對上一次過大海是去年尾的事情，
那次是二人世界，
今次是大伙兒同遊，
應老公的年青同事邀請一齊玩個痛快!
還好，全程不用老人家操勞細節路線，
實在爽YY~~~XD
舊Blog回顧：
結婚第364天澳門爛玩一日遊
結婚第364天澳門爛玩一日遊
兩天行程：
Day 1：入住澳門威尼斯人、三盞燈、香島咖啡下午茶、
大三巴、九如坊晚飯、
水舞間、官也街食宵夜。
Day 2：官也街吃午餐、漁人碼頭、十月初五街、
蕃茄屋晚飯、回程。
可能是全年最陽光普照風和日麗的兩天，
有藍天，有白雲，而且.......
仲好很熱!!!
第一次直接去氹仔碼頭落船，
冇咁迫人，好快搵到車~
沿途經過澳門蚊型機場、
核突到爆的澳門科技大學....(核突到冇影)XD
好快好快，已經來到我們入住的威尼斯人~~~
入口好浮誇耶。
遇上什麼變形金剛展覽，沒有去~
上次只來觀光看看，
今次真正來入住見識，實在很金碧輝煌，
有一刻覺得自己好土豪~~XDD
Check-in後首先拉大隊去醫肚，
1:30pm出發再安頓一切，坐下來已時值3、4點，
極速搭的士由氹仔前往澳門半島，
直闖三盞燈的香島咖啡室!!
三盞燈有最多的東南亞美食，
如印尼糕點、緬甸椰汁雞麵、豬腦麵、叻沙和肉骨茶等，
可惜沒太多時間慢遊慢吃，
就來這家老店吃兩款名物：
馳名一： 辣魚包
包烘得超級香脆，沙甸魚微辣惹味，
咬了一口我就敲定必須推介!!!!!!
我覺得好味過豬扒包喎~~~
識得飲，梗係叫d香港茶記冇既野飲，
我點了凍無花果，超好飲，
有點點像冰蜜糖般香甜滋潤兼解渴~~~讚!!
馳名二：公司通
通粉是必然的牛尾湯底，味道濃淡得宜，
份量不算多，但煎過的叉燒非常好吃，
通粉也是我最愛的滑嘟嘟無坑紋款，
但我覺得下次來吃叉燒通就足夠~
香島咖啡室
地址：澳門新橋(三盞燈/白鴿巢) 亞利鴉架街2號地下
電話：2821 1434
營業時間：星期一至日 07:00-17:30
訂了6點晚飯，
呢頭食飽飽，就決定徒步走到大三巴，
路程大概15至20分鐘，
的士司機說三盞燈美食多得很，
我們走在街頭也被一整列的小食檔吸引，
最想試試豬腳薑，下次再來一次要預留時間來逛個夠!!!
三盞燈正名為「嘉路米耶圓形地」，
圓形地中央有一個三盞燈的燈柱，因而命名，
Anyway，我好似影唔到，自己來看看吧~~XDDD
跟著一幫年青人一直走，
迷路了就主動問，
這才是真正的自由行，
除非你的時間不足以讓你慢逛吧~
走著走著，後生仔又買了豬扒包吃，
我和老公還是留著肚子等吃晚飯~XD
說著笑說就去到大三巴，第一次從後門入 XP
記得上次從後入，是來訪問美珍香，
車子停在上頭，急急拍了兩張到此一遊照趕著去工作，
路過手信街也什麼都沒買到~
其實就是這麼樣，拍個照真的可以閃了~
5點多，提早來到下一站：九如坊。
上次也走過這條街，就是沒有看隱藏在旁邊的店，
果然別有洞天~~~
九如坊被選為澳門葡國菜館Top 5之一，
我和老公兩丁友來是不夠過癮的，
大伙兒才能吃到更多的招牌菜!!!
環境其實不錯，很有情調，但必須預訂~
我們也是來到酒店後才打電話去訂的。
餐包，10個好食!!!!!!!!!!!!!!
夠熱、夠脆、夠香，無話可說!!!
炭燒牛肋骨，同行男士都讚不絕口，
牛魔王一定喜歡，十分入味也嫩口，
我最愛吃骨邊肋肉，用手吃!!!
焗鴨飯，
有老公最愛的鹹爆腸.......
但我覺得上次的Restaurante ESCADA的更勝一籌!
因為這個我只吃到腸，吃不到鴨?????
非洲雞，也是店員推介，
好吃，但沒什麼驚喜~
海鮮焗馬介休，
有濃濃的芝士香味，也好吃，
但確實掩蓋了主角，
還是ESCADA的馬介休球令我回味~
紅酒燴牛尾，
牛尾很腍很嫩滑，牛味勁濃，
配菜的紅蘿蔔也好吃~
女生最愛的木糠布甸，
這裏的足有6層 (旅遊書說有8層？)
似雪糕多一點，但飯後一件也不錯，
不甜不膩，值得一試~
人多吃得好，這是倆口子撐枱腳外的更快樂體驗~~~滿意!!
這一餐每人平均 $170。
九如坊
地址：澳門新馬路板樟堂巷3號樂華花園地下B舖
電話：2833 1818
營業時間：星期一至日 12:00-23:00
飽餐一頓後已將近7點，
水舞間8點開場，
為省車費，大伙兒決定走到永利諗住搭shuttle過新濠，
點知冇車，最後還是排隊搭的士，
時間剛好入到場，非常驚險~XD
第一次看水舞間，非常期待又興奮，
事前有人跟我說覺得好一般、不好看、把鬼，
但我的評價是：實在棒極了!!!!!!!!
是非常掗May乘的一個玩命表演~~~~
畀咁貴，我影咗幾相就放棄了，
因為我實在太投入~~XD
燈光、特技、服飾.......什麼也很好看~
我整晚都在想，究竟水底有幾深......
我仍會告訴你，未睇過應該要來，
值得畀貴一點買個好位~
完場了，只是9時多，
穿過新濠天地，對面就是我們住的威尼斯人~
返房？唔係呱，咁大棚人梗係去食宵夜啦~~~XD
夜晚都有30幾度的高溫下，
我地決定繼續徒步到官地街~~
沿途也看見浮誇得很的Galaxy.....
大約走了30分鐘 (我諗有...)
就來到官也街，不過店子已關門的多，
見到呢間有賣雪糕，即食!! 解暑!!
我要榴槤味~~~~~
從未食過榴槤的老公第一次品嚐，接受到喎，
榴槤同盟多一個人!! XDD
宵夜目標：誠昌飯店!
趕得切落啦屎柯打~~~
同老公來就唔駛旨意食蟹粥，
因為佢唔食蟹，
所以呢次同班後生仔來實在好感動，
因為大家乜都食，正!!!!
蟹粥香綿滑，冇得彈，
也點了炸丸雙拼，我愛鯪魚球，墨魚丸也不錯~
加多個伊麵、生菜，好快清晒碟~
誠昌飯店
地址：澳門氹仔舊城區官也街28-30號
電話：2882 5323, 2882 7589
營業時間：星期一至日 12:00-23:30
宵夜後，沿路返回威尼斯人，
一行人走去賭場見識見識，
同行後生仔女年青到要畀人查身分證，
帶契我同老公有幸畀人查埋一份，
老公對此深表高興 (爆)，
咁老餅都畀人查，很有成就感~XDDDD
跟住d後生入去玩，佢地真係有人玩，
少少地贏咗幾十蚊老虎機，不過好快輸番晒~
賭博呢家野實在很奇妙，
睇下好喇~~XD
玩到12點幾先返房休息，
畀成3000蚊晚又冇早餐又冇wifi，
究竟有幾巴閉？
咁，其實真係好靚架喎~~~~~
間房好大，佈置好有宮殿feel，
諗起瞓緊張床的樓下就係紙醉金迷的賭場，
你唔覺得好夢幻咩？
我同老公講，
假如有日你坐落張賭最細都要5舊水一局的賭枱上都唔覺得肉赤，(可能5秒就輸咗)
你就係真正的大富翁........(志氣太短XD)
兩張大床，一張都大過我屋企果張，
超級好瞓!!!!
3000蚊住一晚值唔值？
當係個見識，冇話唔值既~
廁所超爆大，有埋梳妝枱~
不過已有一點殘舊，好多角落都見到灰塵~
幸而冇異味，仲香噴噴。
講明係豪住窮食，我地連支水都唔駛買，
賭場喪拎!!! XDDDD
第二日朝早約了10:30集合，
老人家未瞓就肚餓，結果我地兩條友提早落去食早餐~
一出電梯就有food court，
消費好貴，好多未開門，
求其揀咗喜記買兩碗麵，咁就$110。
食完行個圈，就返上房執野~
上次來逛過一趟，新鮮感沒那麼強，
還好，也實在不夠時間去磨~
扮下土豪睇電視，點解得卡通.....XD
個廳非常正，但使用度其低.....
Check-out了，咁就一晚~
拉大隊又出番去官也街食茶餐廳，
豬扒包是target~
原來正宗豬扒包一定會連骨，
這個不過不失，
醫肚、好味，但沒有讓人驚艷~
(其實我覺得去到某個地方吃任何東西都可以很美味，心態問題~)
老公吃了早餐，還是跟大隊再吃一個牛腩豬扒麵，勁~
新好利咖啡餅店
地址：澳門氹仔舊城區地堡街13-14號
電話：2882 7313
營業時間：星期一至日 7:00-18:00
吃完走過對面7-11買水，旁邊就是沙度娜，
繼續試木糖布甸，
大伙兒一齊吃，就是好吃~
然後我們就去巴士站等車去漁人碼頭，
沒有直接到的，就搭到去澳門碼頭再走過去~
乘不同交通工具是去旅遊的最佳體驗，我喜歡~
這次也是我第一次在澳門搭!
去到碼頭，正值中午，好熱好熱~~~
但沒車去漁人碼頭，就要走路呀~~~
你可以想像熱到天靈蓋都爆.......
上次來，是傾盤大雨.......
今次個大晴天真係百倍奉還 XD
走走看看，之後過對面金沙過冷河，
喝杯凍飲解解暑............爽呀~~
隨便偷停泊在門外的shuttle bus的wifi! (長知識了)
下一站打算去大三巴，不知車站在哪，也不知怎樣去，
不要緊，在金沙搭shuttle返回碼頭，
再轉乘去新葡京的shuttle便行了，
下車後再走過去，
年青人慳錢大法，係咪好爆？
我好buy喎!!
買下手信，鑽下小街，
走過祥記而不入，幸好之前吃過~
有人請喝家鄉椰汁，美味，感謝!!
依依不捨下，決定行程完結前再來一頓飯，
飯前經過盧家大宅就入內看看~
被澳門保留下來的百間歷史老店之一：蕃茄屋
可以吃到超便宜葡國菜~
識揀!!
叫了個家庭餐，再另點幾味，已好夠吃~
咁高興，啤啤佢!!
我唔啤喇，因為我更想飲呢隻汽水! XDD
葡式豬頸肉，賣相是我意想不到的，
其貌不揚但好好食!!!
變形馬介休球，是條吧？XD
下面是馬介休焗薯蓉~
我最愛橄欖!
令人驚喜咖哩牛，蘸包食超級美味!!!!!
呢碟紅豆豬手無敵好食~~~~~~
豬手夠腍，紅豆是紅腰豆~
微酸少甜，好開胃!!
買四送三仲每杯平3蚊的布甸，
被大家選為此行最好食的布甸，滑溜到不行~~~~
呢餐每人平均 $87，係咪超爆抵先!!!!!
蕃茄屋葡式美食
地址：澳門新馬路史山斜巷4號
電話：2836 2171
營業時間：星期一至日 11:30-22:30
星期二休息
開心吧!! 多謝老豆同事的邀請和安排，
以後應該會有更多好玩活動一齊參與!
(真係年青又嫩口，呢兩日簡直重拾青春呀呀呀呀~~~~)XD
還多謝同行友人的父親給予坐船優惠，
平價買貴票，坐頭等，有野食有野飲，
落船仲快人一等，妙!
你有幾耐未青春過？
喲呵~~~~~~
