「恭喜閣下已經中咗本世紀最離經叛道婚宴派對名額一個!!!
婚宴上唔會有乳豬、魚翅、鮑魚、紅豆沙.......
亦唔會出現禮服、裙褂、心口吊金豬.......
所以獲邀出席者亦無須帶備港女500，
只要人到，就能享用3小時新人貼身侍候服務XD」
(摘錄自fb私密派對群組第一則通告)
很多朋友都羡慕我不用擺酒，
對啊﹗人生大事能由自己決定形式是十分幸運的﹗
親戚長輩擺幾圍吃個飯，朋友老死梗係要玩餐飽，
點玩？梗係新人話事啦﹗XDDDD
在fb開gp玩神秘邀請，果刻已經好興奮，因為我想像到來賓的期待﹗
4個月後的今天寫番個blog，仍然好回味~~
結婚日：2012年11月27日 ( 求婚日：2010年11月27日)
點解隔咗2年？因為hea......XD
派對日：2012年12月9日
( 其實11月頭才找地方籌備，點解？今次因為忙......XD)
好好彩，平日唔多睇雜誌的我有次PP痕買咗本飲食男女，撞啱果期講私竇廚房，
見到呢間位於火炭工業區的STEAK WORKSHOP，
就約老闆睇場，
交通OK地方冇唔妥，就決定呢度搞﹗
個場幾千呎，一次可容納30人(但我已偷雞請爆額=p)
後來得知因為老闆得佢同助手二人，所以應付唔到超過30人的食物.......@,@
為彌補未能出席的更多好友，就用此Blog做開心share補數啦﹗
派對當日所請的朋友都係有今生、有來世，
包括中學同學、大學同學、同事和我與老公的共同朋友，
我成日幻想可以搞個小型P，匯聚呢班最close的fds等大家互相認識，
因為每批朋友都會從我生活趣聞中，聽過我與其他朋友的趣事，
根本，你地一早就識啦﹗今次見真人係咪好爆先？﹗XDDDD
獲邀出席的朋友好多都第一時間拍口心幫我做籌備工作，好感激，
所以我都唔見外，密密安排各單位一齊參與，
依據朋友性格同所長，畀個適合佢做的崗位，相比七點去酒樓坐響度等開波，
梗係好玩到彭彭聲XD
中學同學見到現場個大黑板，即刻自動波起手塗鴉，
仲拉埋佢老公一齊畫，好正﹗
中學時做值日生的回憶hurhur聲返晒黎~
美女同事化身做我的姊妹，一早就到沙田幫手入貨買零食﹗
仲排到好鬼靚去迎賓﹗讚~
仲要多謝住沙田的姊妹提前幾日幫我買飲品，
多謝埋佢老公開車送貨入火炭，辛苦晒﹗
係呀，呢個P全部要自己搞架，提升大家參與性，唔識都變熟，幾好=P
睇下我班姊妹幾認真，密密做到冇停手，睇番相，真係超Sweet~
同場仲有多名專業攝影師，曾經同我日日出生入死影星影美食影靚相，
你睇擺位幾認真~
同場仲有專業姊妹，著埋姊妹裙出席﹗
咳咳.......因為佢當日真係要去做姊妹呀﹗
係特登咇時間出席我個P，仲帶畀其他賓客無限驚喜，
真咪好堅先？XDD
為答謝來賓，小禮物送乜我真係諗到頭都大@,@
還原基本步：我要出面買唔到的﹗
呢批心心係我親手逐個整，塊喜慶布係我珍藏，
捨得，因為我愛大家~~ 希望大家有驚喜:D
哇哇哇﹗毫無planning下，我的朋友亦為我帶來驚喜﹗
黑板畫得堅靚﹗
用黎影相真一流﹗呢個年代呢d朋友，邊度搵呀？
多謝你地呢份禮物^3^
一切準備就緒等賓客來臨，一對新人就玩自拍~=p
講番個場，分了兩部份，入面係個大型開放式廚房，
同老闆傾掂數後，佢地幫手做當日的輕便小食，
我要求食物健康不油膩，用料好，即場煮，夠新鮮~
廚房側邊有張大餐桌，圍埋一齊傾下食下夠溫馨~
喜歡裝修五顏六色，醒神夠熱鬧﹗
開P時間到﹗由於星期日工廠大廈正門唔開，
要特別委派姊妹做人肉保安護送賓客到場﹗
不知就裏的朋友事前係咪好期待呢？XD
來賓魚貫入場，鬼鬼馬馬﹗
場地格局由自己話事，我們擺了張枱做接待處，一樣要簽名架﹗
又自拍，有人攝位，賓客應該都幾high丫？kakaka~
齊人後，先來醫肚時間，梗係唔得餓親賓客﹗
鹵水雞翼同焗雞翼不可缺~
有不同肉丸配意粉~
有大眾喜愛的煙三文魚~
記憶中還有牛扒？豬扒？露筍？咖哩角？春卷？我唔記得.....XD
其實個P重點唔係食，而係睇表演~
不過我中意呢種casual style，大家都輕輕鬆鬆冇負擔~
朋友們可以自成一角gather下~
又可選擇坐埋一齊互相認識(雖然我唔知佢地有冇識到)XD
食飽﹗就到表演時間，
我一向都好proud of朋友的才能，有人知我開P就一口答應表演彈結他﹗
一開波就炒熱現場氣氛XDDD
要表演，點少得由主角上陣？
萬眾期待的一Part：我老公親述求婚經過﹗
佢好緊張，堅有認真綵排，我當然覺得超級好笑XDDD
賓客享受期間，我還安排姊妹送上飯後甜品：日式乳酪、布甸﹗
就係當日大家朝早幫手買的，款多、特別、夠健康，
邊個話結婚一定要食cake唧？=p
派對由2pm玩到5pm，雖然部份朋友已提早12nn開始幫手，
但我地都覺得好唔夠喉﹗
咁咪好囉，咁先夠吊癮，又回味丫嘛﹗XD
好愛呢批handmade心心，一口氣要整30幾個，
我曾有一刻淆底：究竟係咪整得切？
但enjoy做一件事，要花幾多時間都係樂趣，
我一邊做縫寶寶，一邊諗下朋友收到時的反應，喂，值晒啦~
可以綁響手、做掛飾，做埋禮物裝飾都得~ 希望大家喜歡^^
禮物包入面又有乜呢？我唔想出面買到，但自己又做唔到，
啱喇﹗有朋友仔識整手作潤唇膏同肥皂，
實用又天然，無敵組合﹗﹗
霹靂無敵勁人兩星期起到一大批貨畀我，勁勁勁﹗
朋友仔曾經去過台灣學師架，得閒就整來賣，堅pro~
唔用肥皂的，還可擺放在衣櫃用來除味驅蟲﹗
事後得知，好多朋友都讚好﹗哈~ 開心呢~
P前寫了幾次流程，難跟都要做個大概，
畀幫手的朋友清晰你做乜係好重要架﹗
好多我當日唔記得要做乜，全靠姊妹幫忙，
自動波解決問題，錫﹗>3<
P前一晚，又係臨執好野先知咁大堆，漏夜致電好友幫忙，
多謝你借出老公同佢駕車黎載我地入火炭啊~~~~
要拎咩？禮物啦、文具啦、裝飾啦、相機同腳架啦...............
大概來賓都不志在食，或者表演好睇到唔記得有野食，
結果...........我地拎了呢堆廚餘返屋企，
個場好在有真空袋幫我地pack起食物，幾好喎~
話明個P唔收人情，但朋友仔都超級錫我，
畀咗......仲有好多禮物，好有心思﹗多謝啊~~~~
個場的牆磚仲可畀人任畫任寫，有個大細路即席揮毫，畫乜呢？
畫咗條龍？估佢唔到=P
得知朋友都好enjoy個派對，
事後仲share相片話我知個心心放咗響邊，超心甜呢~
掛燈﹗
掛聖誕樹﹗
掛monchichi﹗
掛電腦mon﹗
掛揮春？XD
點解呢塊布唔同咗？
因為男仔的心我特地刻了佢個名、或佢同另一半的英文字母，
其實.....我真係唔夠布用XDDD
承諾下次搵得番果塊喜慶布，我會再整番個畀大家﹗
呢種Wedding P，你想唔想搞呢？
都係果句，開心又enjoy就得啦﹗
我都好期待參與多名朋友黎緊的婚宴﹗傳統都有傳統好~~
Happy Wedding~~~~:D
沒有留言:
張貼留言