駛煩~
再加多客沖繩苦瓜餃子~
又係坐捐窿位~
沖繩腐乳，
響香港食過覺得唔係我口味，
不過定食包埋，原來呢間仲拎過獎~
味道甜甜地，有酒味，似似地南乳，
但我還是較愛中國辣腐乳XD
每次見到呢味魚仔豆腐都會奉獻畀老公~
佢好愛魚仔，但唔愛大魚@,@因為有骨....
呢條炸魚當然歸我，正正正!!!! 真正外脆內軟好食呀~~~
一定有的海葡萄~
超好味的苦瓜豆腐，豆腐係煙韌架呢~~
全晚最好味，竟然係呢碗平平無其的飯!!
原來菠蘿加Cream係咁咁咁好味!!!!!!!!!!!
曬冷~XD
呢餐真係堅飽到心口......
建議兩口子來，叫一SET再另外散叫吧~
大滿足~
就係食呢間~波照間~
可以吃到正宗沖繩料理~
每晚仲有幾場傳統琉球舞表演，
可惜我地趕唔切~
第三天精彩結束~
DAY 4預告：戀戰沖繩，移私Resort去~~
