18/2/2016 (星期四) 初十一
新春之旅進入尾聲，手信篇~~~
隔咗成年睇番d相，真係好回味啊!!
再睇番d手信.....真係唔記得自己買過 XD
大包小包回程去，究竟個Trip買咗乜？
其實每次都話唔會買，最後又......
推介最佳個人紀念品：幾百Yen有交易，又輕便又易收藏~
景點壓花金幣。
香港迪士尼都有呢d機，入個銀仔睇住佢整，過程都enjoy埋~
(今次有江之電鐵、富士山)
在鐮倉小町通買的冷帽，平到唔記得幾錢，總之超平!!XD
仲有成間舖任你試食的豆豆，咖哩味非常好食!!
便利店買的零食雜貨：
用來下酒的沙樂美腸芝士小吃，好好味~~~(雖然好少飲酒)
傳聞可以當作 Mask的日版NIVA Cream，好平，買咗兩支~
試過沖涼時用來敷面，的確潤到爆~
有驚喜，竟然響便利度凍櫃見到叮噹 x Hello Kitty杯，
杯入面仲有個啫喱~~~相信出面應該冇得賣~
響沖繩食過爆好食的撈麵，今次響超次見到，入咗貨~
鐮倉特產、必買，連高木直子漫畫內都有提過的手信：
豐島屋鴿子餅乾，
口感酥脆，今次老公醒，買咗鐵盒裝，
不然山長水遠拎到返香港，會好易碎晒~~
特登扭畀兩個女的船梨精小帽，卡娃依~~~
去箱根不能錯過的名物，還有「寄木細工」，
寄木細工係一種傳統手工藝品，起源自江戶時代，
迄今已逾200年歷史。
由不同顏色的天然木材組成各種圖案，
圖案當然是師父構思，混合桂樹、漆樹、樟樹等的木塊製成，
當中經過精細的裁切、黏貼及打磨而成。
成品可以很貴，絕不便宜，我小小地買咗個貓咪杯墊，
當然不會捨得用呢~
實在好精美!!!!
入住箱根旅館時送的welcome snack，
覺得非常好吃，就正中佢地下懷喇，
因為紀念品部有發售，
呢d咪叫小財唔出，大財唔入囉....佢地~XD
還有旅館溫泉任用的超爆補水滋潤護膚品，
浸完溫泉試用後，立即愛上，
我好後悔那瓶美水泉WATER GEL不買多些......
實在好用到不行!!
燻蛋。
今次去唔到大涌谷，食唔到黑蛋，
但又買到燻蛋，唔知係咪同一樣野黎呢？
傳聞食左可以長命多7年~XD
Anyway，係好食既~
還有一堆立立雜雜的手信~
叮噹水樽，好靚囉~~~
去小王子博物館當然不會空手而回......
小王子博物館好值得去，
本身沒有追看，但去了一趟後才發現這部童話根本不是單純給小孩看的，
而是給大人看的，非常深奧~
我欣賞作者，所有事物都疑幻似真，其人生也充滿奇遇~
(我還記得，當初認識老公時，他的網名叫憂鬱的小王子XDDDD)
幾乎所有玩偶我都想買下來，
但取捨下最後只抱小王子和下面這個回家，
由進館一刻已被這個像是帽子其實是蛇吞象的東西吸引，
它富有無窮的象徵意義：
書一開始，作者自述了小時候畫了一張「吞了大象的蛇」給大人們看，
以為大人們會大喊 “好可怕啊!”
最後大人們卻淡然地說 “一頂帽有什麼可怕？”
人越大，想像力和幽默感都會隨之流逝，
因為人的成長過程中，多少都受到社會所定的規限，
剝奪了原本擁有的藝術天份與豐富情感，
人就漸漸變得沒趣、冷漠。
買下這頂「帽子」，讓自己時刻保持童真童心~
最實用而又精美的小抱枕，老公把它帶回家~
每次去日本必買的平安符~
但聽聞日本人一年過後，會把舊的符帶回廟宇化掉 (燒掉？)，
再買新的~
作為遊客，也就只能當個紀念品欣賞~
也買了給女兒們，好可愛~~~
保祐小傢伙健康長壽、交通安全 XD 仲要有個玉球仔，吖~~
非常滋味的啜啜雪糕，浸完溫泉在販賣機買到的，
當然沒有帶回來，即場幹掉﹗
見到不要錯過~~必試~~
芝士撻，也可當手信~
造型是富士山的米餅，好好吃~~
也是不能帶回港，卻又不能錯過的雪糕批~~~
當天給我遇到商品首日在便利店發售，竟然搶到來試吃~~呵~
在Sky Tree花錢拍的紀念照，幾過癮~
Sky Tree的商場真的讓人瘋掉，太多好貨!!
野口眼罩kekeke.......冇買...
小丸子家族原子筆.......也冇買....
影咗當買咗，我是有夠冷靜呀~~~>.<
叮噹我就忍唔到手喇，幾乎畀我立曬全個貨架的貨....
抹手巾實在太太太可愛~~
也只怪我好多朋友都愛叮噹呀!!!!
真係誰都喜歡你ga ne~~~
遊客區的關係，貨架上寫著不同語言，
其實我一直叫他梳乎蛋，
但身邊的都叫他蛋黃哥，
不記得哪處他又稱為懶懶蛋~XDD
粒糖......食埋佢個PAT PAT...好盞鬼~
半澤直樹MEMO PACK~
Hello Kitty布袋米餅 Sky Tree版，食完仲有個袋仔用~
Sky Tree星座版巨型Pocky，作為手信，小朋友好中意，好食又冇伏~
超濃芝士卡樂B，唔記得個味喇已經~
去日本我總有舖買M巾癮.......試用試用再試用~
讓姨媽到變成樂趣~XDDD
老公買的Nikon nanoblock，
過咗一年都未砌~
呢盒係我買畀老公的Nikon甜點，
一直以為係曲奇餅，覺得點解咁重既？﹗
其實人地成個大字寫住：羊羹......
打開食咗先識讀....XD
甜到嘔茄 >0<
有乜特別但幾靚的腰包仔，以為返工啱工，
唔記得自己好少著老牛，亦根本唔會用腰帶囉~kakaka.....
河口湖手信一覽：
櫻花脆條、巨峰糖果，仲有響香港食界爆hit(上年)的巨峰啫喱~
日本買當然好平，買果陣會諗佢易唔易壓爆呢？
不過冇理，超買，原來好鬼硬淨~
唔難食但唔覺得特別好食，香味不足口感就是一般啫喱，
純粹買佢夠過癮好玩....哈~
玫瑰汁，應該普通到唔記得咩味~
士多啤梨茶 (呢個系列我近期響黃埔Aeon見到十分多貨!)
櫻花潤手霜，呢支真係無敵香噴噴，
放佢響邊都薰到一陣香氣，仲未捨得用~
河口湖駅買的富士山刺繡杯墊，唔阻位，又精美~
又係唔阻位好精美的富士山小襟章，送咗個畀老公~
兔仔護身符，好好好靚~~~
呢次喜出望外地無情情見到間飄零燕紀念品店，
就響我地入住果間旅館對面，
事前唔知，冇搵過，係經過時見到佢個招牌先識貢入去八掛~
人大咗冇乜特別想要或有需要，
但點都買咗本記事簿...(死唔執輸mode)
仲搵到兩個女的名字印章，最後好似冇買？？
Miku & Nana(ko)
反而扭咗爆多扭蛋，因為扭咗一個拆開見手工非常細緻，
同埋唔貴，我估香港要用$30扭一隻~
下面兩個係老公買的飄零燕相架連鐘 (請問去咗邊？)
仲有海迪毛公仔一隻，係幾趣緻既~~
又係扭蛋來，會發光的富士山燈仔吊飾，同富士山徽章~
谷中收獲~~
七彩米餅，唔會唔好食~~
阿女都有份的肉肉包~~
覺得好平所以買來試的即食麵~~
令貓奴為之瘋狂的商品：肉球朱古力棒棒、貓咪飯盒包巾(內有餅食)
貓咪袋、頭飾、化妝袋、咕筍套~~
懷舊米果店買的米果~~
光看店家包裝也就是一種享受 (因為人家包得好認真)
巢鴨商店街買的紅色幸運底衫褲，
哈哈還沒有拿出來穿~~
書店是我最易我守的地方，雖然日文看不懂，
但就是想看!!
這本最近看到誠品有翻譯版~
寫blog睇番相先知自己原來買咗....嘿~
頭髮造型教學書，光看相片就令人著迷~~
純粹為個米奇銀包仔而買的時裝讀物，好抵~
當然因為貓咪吸引所以買了下來......
真是沒買錯，內頁有海量的貓咪圖，好治癒~~~
老公買的叮噹，又放咗去邊呢？
在東京的最後一晚，望向窗外，很是不捨呢~~
第二朝拖著喼回程去了~~
個機場跑道設計好讚，有種令人要急住衝線的緊張感~XDD
真的.....有人在預備起跑HAHAHA...
今次首度乘搭乜都冇但便宜的香草航空~
也沒什麼特別的，只是前往日本那程要在香港機場Terminal 2辦理登機比較不就腳~
臨走都仲要響機場放血，
結果滿意地買咗盒九年冇食的白痴戀人~~XD
懷念的味道~
旅程再長，也不過是兩喼一袋兩背包~
遊記已清，是時候去下個Trip喇哇哈哈~~~
下次見拜拜你條尾!!
