2015 開心靚太結婚三週年沖繩之旅Day1

26/11/2015 (星期四)

見到呢Set翠華早餐，應該知我又等緊上機喇~XD

上年響沖繩住過Resort唔夠喉，

返港冇耐決定一年後繼續戀戰，

愈來愈Like呢個地方，又近又平又方便~

 必食奶油脆脆豬同炒蛋~~(但炒蛋有蔥唔好食XP)

 今次搭7:25機，過到去都仲好早~正!

咁快一年，好快一世~~

 

上年幾日都陰天有落雨，仲有日倒晒屎，

希望今年陽光燦爛d啦~~ 

 今次搭Hong Kong Airline，飛機餐食腸仔包，真有feel~ @,@

 眨下眼就到..........(老公你會唔會chok過籠...)

上年我地先住國際通，後住海邊Resort，

今次我地直接剷出海岸，住一晚美國村，兩晚Resort，

所以一落機就響機場搭120巴士，

與單軌電車Yui Rail無緣了~~

 上車時記得響司機位旁邊拎番張整理券，

落車時對番收費顯示屏個號碼就知要畀幾多錢喇~

(我地呢類早就check咗車費表囉XP)

上年個Blog有教過架下!

(畀你重溫 ↓)XD

開心靚太沖繩遊DAY 3：坐巴士去美國村

 由機場出發大概搭一小時就到~

經過國際通，上年鍾意到行足幾日，日日都要行! 

 今次冇得行嚕，好掛念啊~~~

 會買超多手信的御菓子御殿~

 好熱鬧，好想落車行番轉啊!!

啦啦~~~今次於北谷下車，

行去酒店大約15分鐘腳程~

 我地行下停下影下望下，實唔止15分鐘.....XD

 特登帶個不能放大的普通喼去，

迫自己咪買咁多野，全程要勁Hea!!!!

 天氣非常好，陽光非常燦爛，感恩~~~~

 日式花圈....@,@慶祝用~

 落車後行左手邊，前少少就見到American Space個牌，

轉右往海邊直入啦~

 其實沖繩唔會蕩失路，搵條有野睇的路行就得~XD

 

 可愛小汪汪~~好萌啊佢~~~~

 

 呢一帶就響美國村隔離，

沿途有好多好多小店，十分有特色，

仲有好多開晚市，例如烤肉、酒吧，

夜生活應該一流，啱晒附近聚集的外國人~

 但我就畀呢間手作點心吸引咗~

淨係塊手繪已經夠晒正，不過冇食~

 趕住放低行李去玩~XD

 離遠見到屋頂個尖啄就係我地住的地方~~

 個啄係教堂嚟，入住咗先知好多香港來沖繩行禮的人，

都係被安排住呢間~@,@

Beachside Condominium Okinawa (海濱公寓酒店)

地址：904-0116 沖繩, 北谷町, Chatan 2-16-2, 日本

我地都係網上預訂，

老公習慣去不同網站睇晒評價，

呢晚特登搵間Cheap野，平衡番之後兩晚住貴野吖嘛.......XD)

不過呢間都OK，要求唔高的話~

 3pm先可以Check-in，但可先放低行李畀佢幫你Keep~

唔理三七廿一，即係去美國村覓食!!! 

 酒店對出有個安良波公園，有個大沙灘~~~

 學麥兜話齋...真係椰林樹影，水清沙幼~~~

仲有耶穌光!!! 

 遠望已經見到美國村個摩天輪喇~~~

 我地梗係揀行過去啦，沿路風景十分美~

 

 腳骨力啟動~~~

 緩跑徑，跑番400米先~XD

 收埋本地圖都得喇，已經進入美國村範圍~

 陸上競技場，上次搵浸腳溫泉搵到嚟呢度，

點會唔認得~~

 迫老公扮公仔~ 是老婆最佳娛樂~

 呢個地圖，精美又易睇~

 老公唔肯做呢個動作....XDDD

 Okinawa Sunset Beach~ 我地又見喇~~~

\

咦上次唔見呢部雪糕機噃~~

未食飯，來個飯前甜品先啦~~~~

揀咗紅豆雪糕批，130Yen一個，
答案係：超好食呀~~~~!!!!!!

陽光好，心情大靚~~~

忽發奇想，不如去番上年買鞋間野，
睇下個sale姐姐響唔響度.......同佢打個招呼吖~~

我仲堅係特登搵定上年張合照，
期待同佢相認!! XDD

去到，點知真係響度!!!!!!
佢當然唔認得我，
我一手遞部手機佢睇，佢反應比我預期中更大：
「Wow~~~~雪哥兒!!!!!!!(然後一堆日文夾雜少少英文)」
跟手畀咗個BIG HUG我HAHA~
意思大概係：我嚟既!!!!好神奇啊!!!!(呱) XD

幸好可以用英文同佢溝通，話佢知我上年來過，
今年再來特地找你再合照!!XD

真係好開心啊~~~~希望下次去仲見到佢，影第三張合照!>.<

一早諗定要食壽司，行過所有餐廳可以過門不入喇hehe~

天荒地老榴槤在摩天輪~~~~兩次去都冇坐~

上年離開呢度時，落狗屎!!!!

落狗屎重溫

到喇，我要食呢間迴轉壽司!!! 味自滿~~

點知，哎呀~~~~
撞正定休日.....啤~

唯有聽日再食，而家求其過對面果間啦，幾得意咁吖~~

路邊小店，有feel~

入到去自己買食券~

話明求其(兼夾留肚)，老公真係揀最求其果個沖繩soba.....
380Yen，約hkd$24~

冇人食，但廚房熱氣騰騰~

揀咗坐室外，睇下街景~

完全係包場，抵晒~

我揀果碗多老公果碗一舊肉，
但最後食唔晒畀番一舊佢，
問：究竟我果碗幾錢？XDDD

悠閒地吃吃午餐，已經好Relax~~

咁可愛的風獅爺，沖繩標誌~~

夠鐘返去Check-in喇~~
卡娃依地磚~

話說Check-in FB後擺咗呢張露台相，
曾引起一陣哄動，
浴缸、泳池、大沙灘~~~~哇~

公寓式酒店，多咗個廚房，仲有洗衣機，

長住都得......

呢兩日我就冇使用過任何室內配套喇~

廁所冇浴缸，有企缸，
尚算衛生冇問題~

出番露台，其實係個按摩池，
不過11月凍到要著外套，點浸呢~~

夏天熱辣辣浸住望海，應該係幾爽皮既~

隔離兩幢都係呢間公寓酒店一部份，大概係大房，住家庭客~

望番入房，咁樣既，
我地係揀至Cheap類別，單人床好好瞓，
隨時拍埋變雙人床，good~

洗個面，又出發，
呢晚老公想去沖繩新開冇耐的Aeon Mall~

日本的士初體驗，
咪煩啦，咁近搭的士啦，酒店可幫忙電召超方便~

日本搭的士係咪好貴啊？係架，不過沖繩搭聽聞平過東京大阪？
呢度上車500Yen起跳，
期後每359米加60Yen，
10pm至5am加收20%費用~
詳情放大張相自己慢慢睇 XD

酒店搭的士去Aeon，約10分鐘就到!
呢次我地搭咗1100Yen，hk$70左右~

16:25到步，今晚可以慢慢逛~~

好多野食呀!!!!!!

好威嚴呀~~~

呢度大到無倫呀~~~~

可以的話，擺一日來都ok~

地方大到無從入手，冷靜d，望下有咩啱睇睇咗先! XD　

旅客資訊中心是Planning同等人好地方~

邊走邊逛，見到沖繩啤酒專門店!!
裝潢超美~~

呢日Weekday冇乜人，想食乜都唔駛排隊~

叮~~兩公婆見到「書店」二字，

立刻雙眼發光~~~

仲要外觀咁靚，個名咁正~~嗚哇~

入咗先算~~

兩三層高，好多精品，兒童書部超超超大~

啱晒親子遊....

咦，呢個係咪Jenny呀？
我細個仔食朱古力餅就係為咗儲佢的貼紙同精品!! XD
(有共鳴舉手~~)

唔影太多，自己來吧~

門口一堆風獅爺，幾可愛我覺得~

成座Aeon Mall的感覺都好有沖繩特式，又不失未來感的設計~

喜歡小物的女生，呢度都有放血機會.......

我會將焦點擺響食!! XD

進入主樓，其實大多是國際品牌，
對我來說荷包暫時很安全~
咦，我終於見到天花板一對對跑緊步的腳!!!!! 原來係呢間...
的確好詭異 XD

Mall內出名的大水族箱~

好多魚魚睇~

好一個親子玩樂商場~~

入面d魚都幾巨型架....

時間不早，搵食去~~~

上咗頂樓，超級大風~~~

頂樓的餐廳Grand d，但價錢又唔覺貴好多~

平台地方大到癲~

望落停車場，車位量十足，自駕遊都超方便~~

臨近聖誕，仲有燈飾睇~

還可以自己按掣玩燈飾~~

實在太美~~~

今晚想食牛扒牛扒牛扒~~~

頂樓搵唔到心水，落番4樓再睇~

認住Gourmet World，超級多選擇，

呢兩層有食店同超大Food Court~

最後睇中呢間!!

6pm左右，都未有人食~

坐咩位任揀~~

呢度乜扒都有，西牛日牛任君選擇，
仲可以重量揀選~

為咗飯後仲有持續食力，
我最後少少地食個250g Single牛扒算喇.....
諗住唔會好飽，點知....>0<

套餐包埋沙律吧同飲品雪糕吧~

今次喪喇.....我要喪食沙律!!!

我一共食咗3盤沙律......2杯菠蘿汁....

塊扒唔算大，但肉質好Juicy~

勁鍾意枱上提供的調味料，尤其係PINK ROCK SALT!!!

提味一流~

其實我個餐仲可以任食咖哩飯，哇.....

任飲蔬菜湯.......(堅好飲)

同埋任食軟雪糕.......@@
真係叫塊扒都飽到反肚 XD

我份餐，只係1900Yen，hk$120咋!!!!

至於老公，叫咗呢樣，乜鬼和牛乜豚漢堡扒......XD

食飽要行番夠本消化下，

又畀我見到間懷舊零食店，嘿~~

我話冇買野你都唔信啦......

呢度有小丸子聖誕電影啊，好想睇!!!!!
乜呢期妖怪手錶咁Hit...@,@？

去Food Court睇下，大到租場擺酒都應該夠....XP

乾淨又闊偌~

仲要個Area係有兒童枱椅，好cute~

Food Court外面有個爆大爆多野玩的遊戲中心，
香港冒險樂園？咩嚟架？@0@

我恨我唔去學夾公仔.....
100Yen，可以夾到呢d巨型版零食呀!!!!!!!!!!!!!!!

嗚哇好想要呀~~~~~

可以成個人仔坐上去玩的機械人，
有囝囝的朋友可以諗諗~

食完晚飯已經9.5成飽，

雖然行咗個圈都仍然飽到上喉嚨椗，

但見香港飲食雜誌勁推呢間雪糕菠蘿包，

所以我最後都係本著唔食唔死心而買咗個試~ XD

好似的確幾吸引噃~~~

日本好興加多少少錢就有套餐，重點是：任食or任飲!!
加100Yen，任飲飲水....

用390Yen，約hk$24.5，買個冰火體驗先~

手起刀落!

夾呀~~~

十分巨型，我有點擔心吃不完了~

好彩世上有人會幫我包底~XDD

食後感：第一啖冰火效果好出，幾好味，

之後幾啖開始覺得冇味or唔夠味，

菠蘿包(其實響日本呢隻叫密瓜包...)個皮酥脆，

但夾住雪糕會愈食愈淋~

反而額外插響雪糕上的一塊餅仔，食到尾都仲好脆!

個人覺得，如果呢間叫得世上第2好食，

咁港式的冰火菠蘿油先係衝出世界的超級美食~

呢個商場有位置畀人玩音樂表演(或其他表演)，

仲有堆樓梯專登畀遊人坐響度聽或欣賞，幾好~

觀察所見，到處都有坐位畀人歇腳，
呢個我好欣賞~
香港商場正嚴重缺乏呢類設施!

真正的Aeon Mall，我地入都冇時間入~

可以的話，我想買呢張梳乎椅返香港.......

皮革包包推廣攤位，冇收獲~

喜歡家品及精品的話，呢度多到有排你行~

仲有戲院可以睇番場戲~

經過男人必去的Big Camera，

見到個機械人仔~

好奇離遠影佢，點知佢突然望過嚟!!!!!

呢下令我好心寒囉~XDD

佢的眼神......我覺得係空洞式恐怖 @,@

唔知佢UP乜，但我同佢握手HAHA~

同佢自拍，佢仍然望緊我>0< 感覺好驚~

喂，個小朋友同你玩呀，
你仲望住我 >.<
太智能，我唔得，諗起都驚XP

行咗半日喇，買埋宵夜就返歸~
(下﹗仲宵夜？﹗)
杜如風食過話好食喎，咁啱呢度有，買咗先算啦啦啦~~~

出門口就有的士站~

好快又返到酒店，Counter旁邊提供日用品可自行拿取~

又到聖誕，又到聖誕~~~
兩年來沖繩都好有聖誕氣氛~

Day 2預告：轉住超爆勁靚海邊Resort~